_ماما عشان خاطري عايز انام شويه
_لا يا انس هتتأخر علي اول يوم جامعه.
استدارت السيده 'زينب' لتفتح شباك الغرفه لتتفاجئ بزراعان يلتف حول خاصتها بلطف
_متحاولش ي انس.
_يماما اول يوم يعني عادي لو فكست!
امسكت السيده 'زينب' انس من اذنه لتقرص عليها برفق :
_لا طبعا ابني الدكتور مش هيفكس للجامعه وهيروح بدري كمان .
تحرك انس نحو السرير واخذ يرتوي من كوب الماء بجواره علي المنضضه الصغيره مردفاً :
_دكتور؟؟ لا لا مش متخيلها.
_طب قوم بلاش كسل يلا
****
_ فطار كل يوم؟ فول وفلافل صح؟
قالها وهو يهرول من الطابق العلوي الي مائده الطعام
_ونت عايز بوفتيك كل يوم ي انس؟،. وبعدين قول صباح الخير الاول!
قالها السيد 'علي' وهو يقرء في الجريده لتستدير السيده زينب بالاطباق وتضعها علي الطاوله مقبله :
_يلا ي انوسي هتتأخر.
_انوسك ؟ في ايه يماما؟
قرصت السيده زينب خد انس برفق
_طبعا انوسي اوعي تفتكر انك هتكبر عليا يولا!
_ عيييب
قالها وهو يضع قطعه من الفلافل في فمه، كاد ان يكمل حديثه ليقطعه السيد 'علي' واضعاً الجريده علي الطاوله مردفاً:
_متتكلمش ونت بتاكل ي ولد !
_في ايه يبابا قارش ملحتي كدا ليه ع الصبح؟
_ ملحتك ي انس اخص على التربيه.
_ خلاص يبابا متزعلش مش هتكلم ونا باكل تاني حاضر.
_ خلاص خلاص يلا هتتأخر.
قطعت الاجواء رنين جرس البيت لتتجه ' زينب' الي الباب قائله :
_ دي تلاقيها نور نواره
_ماما اسمها نور!
قالها انس ببرود ليلتقط هاتفه متحركاً نحو الباب
_بالتوفيق ي نواره