"في كافية"
في أحدى الكافيهات كان يجلس يحيى و امامه اسيل
اسيل بإسغارب و قلق: حضرتك طلبتني لي أنا معرفش حضرتك غير انك صاحب مستر اسر
يحيى بلطف: طيب اهدي الاول انتِ قلقانه لي انا بس عايزك فحاجة بخصوص ملك
اسيل: ملك اختي؟!!
يحيى: هي مش ملك صحبتك و بنت عمك تقريبًا
اسيل: ايوا بس مش بنقول صحاب بنقول اخوات، بس مالها ملك هي كويسة و بعدين حضرتك تعرفها منين
يحيى: احم بصي الصراحة أنا معجب بملك، و مش عارف اصارحها ولا اقولها،بس انا كلمت بباها و اتقدمت و عايز اعملها مفاجأة و كدا،كل اللي طالبه منك اني عايز اتواصل مع العيلة كلها علشان نتفق كلنا و نعملها المفاجأة،و غير كدا بقى عايز ارتب معاكي المفاجأة، اه و حاجة كمان بقى ياريت تقبلي نكون اخوات و تعتبريني اخوكي الكبير بما انك هتبقى أخت مراتي و مرات اخويا، ثم ابتسم لها بهدوء
ف ابتسمت اسيل على استحياء قائلة "أكيد أقبل،و ان شاء الله اقدر اساعدك فالمفاجأة" ثم قالت بحماس "نرتب المفاجأة دلوقتي"
يحيى ضحك: ماشي بصي يا ستي...
♡♡
"عِند منصور و ملاذ"
منصور بغضب: ملااذ هو انا مش قولت الزفت دا ميتلبسش لي مصرة تخرجيني عن شعوري
ملاذ: منصور أنا لابسة كدا فالبيت مفيش حد فالبيت غير أنا وانتَ و يحيى
منصور بغيرة: اهو يحيى يعني مينفعش تلبسي كدا قدامو
ملاذ ببلاها:أنتَ بتهزر يا منصور
منصور بتذمر: ماليش دعوة يا ملاذ غيري قبل ما يجي
فضحكت ملاذ بقوة على زوجها الممثل البارع،فـ هما كانا يُمثلان مشهد من احدىٰ الروايات الهابطة،
لتضحك و تحتضنته مُكملة للمشهد: حبيبي الي بيغير طب قولي ألبس براحتي امتىٰ
فضمها منصور له بتملك مُضحِك:لما البقف اللي مخلفينه يتجوز و يسيب البيت
فضحكت ملاذ بقوة و ليضحك هو الآخر ضاممها له بقوة
♡♡
"في ڤيلا سلطان"
كانت تجلس في شرفة غرفتها و بيدها كوب النسكافية الخاص بها و شاردة في ملامحه و في ضحكته و عيناه لا تدري ما الذي يحدث لها، يدور في ذهنها الآن هل يا ترى هو يشعر بها، هل يا ترى يشعر بأي مشاعر تجاهها مثلما تشعر هي، هل يمكن أنا يكون لغيرها!، و عند هذه النقطة امتلأ قلبها بنيران الغيرة لا تدري كيف تخبره انها تشعر تجاهه بمشاعر تشعرها لاول مرة، فهي لا تجرؤ على البوح بهذه المشاعر، فجأة وجدت الباب يفتح و صوت عالي يصرخ بإسمها بمرح فقامت ملك بفزع.
ملك بفزع: في أي حصل أي
اسيل بمرح: وحشتيني قولت اخضك
ملك و هي ترمي على اسيل وسادة بجانبها: ابو شكل معرفتك وقعتي قلبي
اسيل وهي تجذبها و يجلسوا على الفراش: استني بس في حاجة عايزة اقولك عاليها
ملك: أي اسر خطب
اسيل: هيخطب
ملك بدهشة: وانتِ قاعدة و بتهزري يا شيخة دا انا قولت لو حصل كدا و خطب غيرك هلاقيكي فالمستشفى بيعلقولك محاليل
فضحك اسيل بشدة: اصله هيخطبني
فنظرت لها ملك ببلاهه: ها؟!!
اسيل بضحك: استني هكيلك و اخبرتها بكل ما حدث في الصباح كله
ملك بغضب: وانتِ ازاي تسيبي البنت اللي متربتش دي فحالها
اسيل: مسيرها تقع تحت ايدي فيوم متخافيش
ملك بضحك: مش خايفة غير منك الله يرحمها مقدمًا
فضحكت اسيل ثم نظرت لها بمكر: الا قوليلي هو مفيش حد كدا و كدا
ملك و قد توترت: ها لا ابدا لو في هقولك
اسيل: يا ملك
ملك بتنهيدة: خلاص حاضر هقولك؛لتخبر اسيل ما تشعره تجاه يحيى، و هنا قد امتلأ قلب اسيل بالفرحة
أسيل بثقة و ضحك : لا تقلقي هيجي، ثم غمزت لها
ملك:أي يا بت الثقة دي
اسيل بضحك: يا ستي بكرة تقولي اسيل قالت
ملك: أما نشوف
اسيل: اشطا أنا هقوم اروح بقى اشوف روميو و جوليت
ملك بضحك: يا بنتي ارحميهم شوية
اسيل بضحك: مينفعش يومي ميمكلش الا برخامتي عليهم
ملك: ربنا يصبرهم
اسيل: ايوا دعواتك ليهم يا بنتي يلا سلاموز
ملك: سلاموز
♡♡
"عند روميو و جوليت ققصدي مراد و تاج"
مراد: تاج يا تااج
تاج: ايوا يا حبيبي أنا هنا
مراد وهو يتوجه للمطبخ و يذهب لها يحتضنها فيصبح ظهرها مستند على صدره و يضع راسه على كَتِفها مُغمِض عينيه يستنشق رائحتها النابعة من عطرها المُحمل برائحة زهرة الياسمين و الاوركيد، تلك الرائحة تسلبه من العالم اجمعه.
مراد: وحشتيني كنت مستني اخلص شغل بفارغ الصبر علشان اشوفك
تاج بحب و هي تحتضن يده التي تحتضنها له: وانتَ كمان وحشتني اوي يا حبيبي كنت مستنياك، ثم أخذت معلقة و وضعت بها بعض الطعام التي قامت بطبخه و نفخت به لكي يبرد الطعام، ثم وضعت الطعام امام فمه فاكله
تاج بإبتسامه: قولي رايك أي
مراد وهو يتذوق الطعام بتلذذ و يقبل بداها: أي حاجة من ايدك حلوة يا تاجي
فجأة وجدوا هادمة الذات و مفرقة الجامعات والتي لم تكن سوى اسيل
اسيل: جرا أي بوب مكفايا رومانسية راعي شعور السناجل اللي هنا
مراد و تاج وقد فزعوا و لكن احتضن مراد تاج اكثر و اخرج لسانه لاسيل: غيرانه مننا يختي اعملي زينا و اتجوزي
اسيل: تصدق مكُنتش عارفة افتح الموضوع ازاي هيح في عريس متقدم و عايز يجي وأنا موافقه
مراد بتعجب: تاج بوسيني لكون بحلم
اسيل بتعجب اكبر: أي دا هي مش كانت اقرصيني
فضحكت تاج بشدة
مراد: ومين تعيس الحظ
اسيل: صاحب الشركة اللي بشتغل فيها و مديرها فنفس الوقت
مراد: يا راااجل
اسيل وهي تمسح غبار وهمي من على قمصها: اومال أنا مش هتجوز أي حد كدا
مراد: يعني موافقة علشان فلوسه
اسيل بصدمه: أي دا لا طبعا يا بابا اي اللي حضرتك بتقوله دا
مراد بخبث: يعني بتحبي
اسيل بتلعثم: لا مش كدا بس قصدي يعني بس
مراد بضحك: يا بت أنا ابوكي فيها أي لما تقوليلي انك بتحبيه، الحب مش عيب ولا الحرام،بيبقى عيب و حرام لما نقرر نعمل تصرفات تبوظ براءة و شكل الحب دا،الحرام ان احنا نِظهر الحب دا فالمداري من فالعلن و قدام الكل و احنا حلال بعض فهمتي، المهم قوليلوا يجي بكرة الساعة ٧
اسيل بإبتسامه: حاضر، ثم ذهبت إلى غرفتها و ابدلت ملابسها، بعد انتهائها من ابدال ملابسها دقت على اسر و أخبرته بموافقت والدها و المعاد الذي أخبرها به والدها، ثم أغلقت و جلست تنظر الى السقف و شردت لكن فاقت على شرودها على قطتها تجلس على بطنها و تنظر اليها ببرأة
اسيل وهي تضحك و تحملها و تحتضنها: حبيب قلبي وحشتيني؛ فتمسحت بها قطتها بحب و أخذت تُصدى صوت النغمشة الذي تقوم بِفعله القطط عندما تكون سعيدة
اسيل و هي تُخرج من الكوميدينو حلوىٰ للقطه و اخذت تطعم القطة، ثم قامت و غسلت يدها و أغلقت النور و أخذت القطة و ذهبت إلى الفراش.
اسيل بمرح: تعالي يا اخت ليزا ننام بقى احسن أنا جعانه نوووم، و أخذت قطتها في احضانها و ذهبت في سبات عميق
♡♡
كان يحيى عِند اسر و يجلسون سويًا فجأة جاء اتصال لأسر و بعد الاتصال اخذ اسر يرقص و يضحك
يحيى بضحك على صديقة:في أي يا اسر أنتَ اتجننت
اسر: لا بس اخدت معاد من بابا اسيل خلاص
ففرح يحيى له و قام و اخذ يرقص مع صديقه و ابن عمه
فجأة جاء زيدان و نظر لهم بتعجب:في أي واد منك لي بترقصوا لي
اسر بضحك وهو يحتضن والده: اخدت معاد من بباها خلاص يا بابا
زيدان بضحك وهو يربت على كتفه: الحمد الله يحبيبي ان شاء الله بكرة نروح و يوافقوا
اسر: ان شاء الله
♡♡
انتهى الفصل الرابع و أحنا لسة فالبداية و لسة الأحداث جاية كتير ان شاء الله •
دُمتم سالمين🫀
|چنى محرز|
