မနက်စောစောပဲသူတို့ပြန်ဖြစ်တယ်။အရင်တစ်ခါကလိုပဲရွာသူရွာသားတွေကနှုတ်ဆက်ပါသည်။
"အရိုင်းရယ် စိတ်ကလေးရှည်ရှည်ထားစမ်း ထစ်ခနဲရှိရွာပြန်ပြန်မလာနဲ့"
"ကျုပ်စိတ်ကျုပ်ပိုင်တယ် သူကြီးအပူမဟုတ်ဘူး"
"အော် ငါ့နှယ် ခတ်ထန်လာလာချော့ခေါ်ရတာလွယ်တယ်မှတ်နေလား"
"မလွယ်တာကျုပ်သိတယ် သူကြီးပြောစရာမလိုဘူး "
ဦးဘဆွေမှာပြောစရာစကားရှာမရတော့ပေ..တစ်ခွန်းမကျန်ပြန်ပြန်ပြောနေတဲ့အရိုင်းကိုစိတ်လည်းမဆိုးနိုင် နဂိုဆဲဆိုခံပက်တာကိုတွေးရင်အခုလိုပြောတာကမဆိုးဘူးလို့တွေးမိတယ်။
"ဘကြီးဆွေ ကျွန်တော်တို့သွားမယ်ဗျာ နောက်မကြာမကြာလာလည်ပါ့မယ်"
"အမလေး အမြဲတမ်းကြိုနေမှာ မအားရင်မလာနဲ့ ရတယ် "
"ဟုတ် "
"အရိုင်းပင် ငါ့တောင်နှုတ်မဆက်တော့ပါလား လင်ကိုစိတ်ကောက်လာတော့ဖြင့်ဒီအောင်နိုင်ဆိုတဲ့လူမွဲကိုပဲအားကိုးနေပြီးတော့"
"ကိုအောင်နိုင်ကြီးမိုးမလင်းသေးဘူးမူးနေပြန်ပြီထင်တယ်"
"ဖြစ်မယ်မောင် အောင်နိုင်ရယ် ငါမင်းကိုနှုတ်ဆက်ဖို့ရှာပါသေးတယ် မင်းကဘယ်ရောက်နေမှန်းမသိတာ"
"အမျိုးမျိုးပဲ ငါ့ကိုထန်းရည်ဖိုးလေး..ဟဲဟဲ မစပါအုံး"
"အောင်နိုင် ငါ့မှာအဆံမရှိတော့..."
"နေနေမောင့်အရိုင်း..ကိုအောင်နိုင် ရော့ "
တစ်ထောင်တန်ဆယ်ရွက်ကိုသူထုတ်ပေးလိုက်တော့အောင်နိုင်ကဘုကြည့်ကြည့်လာပြန်တယ်။
"ဘာလဲ မင်းကငါ့ကိုသူတောင်းစားမှတ်နေတာလား"
"အမ် မဟုတ်ပါဘူး"
"ဟျောင့် အောင်နိုင်ဘာကောင်လဲတစ်ရွာလုံးသိတယ် အရိုင်းပင်ဆီကတောင်းနေကျမို့တောင်းမိတာ မွဲနေလို့မဟုတ်ဘူး ရှင်းလား"
"မောင့်အရိုင်း လုပ်ပါအုံး စေတနာနဲ့ပေးတာကို"
"ထားလိုက်မောင် အလကား ပြန်မယ်"
YOU ARE READING
{မောင့်အရိုင်းပင်}[Completed]
Romance"မင်းနာမည်က" "အရိုင်းပင် ....ငါ့နာမည်ကအရိုင်းပင်"