The book is not edited. So please excuse any mistakes I'll be sure to fix them when editing
A Jamaican Love Story between Badz and Dee❤
Read to find out🙏❗
Started:- May 13, 2022
Completed:- September 21, 2022
Highest Ranks:-
#1 Jamaica
#1 Jamaica...
Mi siddun pon di bed wid mi head inna mi hand. Mi jaw did still kinda hot from weh Dee box mi nuh too long.
Bro mi cyaa believe she lef yuh an yuh nuh duh nutten dawg. Mi subconcious seh.
Wah mi duh? Mi not even did whine pon di girl.
Mi go a di party last night and stand up wid Kev and Jay. Di girl dem neva waa come wid we so we go alone. Anyways we deh a di party a drink and a vibe wen Spice Guh Dung Deh come on.
Mi not even see seh Daniella did inna di party. A wen she come infront a mi and bend ova ready fi dance and mi push har weh mi see seh a she. Mi know how she stay and mi nuh like di whole heap a drama drama. She did still waa come back fi whine pon mi but mi back weh and Kev tell har fi gweh from weh we deh.
Mi did have mi pregnant girlfren home a wait pon mi fi come home. Mi love har dawg and mi juss couldn't lose har and worse shi a carry mi first baby.
Mi feel mi hand middle dem wet and mi notice seh water a come outa mi eye.
Dawg di girl all mek yuh a cry ova har. A histry dis to pussyclaat. Mi subconcious seh.
"She really gone lef mi fi wah? Waa pussyclaat picture. All wid mi pickney inna har belly." Mi mumble lightly to miself.
Mi tek up mi phone offa di nightstand and mi dial her number. It ring out till yuh hear the automated voice.
"The person you are trying to call is currently unavailable. Please leave a voicema-"
Mi hang up and call back but this time it juss go straight voicemail.
Mi go inna mi contacts and look fi Nana numba.
Mi dial it and listen as it ring and then Nana ansa.
"Wah yaa call mi fah? Dacia nuh wa chat tuh yuh so gwaan back to yuh dutty waste matta." She seh and hang up inna mi ears.
Mi shake mi head and juss drop mi phone pon di bed. Mi walk guh a di bathroom and brush mi teeth then tek waa shower.
Mi stand up unda di wata and a think.
Yow she really nuh trust mi fi think seh mi woulda duh her like that? Mi know mi give her every reason nuh fi trust mi because a wah mi duh har last year but believe mi when mi seh mi love har and mi wouldn't duh nutten fi hurt har wid Daniella. Mi not even see di girl, last night a di first mi a see her since mi lef har.
Yaa guh mad bro?
No sah. Mi juss a gwaan easy. Mi think to miself.
Mi step outa di shower and dry off dem pull on waa simple black Nautica underpants, waa light blue jeans pants and waa white t-shirt.
Oops! This image does not follow our content guidelines. To continue publishing, please remove it or upload a different image.
