بعد مرور يومين (يوم الجمعة)
كانت الفتاتان تجلسان في النادي يتحدثان سويًا
ملك: اسيل ممكن اعرف انتِ هتفضلي مخنوقة كدا امتى
اسيل بضحك: مخنوقة أيه يا ملك في أيه أنا قاعدة و بضحك معاكي عادي اهو مخنوقة فين بقى
ملك: ايوا انتِ مخنوقة و بتداري كالعادة و بتضحكي و خلاص فكراني مش هعرف، و بعدين يا اسيل المفروض تردي على اسر بقالوا يومين بيرن وانتِ مش معبراه.
اسيل: و مش هرد يا ملك أنا عارفة هيقول أيه و هيجيب الغلط على مين فالاخر
ملك: يا اسيل
اسيل مقاطعة: يا ملك علشان خاطري أنا مش عايزة اسمع اسمه ولا اتكلم عنه هو غلطان و عايز يطلع الغلط عليا، كان ممكن يطلب بأحترام و هدوء و ساعتها أنا كنت هحترم رغبته و كلامه و غيرته بس هو فضّل انه يزعق أنا مش عبدة عنده هقوله سمعًا و طاعًا لازم يفهم ان في حاجة اسمها أسلوب نقاش و حوار بين طرفين العلاقة
ملك بتنهيدة:فهماكِ يا أسيل بس حاولي تسمعيه
اسيل: ان شاء الله هبقى أشوف
فجأة جاءت فتاة و جلست على الكرسي المجاور لملك: ازيك يا ملك
ملك: كويسة في حاجة يا رضوى
اسيل: اوبا هو انتِ رضوى خير يا رضوى في أيه
رضوى:كلامي مع ملك انتِ مالك
اسيل: تؤ تؤ كلامك معايا هنا و اتعدلي علشان مقومش اعدلك خير يا قطة في حاجة
رضوى بخبث وهي تضع امامهم على الطاولة ظرف ثم تنهض لترحل و لكن قائلة" لا مفيش حاجة جاية ادي لملك الصور دي بدل ماهي مخدوعة كدا سلام يا قمرات" ثم رحلت بكل عنجهية
ف امسكت ملك بالظرف و قامت اسيل بتقريب مقعدها من مقعد ملك حتى ترىٰ مافي الظروف معها
وقد صدمت الفتاتان بسبب تلك الصور التي فالظرف و التي كانت صور غير لائقة ليحيى و رضوى، و التي كان هناك الكثير من تلك الصور خجلت الفتاتان من رؤيتها.
ملك بدموع: هو هو دا حقيقة ازاي يعني ليه يخوني و يكدب عليا
اسيل بجدية: ملك لازم تشوفي يحيى و تسأليه اللي أنا متأكدة منه و من نظرات رضوى ان هي بتلعب عليكوا و عايزة توقع بينكوا لازم تهدي و تكلمي يحيى يا ملك يلا اتصلي عليه
ملك: تمام و قامت بالاتصال على يحيى
♡♡
في الجانب الاخر كان يجلس في منزله يتطلع على صور خطوبته هو و ملك و يبتسم بحب فجأة وجد روكي يجلس بجانبه
يحيى: حرام عليك يا اخي خضتني تعالي يخويا اقعد نتفرج على الصور سوا ،و كان سيُكمل ما كان يفعله الا انه وجد ملك تهاتفه
يحيى بضحك: حبيبي وحشتيني عاملة اي
ملك: يحيى تعالى دلوقتي على النادي بسرعة يا يحيى
يحيى بقلق: مالك يا ملك في أي
ملك بنفاذ صبر: دلوقتي يا يحيى سلام، ثم أغلقت الهاتف
يحيى: مالها دي في أي، ثم نهض و قام بتغير ملابسه و هبط فوجد روكي يهبط معه الدرج و يود أنا يأتي معه ف أحضر السلسال الخاص بروكي و البسه اياه و أمسك بالسلسال، و صعد الى سيارته و اجلس روكي بجانبه و انطلق الى النادي.
♡♡
بعد مرور خمسة عشر دقيقة وصل يحيى الى النادي و ذهب الى الطاولة التي تجلس عليها ملك و فزع عندما وجدها تبكي
يحيى و هو يجلس على ركبتية امام ملك التي تجلس على مقعدها و يمسك يدها
يحيى بقلق: في أيه يا حبيبتي بتعيطي ليه حصل حاجة مين زعلك بس
ملك وهي تبعد يده و تقف ف يقف هو امامها و تمسك الصور و تجعلها امام وجه
