Love Like Fire(OC)

27 (ပြန်လည်တွေ့ဆုံချိန်)

Uni...

Love Like Fire (Chapter 27)
( ပြန်လည်တွေ့ဆုံချိန် )

3နှစ်ခန့်ကြာပြီးနောက်....

မြန်မာနိုင်ငံရှိလေဆိပ်တွင် ဆင်းသက်လိုက်တော့ ခန့်ငြား၏စိတ်ထဲတွင်နွေးထွေးသွားသည်။
အသွားတုန်းကနဲ့မတူပဲ ယခုတော့ နေရောင်ခြည်က လှပစွာတောက်ပအလင်းဖြာနေသည်။

လေဆိပ်ထဲတွင် အဲယားကွန်း ရှိနေတာကြောင့် ခန့်ငြားတို့အပူဒဏ်ကိုမခံစားရသေး...။
ခန့်ငြား သူ့မွေးရပ်မြေကို ပြန်ရောက်လာရတာ ပျော်ပါသည်။နိုင်ငံခြားမှာနေရတာ အဆင်မပြေလှကိုယ့်အိမ်ကိုယ့်ရာဖြစ်သော မြန်မာနိုင်ငံကြီးကိုသာ ချစ်မြတ်နိုးပါသည်။
(AN-ဝတ္ထုအရသာ ရေးတာပါ.. ခွန်းကတော့ မအလ အုပ်ချုပ်နေတဲ့ မြန်မာပြည် မှာနေရသာ အသေစိတ်ပိန်​​နေပြီ)

နိုးနိုးလေးကို ပွေ့ချီထားရင်း... လက်တစ်ဖက်က Luggage ကိုဆွဲကာ ထွက်လာခဲ့သည်။နှင်းမိုမိုကလည်းသူ့ဘေးကနေလိုက်ပါလျက်သား။
လှေကားပေါ်ကနေဆင်းမယ်အလုပ် အောက်ထပ်မှာ လူတွေစုအုံနေတာကြောင့် ကြည့်လိုက်တော့...သူလုံးဝမေ့ထားပါပြီဆိုပြီး ယခုထိနှလုံးသားထဲကထုတ်မရသေးတဲ့ သူကိုတွေ့လိုက်ရသည်။

ရှိုင်းခက်ယံမှာလည်း တစ်နေရာရာက ပြန်လာပုံပင်
ဆံပင်မှာ စတိုင်မှာလည်း သူနောက်ဆုံးတစ်ခေါက်တွေ့တုန်းကပုံနဲ့မတူသည့်ဒီဇိုင်းပြောင်းထားပြီး။

အဝါဖျော့လေးဆိုးထားသေးသည်။နားတစ်ဖက်မှာတော့ တစ်ဖျက်ဖျက်လက်နေသည့် ပတ္တမြား အပွင့်သေးလေးကို ပန်ထားပြီး အကျီကတော့ အနီဖျော့လေးဖြစ်သည်။

တပ်ထားသည့်နေကာမျက်မှန်နှင့်လည်းအလွန်လိုက်ဖက်နေသည်။
အလွန်ကိုမှ ငယ်ရွယ်နုပျိုသည့်ပုံစံပေါက်နေသည်။ ချောမောခံ့ညား ထင်ရှားလင်းလက်နေဆဲပင်...။
ခန့်ငြားရိပ်ကတော့ သူနဲ့ဆန့်ကျင်ဘက်... ကလေးကိစ္စ၊အလုပ်ကိစ္စတွေနဲ့သာ လုံးပန်းနေရပြီး အသက်၃၀အရွယ်လောက်ဖြစ်နေပြီးဟု သူ့ကိုယ်သူထင်နေသည်...။

သူကရှိုင်းခက်ယံကို ကြည့်မိလိုက်ချိန်တွင် ရှိုင်းခက်ယံကလည်းသူ့အားမော့ကြည့်လာရင်း သူ၏ဖြူဖွေးရှည်လျားသည့် လက်ချောင်းများဖြင့် နေကာမျက်မှန်ကိုဆွဲချွတ်လိုက်တာကြောင့်
Fan တွေမှာလည်း အာခေါင်ကွဲမတက်ပင် အော်ကြတော့သည်။