#الليث_الاسود
الكاتبة : ساره جعفر
..
إيڤا ..
تمغطت وگمت بخمول سبحت ولبست وردت أنزل شفت الساعه 7 بعد وقت ، نزلت سويت قهوه
وصعدت لفوگ مقابيل الشباك
شباك غرفتي يطل على الشارع الشارع فارغ
والهوئ حلو الجو قارص البروده
ظليت صافنه على الأجواء لفترة سمعت عيطه
قوية جمدت عن الحركة بقيت صافنه !!
صوت أرجوان .. ذبيت الگلاص نكسر وتفتت الاجزاء صغيره والقهوه ملت المكان
ركضت أرجوان واگعة من الدرج ركضت الها وجريتها لحضني مفرفحه عجزت اسكتها :- ماما شسوي ؟؟
سجر :- ولچ عزا العزاني ، يمكن نكسرت
إيڤا :- وگعت من الدرج أكيد تتأذى يوم
گومي نروح للمُستشفى
سجر :- يله أمي امشينا
گامت تلبس فجاة گعدت على التخم التفتت الها واردفت :- شبيـچ يوم شبيـچ ؟!!
سجر :- ولچ ماگدر أگوم قلبي يوجعني ..
ضربت راسي بالحايط اليمي وبكيت :- راح الوقت على علاجـچ ؟
حطيت أرجوان بحضنها وهيَّ تعيط بحيث صوتها
أختفى وبس دموعها تنزل نكسر قلبي من منظرها ركضت أجيب علاج ماما
من الهبطة والارتباك نسيت يا علاج أخذت نفس
قوي وهمست أشجع نفسي
- إيڤا أنتِ قوية وأن ضعفتي محد غيرج لاهلـچ
لازم تصيرين قوية .
جريت العلاج وركضت لماما أخذت أرجوان وانطيتها العلاج
إيڤا :- أنتِ أبقي هنا وأني راح أخذها .
سجر :- لا أروح وياچ قلبي ما يطمئن
إيڤا :- يومم الله يخليـچ لا توگعين هناك والله
بس اوصل أتصل عليـچ .
سجر :- لا تروحين بوحدچ أخاف عليـچ خلي
عمتـچ أو مُتيم يأخذچ
إيڤا :- ميحتاج لمن أروح الهم تموت بيدي من الوجع
عفتها وطلعت بسرعة ركضت لبداية الشارع اجرة
سيارة مسحت وجهي وذبيت نفس براحة
من شفت سياره أجت من بعيد ركضت اشر اله : الله يوفقك أخذني لأقرب مُستشفى
- أعذريني ماگدر مو طريقي
عافني ومشى أخذت نفس واسكت بيها
وامسح بوجهي أجت سياره وگفتها
هز راسه من شاف وضعي أرجف : أصعدي خوية .
أبتسمت وشكرت ربي بقلبي صعدت بسرعة حطيتها بحضني وامسح بدموعي ويرجعن ينزلن
إيڤا :- وين الوجع حبيبتي ؟
تأشر على رجلها وتبكي وتباوعلي حضنتها واهمس الها
أنت تقرأ
الليث الاسود
Mystery / Thrillerلا تقلق ولا تخاف انها فترة وجيزة وستنتهي ، لحظات دامية حافلة بالأجرام شَيطان على هَيئةً بَشرية يَستاطُ بَالحياة كَانهُ يَستاطُ فَـ البريةَ مَكارً لَعوْبً وفي ارجائهُ حُروبً دَائمية يَنهشُ في لَحم البَشر كَانهُ في لعبةً سُخرية ضَحكاتة تُلوى الاخره...
