الليث الاسود

part 19

#الليث_الاسود
الكاتبة : ساره جعفر

،،
حَسبالي من ابتعد تتعنى لدياري ،
تترسني وينَك مختفي ضَل بالي
حَسبالي اهمك صدك وتهمك اخباري

،،

اول مره ابجي واعبر " العيب "
اول مره يوصل دمعي للشيب

اول مره روحي تغثها " الشبيك "
اول مره ابوس ايد الشبابيج

اول مره اثكل على العواذل
ثكل كلمه اكرهك بالرسايل

اول مره احط كلبي على متني
اول مره احس محد يحبني

اول مره احس تكرهني الكلوب
اول مره احس بروحي مغلوب

اول مرة ياكل كلبي العناد
واشبع من تطيح دموعي على الزاد

،،

بقيت شويه وياهم وهم صافنين وكُلنه مستغربين وره فتره صعدت لغرفتي شفته يطلع سله ملابس

- اشرهم عنك
- أنتِ وين تفتهمين
- ملابس !!
- متعرفون تشرون مثلي

عافني وصعد للسطح رحت ورا ياخذ التشيرت وينفضه حيل صار المي عليه مسحت وجهي

- شسالفه
- صحتج ؟

سكتت عنه ، صار يشرهم على الحبل حتى حبله بوحده

ميشر ويانه ، رتبهم واذا يشوف فد شي معكمش يرتبه هو يسوي واني اسولف ويا مرات يرد مرات يطنش ، الحجايه التعجبه يرد عليها والماتعجبه يطنش ..

- انظفلك الغرفه ؟

باوعلي ورجع يشر

- نوب تبوكيني

- شنوو
- كولي ما بايكتك جذبي جذبي
- شوكت بكتك ياا شبيك عمو ؟!

- من جنه صغار بكتي الكوت مالتي

- اول شي ما بكته لبسته ، او استعاريته منك هيج يسمونها مو بكتي ، وأنتَ لحد هسه تتذكرها !

- شلون انساها حاقد عليج
- ليش مصنوع من الذهب ؟
- اشششش بواكه

- اليسمعك يكول بايكه شي من اعضاء جسمك
- ليش ما اكعد يمج تسوينها
- شلون مثلاً اشك بطنك واطلع امعائك ؟
- بويه اشكد تحجين دخت دخت

نهضمت منه كُل شويه مفشلني عفته ونزلت ، هذه هم بشر واحجي ويا ، مد راسه من باب السطح وصاح

- ولج صفره زعلتي ؟
- اكيد ازعل
- هو هذه المطلوب

اجيت انفجر امشي مثل التنين اليحجي وياي انفجر بوجهه

..

ايفا : رياحين راحت وطلبت اروح وياها حسيتها اجت من الله بسرعه وافقت ورحت وياها من دخلنه صارت عيني على فرقد

كاعد وخشمه علي شاش وجها مُرم خفيف ، بين السلام والكلام ، رياحين التهت تحجي ويا امها ، رحت بجانبة