လူဆိုးကောင် (completed)

🤍အပိုင်းရှစ်🤍

(Unicode)

(လူဆိုးကောင်)

လူတွေက အချစ်ကို အမျိုးမျိုးအဓိပ္ပာယ်ဖွင့်ကြတယ်။တစ်ချို့က ရယူခြင်း..!တစ်ချို့က ပေးဆပ်ခြင်း..!။ရယူခြင်းတွေ ပေးဆပ်ခြင်းတွေလာပြောနေရအောင် ရင်ထဲကနှလုံးသားနဲ့လောင်းကစားလုပ်နေတာမဟုတ်ဘူး။

တကယ်တော့အဖြေကနှစ်မျိုးပဲရှိတယ်။
ချစ်တဲ့လူကို အဆုံးရှုံးခံမလားနဲ့ အပိုင်သိမ်းမလား။

မောင်ကတော့ ရှင်းတယ်။မင်းအတွက်ပေးဆပ်ပြီး မောင့်အချစ်အတွက် မောင်ထိုက်သင့်သမျှ အကုန်ပြန်ယူမှာ။မင်းချစ်သည်ဖြစ်စေ မချစ်သည်စေ မောင်ချစ်နေရင် မင်းဟာမောင့်ချစ်သူပဲ။

          * * * * * လူဆိုးကောင် * * * * *

ရေချိုးရင်းနဲ့ တစ်လတ်စတည်းခေါင်းလျှော်လာပုံရသော မောင်က ရေစိုစိုဆံပင်တွေကိုလက်ချောင်းထိပ်တွေနဲ့ထိုးဖွပစ်ပြီး မှန်ကြည့်နေသလို၊ဒေါက်တာကိုဘယ်လိုပိုးပန်းရမလဲအကြံထုတ်နေခဲ့ပြန်တယ်။

မောင့်အဖြစ်က ပတ်ခ်ဂျီမင်က ဘယ်ဆီနေမှန်းမသိဘူး မောင့်အချစ်နဲ့တည့်ပါ့မလား?လို ဖြစ်နေပြီ။မောင့်ဂျီမင်နဲ့အသက်ဆက်နေရတဲ့ဘဝမို့ မောင် အဲ့လောက်ထိကိုချစ်တယ်။....။

* ဘာလဲ! အင်္ကျီတွေကဘာလို့အဖြူတွေချည်းဖြစ်နေရတာလဲ။ *

စတစ်ကော်လံအဖြူတွေနဲ့ Formalရှပ်အဖြူတွေကြောင့် မောင့်စိတ်လေး တိမ်မည်းတွေဖုံးသွားရသည်။ဘီဒိုတစ်ခုလုံးသာ ဇောက်ထိုးဖြစ်သွားမည်၊မောင့်စိတ်ကို စိတ်တိုင်းကျစေတာမျိုးတစ်ထည်လေးတောင်မတွေ့ခဲ့မိဘူး။

ဘီဒိုတစ်ခုလုံးမှာ စတိုင်ပန့်အနက်တွေနဲ့
ထိုအဖြူရောင်ရှပ်တွေချည်းပဲမို့ မောင်ဟာအလွန်အမင်းကိုစိတ်ရှုပ်သွားဟန်ရှိကာ
မျက်ခုံးတန်းတွေကို လိုတာထက်ပိုကျုံ့ပစ်လေပြီး ခုတင်ပေါ်သို့ဆောင့်​ကြီးအောင့်ကြီးပစ်ထိုင်ချကာ ဖုန်းဆက်ဖို့လုပ်တော့တယ်။

* မေမေ...သားပစ္စည်းတွေ ပို့ပေးလိုက်ဦး။ဒါပဲဗျာ ဒါပဲဒါပဲ သားမအားဘူး *

သားလိမ္မာလေးပါ။ဘုရားစူးသားလိမ္မာလေး။ဂျီတိုက်ဖို့ကလွဲရင် မိဘတွေကိုရှိတယ်လို့တောင်ထင်တာမဟုတ်။သူသိတာ ပတ်ခ်ဂျီမင်​ကို ဘယ်လိုဖွန်ကြောင်ရမလဲ?ပတ်ခ်ဂျီမင်အနားဘယ်လိုကပ်ရမလဲပဲ သူသိတာပါ။