الليث الاسود

Part 44

#الليث_الأسود

الكاتبة : ساره جعفر

تصويت + متابعه الحساب

..

عفته ومشيت للحمام عضيت شفتي وغمضت عيوني بقوه شلووون سويييت هييج

سديت باب الحمام وصرت وره

اشكد ما اتصنع الحُب لاسود ما يصير

ولا جاي اتقبل الفكره ، رُغم دامثل اني حابته واضحك واسولف بس ما اكدر مو بيدي

اسود كان بمثابه مصدر خوف ورُعب

خله هواجس بداخلي ، متنسي

رُغم حبه الداشوفه بس ما اتقبله زوج

يحبني لدرجه اصفن واكول

- معقوله كُل هذه الحُب الي

عُمري كُله ما شفت شخص هيج حابني

حتى النظره البعيني يعرفها مره كاعدين بالصاله كُلنه

كوب وكع مني طفر قبلي لزم ايديه ويباوع بيهن ويحجي بلهفه

- وين تأذيني شصار بيج
- مبيه شي

باس باطن ايدي كُلهم صفنو علي

شيماء اردفت وهيه تحت تأثير الصدمه

- ولا تخيلت اسود يحب

ما اعرف شلون متصورينه قلبه حجر او هو صدُك ما حاب بعُمره لدرجه كُلها منصدمه من تصرفاته وياي ،

طلعت بعد فتره طويله عبالي نام

بس بعده نايم على الجربايه ويشرب بالجكاير وصافن

من طلعت باوعلي بنضره شلتني عافني وراح يسبح

نظرته نظره خذلان او خيبه ،

مرة يومين بين الخطار والروتين اسود ما اشوفه غير بليل من يجي ينام ويحجي وياي شويه وينام وحيل مشغول

كعدت نعسانه لأن البارحه كضيته تفزفز تمغطت وباوعت للساعه بال12 لفيت راسي لأسود بعده نايم استغربت ميبقه لهل وقت دغيته وهمست

- سواد اكعُد

ما رد عفته لأن واضح تعبان وطلع علي تعب الايام السابقه كمت الم بشعري سبحت طلعت ارجوان كاعده تفرك بعيونها تقربت بستها واخذتها للحمام اسبحها واسولف وياها

لفيتها بالمنشفى وشعرها منكوش طلعت واني حاضنتها لصدري تلاكينه ويا اسود هستوه كاعد ابتسم وخربط شعر ارجوان هيه ضحكت وراح كعدت امشطلها شويه وطلع

- اليوم هم تطلع ؟
- العصر اطلع شويه

سكتت وهو رفع عينه باوعلي شويه وطلع استغربت شبي بس غلست بليل رجع بالعشره دخل واني كاعده اباوع تلفزيون بملل ما عندي شي اسويه

بدل ملابسه ، ارجوان نعست اخذتها لحضني نومتها

وعدلت نومتها تمدد وجرني لحضنه