"အမ ကျုပ်ကိုခေါ်တယ်ဆို"
"ဟုတ်တယ်အရိုင်း တိုင်ပင်စရာရှိလို့"
"ဘာလဲ"
"အရိုင်း...အမလေ အမ ရွာပြန်ချင်တယ်"
"ဘာလို့လဲ အမကိုဘယ်သူတွေကဘာပြောလို့လဲ"
"မဟုတ်ဘူး ဘယ်သူမှဘာမှမပြောဘူး ဒါပေမယ့်.."
ရင်ထဲမှာရှိနေပြီးသားစကားတွေကိုပြောချင်ပေမယ့် သူမကြောင့်မောင်ငယ်လေးစိတ်ရှုတ်သွားရမှာကိုလည်းမလိုချင်ပါ..ပြောမထွက်တာမို့ငိုမြဲသာငိုနေတော့အရိုင်းကစိတ်တိုလာဟန်..
"အမ ဘာဖြစ်တာလဲ ပြောစမ်းပါ"
". .."
"အမ မပြောရင်ကျုပ်သောင်းကျန်းမှာနော်"
"အရိုင်းရဲ့ ငါပြောလိုက်ရင်နင်ကတစ်ဇွတ်ထိုးလုပ်မှာစိုးတယ်"
"ဘာများဖြစ်နေလို့ကျုပ်ကတစ်ဇွတ်ထိုးလုပ်ရမှာလဲ ကျုပ်စိတ်ပူလာပြီ အမြန်ပြောပါတော့ "
အရင်ဆုံးအနေနဲ့အရိုင်းရင်ခွင်ထဲသူမခေါင်းအပ်လိုက်တယ်။လက်တွေကအရိုင်းပုခုံးအားဖိကိုင်ထားပြီး..
"ကိုခွန်းဇော်နဲ့ပြန်တွေ့ပြီ"
"ဘာ "
"မနက်ကမှ "
"ကျုပ်ကိုဘာလို့မပြောတာလဲ "
"ပြောပြီးဘာလုပ်ရမှာလဲငါ့မောင် မင်းတို့မင်္ဂလာယူနေတဲ့အချိန်ကြီးလေ ပြီးခဲ့တာလည်းပြီးပါပြီ "
"မပြီးနိုင်ဘူး ကျုပ်သူ့ကိုအမအရှက်တကွဲအကျိုးနည်းဖြစ်ရသလိုပြန်ပြီးလက်တုန့်ပြန်အုံးမှာ သူဘယ်မှာလဲ ဒင်းဘယ်မှာလဲအမ"
"မလုပ်နဲ့အရိုင်း အရင်တစ်ခါကတော့အမတို့နှစ်ယောက်ပဲစိတ်ဆင်းရဲရတာဆိုပေမယ့် အခုကငြှိုးမာန်ပါစိတ်ရှုတ်ရမှာ"
"ဘာတွေပြောနေတာလဲ ငြှိုးမာန်ကသူနဲ့ဘယ်လိုပတ်သက်လို့လဲ"
"သူကငြှိုးမာန်ကိုကြိုက်နေတာအရိုင်း ငြှိုးမာန်ကြောင့်ပဲအမနဲ့စံလေးကိုစွန့်ပစ်ခဲ့တာ အခုချိန်မှာငြှိုးမာန်သာဒီကိစ္စတွေသိသွားရင် သူစိတ်ဆင်းရဲရလိမ့်မယ်"
YOU ARE READING
{မောင့်အရိုင်းပင်}[Completed]
Romance"မင်းနာမည်က" "အရိုင်းပင် ....ငါ့နာမည်ကအရိုင်းပင်"