"بعد مرور شهر"
اسيل: يا اسر مينفعش يا حبيبي تفضل مقاطعهم كلهم كدا وهم كلهم بقالهم اكتر من شهر بيصالحلوا فيك
اسر بتهكم: بس هم ينفع يتخلوا عني اربع سنين و ينسوا ان عندهم ابن و العيلة كلها تنسى ان في حد اسمه اسر فالعيلة، عمو مراد و خالتو تاج اللي هم اهلك ليهم حق تمام علشان انتِ بنتهم الباقي حِجتهم أيه كان ممكن يزعلوا شوية يزعقوا لكن يقطعوا معايا وقت ما كنت بترجاهم يساعدوني الاقيكي و يقفوا جمبي لحد ما اقف على رجلي بس هم يرفضوا و ينسوني جاين بكل وقاحة يقولولي سامحنا؟
اسيل بدموع : اسر أنا اسفة أنا السبب فكل دا وأنا اللي مشيت منغير مفهم ولا اسألك أنا اسفة
اسر بإبتسامه: ممكن متتأسفيش انتِ اللي عملتيه ليا زمان يخليني اغفرلك أي حاجة وحشة عملتيها او هتعمليها انتِ مُكفئتي فالدنيا يا اسيل انتِ غيرتيني ١٨٠ درجة أنا لولاكي كان زماني ضايع او ميت يا أسيل
اسيل: بعد الشر عليك ،تفتكر لسة هنقابل مشاكل!
اسر بحب: افتكر جدا مفيش حياة منغير مشاكل بس أحنا هنتغلب على المشاكل بحبنا تمام
اسيل بإبتسامة: تمام يا اسر القلب
اسر: لسة بتقولي اللقب دا بعد كل البعد اللي بعدناه
اسيل: بُعدنا عمره ما خلاني ابطل احبك و هفضل أقول اللقب دا لاخر نفس فيا
و كاد ان يتحدث وجدوا صوت ارتطام اواني الطبخ فالمطبخ
لينتفضوا و يذهبوا الى المطبخ بسرعة و تتصنم اسيل مكانها اما اسر فحاول ان يكبح ضحكاته
اسيل بغضب: اه يبنت الك
ليقاطعها اسر: كملي الكلمة يا اسيل بس و هعمل منك شاورما
اسيل: دي وقعت الحلل و الدقيق و بوظتلي المطبخ منك لله يا ليليان يا بنت اسر الألفي والله لاجيبك من قفاكي يا بجحة و بتضحكي
ليذهب اسر يحمل إبنته بسرعة و يخرج من المطبخ سريعًا
اسر بضحك: بنتي محدش يلمسها طول ما أنا عايش روقي انتِ الليلة دي بقى، ثم يقبل وجنت إبنته و يضحك على مظهرها حيث كان وجهها و شعرها و ملابسها ملطخين بالدقيق و يقول"بوظتي هدومي يا لي لي بس فداكي يا قلب بابي"
_______________
ملك: هتفضل مضايق كتير يا يحيى
يحيى بحزن: ضيعت صاحب عمري و اخويا من ايدي و أنا كنت بحسب اني بس بعلمه ازاي يتصرف اتخليت عنه و مش راضي يسامحني أنا وحش اوي يا ملك
ملك وهي تضمه لها: هيسامحك يا يحيى اسر بيحبك اوي دا أنتَ صاحبه و أخو و ابن عمه و متربين سوا صدقني هيسامحك، انا مش هقدر اقولك انك مغلطتش و ياما قولتلك اللي بتعمله هيجي يوم و تزعل بسببه قولتلي لا أنا بربيه علشان هو غِلط و مكنتش مقتنع انك غلط يا يحيى، أنا مش بأنبك ولا بقطمك بس أنا بقولك الصراحة و الحقيقة أنتَ غِلطت يا يحيى و لازم تستحمل و تعمل مجهود فانك تصالحه
يحيى: أعمل مجهود اكتر من كدا أيه يا ملك بقالي شهر بصالح فيه و كل العيلة كمان مش راضي يسامح حد فينا يمكن بس الوحيدين اللي بيكلمهم هم عمو مراد و خالتو تاج
ملك:طب مثلًا مفكرتوش تعملو ليه مفجأة مثلا مفيش أي مناسبة تخصه قريب
ليبتعد يحيى عنها و يعتدل في جلسته و يحاول أن يتذكر
يحيى بتذكر: دا عيد ميلاده بكرة خلاص
ملك بأمال و فرحة:طب كويس اهو ممكن نروح دلوقتي للعيلة كلها و نتجمع و نتفق نعمله مفجأة بكرة و نتصل بأسيل نخليها تيجي و نقولها وهي هتساعدنا
يحيى بفرح: اتصدقي فكرة أنا هقوم اتصل بيهم بسرعة ثم نهض بسرعة و لكن عاد إليها و قبلها على وجنتها
يحيى بضحك: تسلميلي و تسلملي دماغك و افكارك يا حبيبتي
لتضحك ملك: حبيبي الله يخليك
_______________
"بعد مرور ما يقارب ثلاث ساعات"
اسيل: في أيه طالبني كلكوا فجأة ليه في حاجة
يحيى: عايزين طلب صغنون قد كدا و تساعدينا فيه علشان اسر يسامحنا
اسيل: ويا ترى أيه هو الطلب
يحيى: عيد ميلاده بكرة و عايزين نعمله مفجأة فالبيت عندكوا
اسيل: و المطلوب
يحيى: تحسسيه انك مش فاكرة العيد الميلاد و تخليه كمان يطلع من البيت علشان نيجي أحنا و نظبط الدنيا
اسيل: مينفعش ابينله اني مش فاكرة و يزعل أنتَ بتهزر يا يحيى
ليقول الجَميع في نفس الوقت "عشان خاطرنا"
لتبتسم هي بهدوء و تقول "طيب تمام تكونوا موجودين من الساعة ٩ الصبح علشان نعمل الزينة و نطلب التورتة و كدا يعني تيجوا بدري علشان هو بيرجع الساعة ٣ من الشغل
ليوافق الجميع على حديثها و بعد قليل تعود هي الى المنزل.
_______________
اسر: كانوا عايزينك ف أيه اعترفي
اسيل بضحك: في أيه يا اسر ابويا و امي كانوا عايزني اروح اقعد معاهم شوية
اسر: لا والله
اسيل: ايوا في أيه
اسر: حاسك بتضحكي عليا
اسيل: لا مش بضحك عليك و هات البت دي انيمها
ليضم اسر ليليان له و يقول "لا لي لي هتنام فحضني ملكيش دعوة بيها"
اسيل: نعم؟!! أنا اللي هنام جمبك مش هي
اسر: لا شوفيلك انتِ مكان تاني لي لي هتنام جمبي النهاردة
اسيل: واللهِ ؟!
اسر: ايوا
فنهضت اسيل و قالت "ماشي يا اسر تصبح على خير"
اسر بضحك: وانتِ من أهل الخير يا حبيبتي
ثم ينهض خلفها بخفها و يقف امامها "انتِ مفكراني بتكلم جد حسبي الله فدماغك التعبانة دي يلا يا بت قدامي"
اسيل بضحك: دا أنتَ بارد
ليضحك اسر معها
♡♡
أنتهى الفصل الثامن و عشرون•
دُمتم سالمين🫀
|چنى محرز|
