#الليث_الأسود
..
بثياب ممزقه وانفاس منخفضه جثه مرتطمه على الأرض تصارع الموت بايدي وحوش بشريه .
- ساره جعفر
..
ضحكت ضحكه عاليه وامي خزرتني ، عفتها وصعدت للسطح واني ادردم واحجي عليها
- كتلتني هل مره ، ااخخخ اني اعلمجج
وهيه تغلط عليه ، من جوه واني اضحك عليها من تتعصب كعدت وضهري على الحايط صافنه على الغيوم .. حسيت بهروله على الدرج درت وجهي رُسل كمزت وهيه تباوع للسما
- يااااييي غغغيييوووم
- يمه يمه شفت تعاير بس مثلج ماكو
- ولج حلوات يخبلون شبيج ،
درت وجهي على السما اباوع اجت حشكت نفسها يمي واني اخزر بيها ، وهيه صافنه على السما عيونها تلمع تموت تعشق الغيوم وتكعُد ساعات تباوعلهن بدون ملل
ضحكت بفرح التفتت يمنه يسره
- ها اجنج ؟
- دشوفي شوفي شلون حلوات سبحان الله مبدع
هزيت راسي واني صافنه بالسما وبالغيوم الكثيفه وتحسها قريييبه هيج تكوم تلوحهن ضحكت والتفتت على رُسل
- رُسل تتذكرين من جنتي صغيره تكمزين وترفعين ايدج علمود تلوحين السما
ضحكت وهزت ايدها على تفكيرها : استغفر الله
- من صغيره تاكلين ثول بخواشيك ؟
غمتني واني ضحكت بشماته ، وامي صاحت من جوه ورُسل نزلت تركض وتصيح : هسه اجيج خل اجيب شاميه
استغفر الله شبيها هاي ؟
سكتت صافنه ، شويه وطنشتها ورحت لغرفتي ،
مرت ايام واحنه على حالنه وبيتنه هادئ اخذت المشط امشط شعري واسمع صوت صرخه رجت البيت عاليه بفزع وخوف ،
نخمش كلبي نزلت اركض وكلبي يركض قبلي تراجعت لوره بصدمه من شفت لمه زلم لابسين زي أفغاني ولحاياهم طويله ووجهم مسلوبه منها الرحمه تخوف لازمين اخوي وابوي مجتفين ايديهم ومكعديهم والمسدسات بروسهم واختي وامي بالزاويه يتراجفن ويتباجن وحده تلبد بسد الثانيه .
رجلي خوت واجيت اوكع من طولي ،
صارت عين واحد منهم عليه ، ضحك ضحكه قذره وغمزلي ويسوي حركات مقرفه شمئزيت وتقززت
وابوي عينه علينه مدمع واحس محتار شلون راح نبقه وحدنه ، واخوي خايف يباوعلهم ويباوع النه
- لديك بنات جميلات للغايه
اردفله بابا بتوسل : اروحلكم فدوه بويه عوفو بناتي
ضحكو واحد ضرب بابا على راسه بكف ايده بقوه كان اني النصفعت من بابا دنك راسه بوجع
طلعت من حلكي كلمات بدون ما احس
أنت تقرأ
الليث الاسود
Mystery / Thrillerلا تقلق ولا تخاف انها فترة وجيزة وستنتهي ، لحظات دامية حافلة بالأجرام شَيطان على هَيئةً بَشرية يَستاطُ بَالحياة كَانهُ يَستاطُ فَـ البريةَ مَكارً لَعوْبً وفي ارجائهُ حُروبً دَائمية يَنهشُ في لَحم البَشر كَانهُ في لعبةً سُخرية ضَحكاتة تُلوى الاخره...
