بعد انتهاء الحفل ذهب الجميع الى منزله الا اسيل و ملك فقد أخذ يحيى ملك كي يتنزهوا قليلًا، بينما اسر ظل هو و اسيل على الشاطئ.
عند يحيى و ملك...
كانوا يجلسون في مطعم راقي و جميل بديكور رقيق و اغاني هادئة، كان يمسك بيدها و يعبر لها عن مدى حبه
ملك: حبتني امتى و ازاي بسرعة كدا
يحيى: و انتِ حبتيني ازاي بسرعة كدا
ملك بإبتسامة: ابقى بكدب لو قولت حبيتك انا لسة في فترة الاعجاب بس منكرش اني اتشدتلك من البداية، وان في شوية حب ليك
يحيى بإبتسامة: انا معرفش أنا حبيتك امتى يا ملك، معرفش ازاي و معرفش لي انتِ بالذات بس حبيتك و لقيتني بقع فحبك واحدة واحدة منغير ما احس، كل حاجة بجد سمعتها عن الحب لقيت نفسي بحسها معاكي، كل حاجة اسر كان بيحس بيها و يحكهالي لقيتني بحسها زيه و يمكن اكتر، شخصيتي اني ماليش فالحب اتخذلت منه مرة ف مقدرتش أحب تاني و قفلت على قلبي كنت أقول مستحيل أحب تاني بس لقيت انه مكنش مستحيل بالعكس دا كان اسهل من السهل بس قلبي كنت قافل عاليه و رامي مفتاحه مكنتش اعرف ان المفتاح هيقع ف أيدك و انتِ اللي تفتحي قفل قلبي.
ملك و قد دمعت عيناها:أنا كمان معرفش ازاي ولا امتى بس لقيتني بحبك منغير ما احس، بس يعني هو أنتَ حبيت قبل كدا عندك حبيبة سابقة
يحيى: اها عيزاني احكيلك
ملك وهي تفرك بداها بتوتر: لا عادي براحتك يعني
يحيى: احكيلك هحكيلك، بصي يا ستي أنا زمان كدا وأنا فالجامعه ف اخر سنة حبيت واحدة كان اسمها رضوىٰ يعني حبيتها و كانت دايما تمثل عليا انها يعني حالتها وحشة و مش معاها فلوس و الحوارات دي، هو انا مش غبي والله بس تقدري تقولي كنت معمي اسر قالي بتلعب بيك و مش بتحبك و عايزة فلوسك و خلاص كنت اقوله لا و كداقام قالي يعني انه هيثبتلي، و كنت فحفلة راحت شافته و فضلت تقرب منه و كدا و ف اخر اليوم لقيت اسر واخدها برا الحفلة و لقيته بيغمزلي فطلعت وراهم ليقتهم وقفه قدام شقة اسر و طلعوا و طلعت الشقة وراهم و فتحت الباب لان اسر كان مديني المفتاح، لقيتها لقيتها فشكل وحش أنا اتصدمت مكنتش عارف ازاي و لي عملت كدا وأنا حبيتها بجد و بعد كدا سيبتها بس، و اسر عمره الصراحة مزلني بالموضوع دا ولا قالي مش قولتلك و كل دا بالعكس وقف جمبي لحد مبقيت يحيى اللي قدامك دا لو أنا مديون لحد بحياتي ف أنا مديون لآسر.
ملك بتأثر: ربنا يديمكوا لبعض يارب، و بعدين أنا حتى لو كان فحياتك ميت واحدة قبلي؛ فـ أنا ميهمنيش حياتك من قبل ما ابقى فيها يهمني بس حياتك وأنا فيها و ان كان على الماضي فهو ماضي و خلص و خلاص و كل انسان لي ماضي ولا أي يا كابتن يحيى.
فضحك يحيى: حصل يا قلب كابتن يحيى، بس هو بصي مش عايز اتعصب بس أي اللي انتِ لبساه دا
ملك: مالو ماهو حلو اهو
يحيى: اوكاي هو حلو بس مفتوح يا ملك رجلك كلها كتافك يعني مينفعش كدا
ملك بخجل: أنا لبسي كدا على طول و دا زوقي علشان كدا اسيل نقت الفستان دا
يحيى: وأنا بغير يا ملك بعد اذنك لو سمحتي متلبسيش حاجة مكشوفة تاني ولا قصيرة أنا محبش اللي رايح و اللي جاي يبص لمراتي
ملك: حاضر اوكاي بس متتعصبش أنا مكنتش اعرف انك بتضايق الله
يحيى: اوكي سماح المرادي
♡♡
اسر بغضب: اي القرف اللي لابساه دا
اسيل وهي ترفع حاجبها: مالو ماهو حلو اهو
اسر وهو يمسك بحمالة الفستان:حلو داا حلو يا اسييل دا انتِ رجلك من أولها لاخرها باينة يا اسيل دا لو مسمار شبك فالخيطة دي الفستان هيقع يا اسيل
اسيل: اسرر اتلم الله وبعدين الفستان حلو وأنا واخدة بالي
اسر بغيظ: يا راااجل اسيل عدي ليلتك على خير و مشوفكيش لابسة ضيق ولا مكشوف ولا قصير تاني يا اسيل علشان مزعلكيش يا اسيل
اسيل: يامي يامي يامي خاف يعيد يكونش عايزني اتحجب بالمرة
اسر بسماجة: ياريت والله
اسيل بغيظ: أنا ماشية سلام و كادت أن تذهب لولا ان مسك اسر يدها و جعلها تنظر له مجددًا
اسر:ممكن اعرف انتِ اضايقتي و اتعصبتي لي مع ان انا اللي ليا حق اتعصب
اسيل بغضب: بص يا ابن ناس أنا مبحبش الاوامر و مبحبش حد يكلمني بالطريقة اللي كلمتني بيها دي تاني
اسر بغضب: اسيل اتلمي و اتكلمي عدل مفهوم
اسيل بغضب اكتر: لا مش مفهوم و كلامك دا بله و اشرب مايته، و لما تعرف تتكلم كويس و تنصح و تطلب الطلب بإحترام يبقى ساعتها لينا كلام تاني، و لما تعرف غلطك يا مستر اسر و يا ابن عمي ابقى تعالي كلمني، ثم سحبت يدها من يده و قالت "سلام يا يا ابن عمي" ثم ذهبت الى سيارتها بكل هدوء و صعدت إليها و ذهبت إلى منزلها
بينما هو كانت عيناه حمراء كالدماء و بداخله يغلي كلمراجل.
اسر: ماشي يا اسيل والله لقصلك لسانك اللي عايز قصه دا، ثم ذهب الى سيارته و صعدها
اسر وهو يتحدث الىٰ نفسه: أنا مش فاهم كل دا علشان غيران عاليها، ثم أنطلق ب أقصى سرعته الى منزله.
بينما اسيل وصلت الى منزلها و صعدت إلى غرفتها بسرعة دون ان ترمي السلام على ابيها و امها و تشاكسهم كعادتهم
مراد بتعجب: مالها في أي داخلة من غير سلام ولا كلام
تاج بقلق: هو اسر زعلها ولا أي
مراد: لو حصل و زعلها وربنا ما هيطلع عاليه نهار ساعة و طالعلها تكون هدت شوية
بينما اسيل كانت غاضبة جدا و تمسك بكيس ملاكمه خاص بها جلبه لها ابيها لمعرفته انها سريعة الغضب و عندما تغضب تود ان تضرب احد؛ ف ابدلت هي ملابسها بسرعة و ضبت فستانها ب خزانتها و ازالت المكياج من على وجها، ثم غسلت وجهها و ذهبت لكي تفرغ غضبها بذلك المسكين كيس الملاكمه
♡♡
بينما عند يحيى و ملك كانوا يتحدثون و يأكلون و يمزحون سويًا
شخص ما: أي دا يحيى ازيك وحشتني و بعدين مين دي يا يحيى
يحيى بصدمه ولكن اخفاها ببراعه: رضوى!! اهلا وانتِ موحشتنيش خالص
فضحكت رضوى بإحراج: متشكرة يا سيدي بس مين دي
ملك بسماجه وهي تقف امامها: ملك سلطان خطيبته و حبيبته و بنت عمه ازيك يا رضوى
رضوى بصدمه: انت خطبت يا يحيى طب وأنا
يحيى بسخرية: أي رضوى مصلحة جديدة ولا أي، ثم نظر لملك و أمسك يدها قائلًا "يلا يا حبيبتي علشان اروحك معلش يا رضوى مستعجلين" ثم رحلوا و يحيى يضحك بإستمتاع و يغمز لملك بمشاكسه؛ فضحكت ملك بشدة، ثم ذهبوا الى السيارة و صعدوا لها و انطلقوا تجاه منزل ملك،
بينما كانت رضوى تنظر لهم بغيظ و غضب
رضوى: ماشي يا يحيى يا انا يا هي
♡♡
(الحرباية الصفرا اللي فكل قصة وصلت يا حارة)
أنتهى الفصل السابع•
دُمتم سالمين🫀
|چنى محرز|
