The book is not edited. So please excuse any mistakes I'll be sure to fix them when editing
A Jamaican Love Story between Badz and Dee❤
Read to find out🙏❗
Started:- May 13, 2022
Completed:- September 21, 2022
Highest Ranks:-
#1 Jamaica
#1 Jamaica...
"Daddy, Ante want juice." Dev seh to mi as she stand a di side a di bed a look pon her lil bro who did liddun pon di bed a mek noise.
Yes mi seh lil bro.
Dacia did end up get pregnant again and now we have a ten month old baby boy by the name of D'ante (pronounced Dee-An-Tae) Kadian Gordon along with our almost five year old daughter, Devonae Kamelia Gordon.
But yuh see like how Dev fava mi, dis pickney a di splitting image a him madda.
"Babes?" Mi call out to Dacia weh did gone downstairs fi guh mek di baby feeding.
Mi did decide seh mi need a different place of scenery so mi decide fi move go Montego Bay and Dacia seh she waa move too. So we get a house fi buy a waa likkle place weh name Claude Clarke.
"Yes babes." She yell back.
"Hurry up wid di feeding nuh. Di baby hungry." Mi seh and raise up and tek up di baby.
"Yuh hungry son?" Mi ask him as mi hold him inna mi hand and a rock him.
"See di feeding yah." Dacia seh as she hand mi di baby bokkle.
Mi tek it from her and open it and place di nipple a him mouth. Him immediately start suck pon di nipple and mi smile.
"Come Dev mek mi bathe and ready yuh." Dacia seh as she lead Dev outa we room.
We did mek a arrangement fi go a Plantation Smokehouse restaurant todeh fi go have dinner.
Mi a plan fi engage to Dacia tonight too.
We deh long time now and she carry mi two pickney dem.
A she tun mi inna fada and inna waa man. Mi love har and mi juss waa spend di rest a mi life wid har. Mi no see nobody else weh mi feel so bout.
Mi continue feed di baby while Dacia bathe Dev.
《🦋💜🦋》
Mi did juss a get ready. Dacia did done get di baby dem dressed aready.
Dev did inna waa white dress wid waa clear slippers and her hair did do to di side and bead up. D'ante did inna waa navy blue shirt, waa white pants and waa white and navy polo shoes.
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
