الليث الاسود

Part 13

#الليث_الاسود
الكاتبة : ساره جعفر

..

حسيته جاي يباوع باتجهاء غرفتي بسرعه سديت الشباك والبرده وحتى الغرفه طفيت الضوة توترت وضليت امسح بوجهي ، كعدت واهدي نفسي

ايفا : كافي ايفا كُلشي طبيعي ، لا تخافين منه

بس تصرفاته خبلتني ، ولهسه كُل ما اشوف سجين اتذكر شلون كان حاطها على ركبتي بس اذا عرفت ماضيه راح اعرف شنو سبب تصرفاته وراح اعرف اتصرف ويا منين اعرف واني كُل الابواب مغلقه ؟

تردد جُمله فرقد بعقلي

- لا تفتحين ابواب مغلقه

ما راح اثق بـ احد ، لا تصيرين ثوله وتمشين بالكلام ، لبست شي ثخين وفتحت باب غرفتي وطلعت اتصلت على فرقد

ايفا : فغقد ممكن تجي البيتنه

فرقد : صاير شي ؟

ايفا : تعال وتعغف

فرقد : تعاي انتِ بحجه جايه يم عطر

ايفا : لا بيتكم بي هواي ناس بيتنه محد بي ناخذ غاحتنه بالكلام

فرقد : الله يستر مبين موضوع جبير

ايفا : انتظغك

سديت الاتصال ،

وطلعت بره البيت محد بي مُتيم طالع وتغاريد نايمه ورياحين عد جيرانه صديقتها قبل لا تزوج لو هيه تجي لو رياحين تروح الها

ضليت افتر محتاره فتحت الباب ودخلت للصاله ، كعد واردف

فرقد : احجي شصاير يمعوده

ايفا : غاح احجيلك بس الله يخليك ما اغيد كلمه تطلع اني غاح اثق بيك بس أنتَ .

فرقد : خلي عندج ثقه بيه

سولفت شلون سواد دخل وشلون حجه وياي وشلون حط السجين على ركبتي احجي واشهك وهو صافن ،

فرقد : عرفت والله عرفت من دخل مبين من وجها سامعنه وهو لو يسمع اخر كلمه يفسر من كيفه

ايفا : وهسه شلون اني تعبت ونفسيتي متتحمل بعد

تنهد يفكر بحيره : يعني انه ما لكيت الكلام اله هناك اثوول

ايفا : حشاك

فرقد : يا حشاي راح ينعل والديه

ايفا : عود صدُك يعني مثلاً يكتلك لو شنو يسويلك ما اكو واحد يغده

فرقد : تكفي نظره خذلان منه كفيله بان تدمرني

ايفا : خذلان ايشش هاي شبيكم يعني شنو مسوي اله

فرقد : ما دام حجيت بظهره وحجيت اشياء ضده يعني اني خذلته بس شسوي مجبوررر مجبور يعني شفتي تصرفه بـ السجين شفتي شلون هو مخبل ومتهور