الليث الاسود

Part 60

#الليث الأسود
الكاتبة : ساره جعفر

لاتنسون التصويت + التعليق بين الفقرات .
..

التفتت اله واني مستغربه : شنو ؟

- تطلعين هيييج !!
- اي ليش شبيه ؟؟
- احضرينه يالزهره
- شبيييك
- راااححح شرفيييي

عض اصبعه بحرقه ويخزر بيه : ولج شنو هاي !

- يمعود شكو مو خبلتني وجنت فغحانه بنفسي
- شفرحانه شفرحانه

اردفت بضوجه واني اباوع للمرايه واباوعله : ليش محلوه ؟؟

- ولج فوفو ، شلون بيج شلون !!
- ممسويه شي لا تضوجني شبيك
- راححح شرفييييي

- شلزكت يا شغف
- يا ام الحسن احضرينه قصدج انه ما عندي شرف !!
- لا حبيبي مو هيج بَس ليش هيج متخبل
- ما تروحين هيج
- والله ما ابدل شنو هيه
- وشرفييي

- يطبه مغض شسويله

انتبهت لجفصتي اردف : ما تطلعين هيج ايفاا

- مبيه ابدل والله حلو
- اغااار فوفو اغااار شلون بله شتعل ابوي
- دعووووف ابووووك وغيغة ايش هسه اني شمسويه
- لا ممسويه حاطتلي الحمره حمره ولابسه ابيض يشع جنج معرسه شنو يمه حنيتي لعرسج ولابستلي ابيض

- احب هل لون واحسه يلوكلي
- لا لا ميلوكلج اصلاً يلعب النفس

- تغه اعغف تحجي هيج علمود اغيغ ملابسي بَس ما اغيغه

- عد كلمتج ؟؟
- وكدها
- نشوف ..

كعد على الجربايه وحط الخاولي يمه ،

- هسه أنتِ مره اطلعي
- اطلع تغه ما اخاف
- يله لعد الباب مفتوح

باوعتله ورحت للباب بثقه واطك بالكعب واتبختر لزمت مقبض الباب وباوعتله بطرف عيني كاعد بهدوء ويباوعلي بدون تعابير

رجعت مثل الحبابه ، ابتسمت وحطيت شعري وره اذني

- اني ما اخاف بَس يعني هيج عاجبني ما اغوح اصلاً اكيف علمود اغتاح بلبيت

- لا فوف دراستج مهمه
- سواد حباب خل اغوح هيج
- ليش اتعبيني ؟؟ ترديني اموت
- اسم الله حبيبي قلبي حياتي

كعدت يمه ولزمت خده واتلوكله ،

- حبيبي أنتَ حبيبي
- بلا لوكه وهذه ما ترحين بي
- تمام ..

اردفتها بضوجه وزعل ، لزم ايدي واردف بتبرير
- والله ما احب تضوجين مني بَس صايره تشعين وانه ما اكدر يشوفونج غيري وأنتِ هيج حلوه ،

- تمام
- اهووو شلون بله ابقييي بيي

كام للكنتور وهو يدردم ويلبس بملابسه واني شويه وارقص والضحكه شاكه حلكي باوعلي واردف

- الحلك انشك

ضحكت وهو كمل بس كالب وجها وكُل شويه يتأفأف
طلعنه من البيت هو يمشي واني وره هو كالب وجها واني مبتسمه هو لابس اسود واني لابسه ابيض