DI SCAMMA BWOY: A Jamaican Love Story

CHAPTER 29

2 months later....

DEE'S POV

Mi deh home todeh and a bout seven now. Todeh a Sunday and mi lay down inna wid Badz sida a mi a sleep. Him come in bout five this morning. Him did have waa party a him club a Junction last night. Him did ask mi fi come wid him but mi tired and did waa sleep so mi tell him no.

Mi three months pregnant now. Badz mek mi go check up every month. My baby is developing quite healthy and I'm glad.

Morning sickness is di worst. I feel nauseas most of the time and I vomit almost every morning.

Mi rest mi hand pon mi stomach and rub it. It did slightly bloated but yuh woulda haffi look hard fi see seh mi pregnant.

Mi tell Mommy and Daddy seh mi pregnant but mi tell dem nuh fi tell nobody up deh because dem too fass up deh.

Mi get up and walk go to di kitchen downstairs. Mi tek up mi bag a purple grape and di cut up pineapple. Mi take out some a di grape and di pineapple and put dem inna two plate, one fi mi and one fi Badz. Mi cut two piece a melon and put inna each plate. Mi cover di plate dem and put dem pon di counta.

Mi tek up waa bowl fi mek some small pancake. Mi mix up the pancake mix wid water and then mek the pancake inna waa frying pot.

Mi put pancake pon two plate and add chocolate syrup pon mine and maple syrup pon fi Badz. Mi carry fimi and Badz food up to we room and then me walk go back down a di kitchen.

Mi take up waa bottle a orange juice because di doctor tell mi fi stop drink ginger beer because the whole heap a acid drinks nuh good fi di baby. And mi tek up waa Arizona Herbal Tea di Badz.

Mi carry di drinks up a we room.

Badz did a sleep pon di bed so mi juss decide nuh fi wake him so mi start eat mi pancakes. Mi tek up mi phone and a gwaan scroll through instagram when mi see a message come up seh _Dee._.Lee__ waa sen a message.

A who name suh? Mi think to miself.

Mi go over mi chats and go a di message request and _Dee._.Lee__ a di top.

Mi click pon her message because she naa guh know seh mi seen it but when mi see the message mi immediately regret opening it.

A did waa picture wid Daniella bend ova in front a Bad like she did aguh whine pon him. Him did inna di same clothes weh him wear last night suh that's why mi know a just last night.

Mi look ova pon him face.

Yuh see how him look innocent a sleep. Mi subconcious seh and mi start get angrier.

Mi nuh know if a thru mi did pregnant mek mi suh vex but mi a tell yuh if yuh cut mi wid a knife right now, yuh naa guh see nuh blood.

Mi woulda lef him eno. Him and dah gyal deh look like dem nuh have nuh lef a lef. Mi subconcious ring inna ears.

A dat mi aguh duh cause mi no waa nobody a play mi like idiot. Mi think to miself.

Mi stop eat and get up from di bed. Mi tek up mi duffle bag and start stuff mi things ddm in there. Mi did a stay wid Badz most times because mi pregnant and him waa mi deh near him. We nuh move in together but mi deh there most times.