A Hundred Billion Worth

Kabanata 15

Kabanata 15

Hush

Curiosity doesn't really kill an innocent cat. I proved that wrong.

Napaigtad ako nang isang malakas na suntok ang narinig ko sa metal na pader matapos ang ilang minutong katahimikan.

Parang hindi ko na nagugustuhan ang mga pinaggagawa ko. Ayokong may madamay sa kahit anumang gagawin ko.

Hindi ko naman kasi alam na may gusto palang magtangka sa buhay ko.

Why would they want me dead?

Napapikit ako habang nilalabanan ang mga luhang nagtangkang mahulog. Gusto kong lumabas at sabihin kay Caspian na hindi ako 'yon, na kasalanan ko kung bakit nadamay pa si Kara.

Pero hindi, dahil alam kong sa oras na makita ako ni Caspian ay hindi n siya papayag na pupunta pa ako sa resthouse kung saan naroon si Kara.

Isa pa.

Hindi ko magugustuhan ang mangyayari sa akin 'pag nalaman niyang hindi ko sinunod ang kagustuhan niya.

"Ano pang hinihintay niyo? Fucking get the helicopter ready!" umalingaw-ngaw ang napakamapanganib na sigaw ni Caspian.

Narinig kong nagmamadaling umalis ang dalawa pero hindi naman umalis si Caspian sa kinatatayuan niya.

I can almost hear his heavy breathing.

Sa madilim na daan ay sumilip ako. Nakita kong isinandal niya ang braso niya sa pader at isinandal din ang noo niya sa kanyang braso.

Kanina naman ah? Chill lang siya habang 'yong mga hackers dito ay halos mamatay na sa kakaayos ng kanilang sistema.

Muli kong isiniksik ang sarili ko sa sulok nang nagmamadaling naglakad si Caspian pabalik sa baba. Kumunot ang noo ko nang narinig ang munting ingay na nahulog ang kung ano.

Nang nakasigurado na akong wala na siya ay lumabas ako at lumuhod sa sahig. Kumapa ako roon dahil medyo madilim dito.

Kung hindi ako nagkakamali ay susi 'yong nahulog.

Napabuntong hininga ako nang tama nga ang hinala ko. It's Caspian's car's keys.

May narinig akong ingay mula sa pinakaitaas ng building. I think the helicopter just landed on the rooftop.

Hinintay ko munang makaalis na ang helicopter bago ako lumabas ng building. Hinayaan kong makita ako ng moving CCTV camera dahil alam kong busy ang lahat sa pag-aayos at pagtingin sa history ng nakunan ng security camera nila.

Madilim na sa labas.

Nakita ko agad ang kotse ni Caspian. Pumasok ako at umupo sa driver's seat.

I know how to drive. My father taught me how.

I turned on the engine. Pinaatras ko 'yong kotse mula sa pagparking nito. I turned the wheel in the other direction and immediately stepped on the gas.

Nang nakarating ako sa kalsada ay mabilis akong napa-brake.

Saan naman ako pupunta?

Biglang pumasok sa isip ko ang kasintahan ni Kara. How can I explain this to him? Baka magalit siya? Sino namang tao ang hindi magagalit nang dahil sa ginawa ko?

Pero hindi ko alam kung saan ang daan papunta ng port.

May nakita akong iilang tao sa unahan ng kalsada kaya pinatakbo ko ulit ang kotse at huminto sa tapat nila.

"Manong? Saan po ang daan papuntang port?" tanong ko sa matandang lalaki na may hawak na beer.

Oo gabi na, nag-iinuman sila.