DI SCAMMA BWOY: A Jamaican Love Story

CHAPTER 44

Two months later....

DEE'S POV

Mi did siddun pon di balcony ova Badz yard a chill. Me juss move back come back uppa Badz because waa deh nearer to di baby. Mi neva have no problem wid dat still.

Mi decide fi nuh give di baby di formula because Mommy seh mi fi pump instead. Mi still breast feed but a in di day wen mi feel like.

Nae and Badz did a sleep inna di middle day. A she and Badz did up inna di late night last night so mi know him tired.

Yuh waa hear how him a complain how him neva know seh a so baby annoying a night time and how dem eva hungry and all these things.

Mi juss laugh afta him because a dat mi go thru almost every night.

Mi nuh really tired suh mi come siddun outside look ova di view a Santa as mi listen some Alkaline music lowly.

Mi did tell unno how she rate di man? Mi subconscious seh and mi smile.

Naa tell nuh lie, mi rate di artiste pon a different level. Mi nuh business weh nobady waa seh bout di man but a my artiste dat.

"Golden, golden, golden, golden, golden gyal wid a golden hole. Whine pon buddy like yuh cyaa get tired likkle gyal yuh juss a fyah lakka thousand volt golden golden golden girl gold hole not a boring hole yuh do mi a thing weh mi haffi admire and yuh done know seh mi heart frozen cold." Mi sing along to di chorus a Alkaline Carry On.

Di song old but it still sound damn good. Mi remember wen di song come out wen mi used to go skool. Every evening dis song haffi play and have di gyal dem wild inna di boy dem lap.

Mi smile at di memory.

Sometime mi miss di fun weh we used to have wen we used to come from skool.

"Babes?" Mi hear Badz call out inna him hoarse sleepy voice.

Mi pause di song pon mi phone.

"Yes baby?" Mi ansa as mi turn and look inna di room.

"Come feed har fimi deh." Him seh tiredly.

"Mi a come." Mi seh as mi get up outa di seat and walk guh inna di room.

Mi walk guh towards her baby stuff and tek up her baby rag and push down mi blouse and tek time tek out mi titty. Mi wipe off mi nipple and then walk guh towards di bed.

Mi lift up di mesh and sit down pon di edge a di bed. Mi tek mi time tek up mi two month old baby wid the towel and rest her inna mi mi arms.

Mi put the nipple a her mouth and she latch on to it and start suck.

Har eyes dem did wide open a look inna mi face which cause mi fi smile as mi look down pon her weh we create. She did get a little bigger and she get her rightful colour which a did likkle browner than my colour.

"You good?" Badz ask mi pulling me out my thoughts as mi pull mi eye dem from di baby and to him face.

"Yeah.. juss likkle hungry." Mi tell him.

"Yuh eva hungry." Him seh and laugh.

"Because mi a feed two. Di baby juss a suck out mi tripe suh." Mi seh and laugh weh cause Badz fi laugh to.

"Stop blame yuh greediness pon di baby man and juss admit seh yuh craven." Badz seh and laugh.

"Whatever." Mi roll mi eye. "Get mi someting fi eat."

"Wah yuh waa? Todeh a di day wen yuh can eat fastfood." Badz seh ans mi smile.

Since mi pregnant, Badz mek it a point a duty seh a only one day fi di week mi can eat fastfood, but otherwise a healthy food mi haffi eat.