လူဆိုးကောင် (completed)

အချပ်ပိုနှစ်🤎

( UNICODE )

( အချပ်ပိုနှစ် )

​ေမာင်က မောင့်ဂျီမင်ကိုဆို တစ်ပတ်မှာခုနစ်ရက်လုံး ချစ်ချင်နေတဲ့လူမျိုး...။မဟုတ်သေးဘူး ရှစ်ရက်လောက်ကို ချစ်ပစ်ချင်နေတာ။မောင့်ဂျီမင်ကို ကြောက်လို့သာ မောင်လိမ္မာပေးနေရတာကို ဂျီမင်အား မောင်သိစေချင်တယ်။

- - - - - - - - - - - - - - - - - - - - - - - - - - - - - - - - -

ဘိုးဘွားပိုင်လုပ်ငန်းတစ်ချို့ကို မောင်ကိုယ်တိုင်ဦးဆောင်နေပြီဖြစ်လို့ စီးပွားရေးသမားပေါက်စလေးမောင်ဟာ လက်ထပ်ပြီးပိုင်းနောက်ပိုင်းတွင် အရင်လိုဂျစ်တိုက်တတ်တဲ့
ကလေးဆိုးကြီးမဟုတ်တော့ပါဘူး။အဲ့ထက်တစ်ဆင့်မြင့်တဲ့ရာထူးလေးနဲ့ မောင့်ဂျီမင်ရဲ့တွဲလောင်းလေးဖြစ်သွားရပါပြီ။

အလုပ်ကိစ္စတစ်ခုနဲ့နယူးယောက်မြို့ကိုအစောတလျင်သွားလိုက်ရတဲ့မောင့်ကို ဒီနေ့မှာတော့ ဒေါက်တာပတ်ခ်ကိုယ်တိုင်ပဲ သွားကြိုရလေသည်။မောင်က သူနဲ့အတူထိုနိုင်ငံကိုလိုက်ခဲ့ဖို့ခေါ်ခဲ့သော်လည်း မောင့်ဂျီမင်မှာလူနာတွေကြောင့် မလိုက်နိုင်ခဲ့ပေ။

ထို့ကြောင့် မောင့်ခမျာ လွမ်းလွမ်းဆွေးဆွေးမျက်နှာကြီးနဲ့ ညတိုင်းပင် Face Timeပြောဖြစ်တိုင်း " ​ေမာင်ပြန်လာချင်နေပြီ "လို့ လှမ်းလှမ်းချွဲပြနေတာကို မောင့်ဂျီမင်လည်းသဘောတွေကျခဲ့ရ၏။ဒီအချွဲသန်လွန်းတဲ့
ချွဲချွဲပျစ်ပျစ်အချွဲစိန်လေးကိုမှ မောင့်ဂျီမင်
မချစ်ရင် ဘယ်မောင်ကိုချစ်ရပါတော့မလဲ..။

ဆိုတော့ကာ တစ်မြေဆီခြားနေကြပေမယ့်
အချစ်တွေကတော့ပိစိလေးတောင်မလျော့ခဲ့ကြပါဘူး။မောင်ခရီးသွားတုန်းက ဂျူတီချိန်တွေကြောင့်အတူရှိမပေးနိုင်ခဲ့ပေမယ့် မောင်ပြန်လာမယ့်အခိုက်မှာတော့ ရှိရှိသမျှအလုပ်တွေအားလုံးကိုပစ်ချခဲ့ပြီး မောင့်ကိုသွားကြိုမည်။

​ေမာင့်လိုပင် သူလည်းမောင့်ကိုလွမ်းနေပြီ။

ဒီနေ့အတွက် ယာဥ္မောင်းတာဝန်ယူပေးလာတဲ့ မောင့်လက်ရုံးတော် လီဆောင်းဝူကိုကားထဲမှာပင်ထားပစ်ခဲ့လိုက်ပြီး သူသည်လေဆိပ်အတွင်းသို့ ဝင်ခဲ့လိုက်သည်။