الليث الاسود

Part 50

#الليث_الاسود
الكاتبة : ساره جعفر
تصويت + تعليق بين الفقرات

..

عافني وكام للكنتور وطلع حبوب واخذه وهو يرجف

صفنت وخفت بنفس الوقت !

عبالك الناس المُدمنه ، وحسيت يشرب مخـ،ـدرات !

واخذ اكثر من حبايه ،

جريت الغراض لميتهم وقفلتها ورجعتها للكنتور وهو رجع على كعدته وصافن ، كُل مره يتخبل اذا اتقرب لهل كنتور .. بس هسه حتى محجه كلمه بخصوصه ، واكييد بي اشياء اكثر من الشفتهن ..

بس مالي خلك وهم ضايجه على امير وبالي يم سواد بسرعه رجعتها ورحت لاسود تربعت واشرتله على رجلي نام واني العب بشعره ودموعه تنزل على رجلي ،

- كافي اسود بدل ما تبجي وتعذبه ، تغحم اله

- ما اكدر ايفا من اتذكره راح روحي تنطعن ،

- بس هذه مو حل ، اذا سويت هيج غاح يغجع ؟

ما رد وبقه على حالته ، بقيت العب بشعره وهو متمدد وراسه على رجلي ،

شويه وكام طلع جكاره وراح يم الشباك صافن ولابس كيمونه وبجامه وحاط ايده بجيبه والثانيه لازم الجكاره ويشرب بيها ..

تمددت وبقيت اباوعله وهو صافن ،

سمعت الاذان ، باوعت للساعه دخل للحمام وطلع متوضي وكعد يصلي هواي بطئ بالصلاه ..

حط راسه على التربه ، وبقه هواي ساجد

كمل صلاته ولم السجاده ، واجه كعد على الجربايه ومدد رجلي وحط كف رجله على الثاني وساند ضهره على الحايط ، ويشرب جكاير

بقيت متمدده واباوعله ، مرة فتره طويله

كام طلع ملابس الدوام عقدت حواجبي وكمت

- وين
- للدوام
- بس ما نمت وتعبان وحالتك ما تسمح تداوم
- لازم اداوم

سكتت من شفته بكوه يرد ، طلعت جنطته وحضرتله غراضه وهو يلبس ملابسه ، من باوع لنفسه بالمرايه صفن على نفسه شويه ، عرفت ديباوع على القلاده

واخذها مني وابتسملي وطلع ،

عرفت اشكد تعبان واشكد متأثر بموت امير

موقفه الشفته قبل شويه يشهد ،

بقيت قلقه علي ، لا نايم وتعبان وحزنان وراح حتى بدون اكل ولا تعشى ،

من مرت ساعه اتصلت علي ، رد حجيت ويا كلمتين وراح يله اهم شي اتطمنت علي ..

نمتلي كم ساعه ، بس فزيت نعسانه حيل بسبب قله نومي وبقيت ويا اسود للصبح رحت بدلت ملابسي ، وطلعت لصديق اسود ينتضرني من وكت يمكن اسود كايل اله

صعدت وصبحت رد عليه ، وسكت ما يرفع عينه عليه ابدًا وما يحجي مرات قليييله ويكول شلونج لو شلونه سواد ويسكت طول الطريق حتى اسمه ما اعرفه فد خلوق وما شفت منه تصرف محلو .