( Unicode )
( အပိုင်းတစ်ဆယ့်နှစ် )
အဖြစ်အပျက်တွေဖြစ်ပြီး နှစ်ရက်ကြာသွားခဲ့သည့်တိုင် သူနဲ့ဂျွန်ဂျောင်ကုရဲ့ကောလဟာလသတင်းတွေဟာရပ်သွားခဲ့ခြင်းမရှိသေးပါဘူး။ဆေးရုံပရဝုဏ်အတွင်း၌ တီးတိုးပြောနေကြဆဲမို့ သူတောင် ဒီအခြေအနေမှာနေသားတကျဖြစ်နေခဲ့ပါပြီ။
ငြင်းရအောင်လည်း သူတို့ပတ်သတ်မှုက
ထင်သလောက်ကင်းရှင်းနေတာမျိုးမရှိ။
အဲ့လိုဆိုပေမယ့်လည်း ချစ်သူတွေမဟုတ်ကြပြန်ဘူးလေ။အဲ့တာကြောင့်မို့ ဒီအခြေအနေပေါ်မှာ ခေါင်းလည်းမခါသလို ခေါင်းလည်း
မငြိမ့်ခဲ့ဘဲမေးခွန်းတွေကြားကနေ ရှောင်ပြေးနိုင်ခဲ့ပါတယ်။
••••••• လူဆိုးကောင် •••••••
* ကျွန်တော်လာခဲ့ပါ့မယ်...စီနီယာ *
စီနီယာကင်နှင့် ဖုန်းပြောပြီးနောက် ဂျူတီကုတ်ကိုဆွဲချွတ်လိုက်ရင်း စာတမ်းပြုစုထားတဲ့ ဖိုင်တစ်တွဲကိုကောက်ပွေ့လိုက်လျက် စီနီယာအိမ်လိုက်သွားဖို့လုပ်ရသည်။
စီနီယာ ဆေးရုံကိုရောက်မလာတာဒီနေ့နဲ့ဆို နှစ်ရက်ရှိနေပြီ။စာတမ်းတင်ရမယ့်ရက်ကလည်းနီးနေပြီကိုစီနီယာက ဒီလိုတွေရောက်
မလာမှတော့သူကဘယ်သူနဲ့တိုင်ပင်ရပါ့ရမလဲ။
* ဘယ်သွားမှာလဲ *
ဒေါက်တာသည် ဆေးရုံထဲကထွက်ဖို့အလုပ်တွင် အလောတကြီးပြေးဝင်လာသောဂျွန်ဂျောင်ကုနဲ့ ဆေးရုံအဝင်ဝမှာထိပ်တိုက်ဆုံလေသည်။ထို့အပြင် အလောကြီးနေတဲ့ဒေါက်တာ့ပုံစံကိုကြည့်ပြီး မျက်မှောင်ကုပ်နေလိုက်တာများ လူကိုအစိမ်းလိုက်မြိုချတော့မယ့်ဆိုက်နဲ့။
* ငါမအားဘူး *
* ဒါဘယ်လဲလို့ မောင့်ကိုဖြေပေးခဲ့ဦး *
* အရစ်မရှည်စမ်းပါနဲ့ ငါတကယ်အရေးကြီးနေလို့ *
မောင့်ပခုံးတွေကို တစ်ချက်ပုတ်ပေးလိုက်ပြီး
သူအလျင်နေလိုကြောင်းကို မျက်ခုံးတစ်ဖက်ပင့်ပြမိရင်း ခပ်ပြတ်ပြတ်ပဲဖြေမိတယ်။မောင်ကတော့ စူပုတ်ပုတ်ဖြင့်အလိုမကျသလိုလိုက်ကြည့်နေခဲ့ပြီး အနည်းငယ်လိပ်တင်နေတဲ့
သူ့အင်္ကျီခါးစကို ဆွဲဆန့်ပေးလာခဲ့တယ်။
