လူဆိုးကောင် (completed)

🤍အပိုင်းတစ်ဆယ့်လေး🤍

( Unicode )

( အပိုင်းတစ်ဆယ့်လေး )

မနေ့ညက လူတစ်ယောက်နဲ့ဆုံခဲ့သည်။

လိုအပ်တာလေးတစ်ချို့ဆင်းဝယ်ပြီး တိုက်ခန်းသို့ပြန်အလာ သူတို့တိုက်အောက်တွင် ထူးထူးဆန်းဆန်းလူတစ်ယောက်ကို
မြင်လိုက်ရသည်မို့ ပတ်ခ်ဂျီမင်၏ခြေလှမ်းတွေမှာရပ်တန့်သွားရပြီး တစ်ဆက်တည်းဆိုသလို လက်ထဲကကြွပ်ကြွပ်အိတ်လေးကိုပါ ခပ်တင်းတင်းဆုပ်ချေလိုက်မိသည်။

* လီဆောင်းဝူရှီ ..! *

ဟုတ်နိုးဟုတ်နိုးဖြင့် လှမ်းခေါ်ဖြစ်သည်။ဒီလူက ဟန်ဆောင်းရဲ့ဆက်ခံသူမလား။ဇောင့်ကြွားကြွားနိုင်လွန်းလို့ ကျွန်တော်လုံးဝကြည့်လို့မရတဲ့လူလေ။ချက်ချင်းပဲလှည့်ကြည့်လာတာကကျွန်တော်မြင်ဖူးနေကျ မျက်နှာကြီး...။

* မှန်နေတာပဲ။လီဆောင်းဝူရှီ ..ဒီမှာဘာလုပ်နေတာလဲ *

* ဒေါက်တာပတ်ခ် ! *

ကိုယ့်ကိုလှည့်ကြည့်လာခဲ့ပြီး ထိတ်လန့်သွားပုံရတဲ့မျက်နှာကြီးက နည်းနည်းတော့ရယ်ချင်စရာကောင်းသည်။တစ်ယောက်ကိုတစ်ယောက်စိုက်ကြည့်နေကြကာ "ဘာလဲ"ဟူသော အကြည့်နက်နက်တွေနဲ့ အပြန်အလှန်အကဲခတ်နေကြလျှက်။

* လီဆောင်းဝူရှီ..!ဒီကိုဘာလာလုပ်တာလဲ
မပြောပြရသေးဘူးနော် *

ဂျီမင်ရဲ့လေသံတွေက တရားခံကိုစစ်ဆေးမေးမြန်းနေသလိုပါပင် ပြတ်သားလှ၏။

* ကျွန်တော် ဒီနားကိုလာရင်းနဲ့ ဒီတိုက်က အသိတစ်ယောက်ဆီဝင်လည်မလို့..အဲ့တာ သူဘယ်အထပ်နေလဲ မမှတ်မိတော့ဘူး *

လှုပ်လှုပ်ရှားရှားဖြစ်နေတဲ့ဒီလူ့မျက်လုံး!
ဘောင်းဘီကို ခဏခဏပွတ်နေတဲ့ သူ့ရဲ့
ကဏာမငြိမ်နေတဲ့ လက်ချောင်းတွေ။ဘာတစ်ခုမှ သင်္ကာစရာကောင်းမနေဘူးလေ။

* အသိတစ်ယောက်ဆိုတာက?ကျွန်တော်များလား *

* မဟုတ်ပါဘူး။ဒေါက်တာပတ်ခ် မဟုတ်ဘူး *

လီဆောင်းဝူက အသည်းအသန်ငြင်းရှာပြီး မျက်လုံးတွေကလုံးဝကိုမူမှန်မနေပါ။

* ဒါဆိုဘယ်သူလဲပြောပြလေ?ကျွန်တော်နေတဲ့တိုက်ကို ရုတ်တရတ်ရောက်လာပြီး လာတွေ့တာက ကျွန်တော်မဟုတ်ဘူးဆိုတော့... ခင်ဗျားတွေ့ချင်နေတဲ့အသိက ဘယ်သူများလဲ *