UNICODE
လင်းအိုက်ကောင်း ဆုံးတာ ခုနှစ်ရက်ကြာပြီးနောက်မှာ ကျန်းထျန်နဲ့ လင်းဆွေ့ကျိုးဟာ ဒုတိယအကြိမ် လက်ထပ်မှတ်ပုံတင်ဖို့အတွက် သွားခဲ့ကြသည်။
သူမလက်ထဲကပျော့ပြောင်းတဲ့ အနီရောင်စာအုပ်ကိုကြည့်ရင်း ကျန်းထျန် အနည်းငယ်ဝမ်းနည်းသွားမိသည်။ဒီနေ့ကစပြီး သူမကတကယ်ပဲလက်ထပ်ပြီးသား မိန်းမတစ်ယောက်ဖြစ်သွားပြီပဲ။
သူမဖုန်းကို ထုတ်ကာ လက်ထပ်စာချုပ်ကို ဓာတ်ပုံအနည်းငယ်လောက်ရိုက်ပြီးနောက်မှာ Weibo ပေါ် ပိုစ့်တင်လိုက်သည်။
[ကလေးတစ်ယောက်အတွက် လက်သီးတစ်ချက် : တရားဝင်ပို့စ် (ပုံ)]
[ထျန်၏ပရိသတ်များစုဝေးရာနေရာ : ဒီနေ့က ငါတို့ အသဲကွဲတဲ့နေ့ပဲ ဒါပေမဲ့လက်ထပ်တာကို ဂုဏ်ပြုပါတယ်]
[ကျိူးထမင်းရည်ဆိုင် : အာဟာ၊ ကျိုးလေးက ဒုတိယအကြိမ်ပြန်လက်ထပ်လိုက်ပြီ၊ပျော်လိုက်တာ]
[မင်းငါ့ကိုကြိုက်နေတာ ငါသိတယ်: ဘယ်သူက တရားဝင်လက်ထပ်တာလဲ? သူတို့ကဘာလို့ ပို့စ်တင်ဖို့လိုအပ်တာလဲ?]
[ကျင်းချန် ကျွတ် ကျွတ် ကျွတ် : ပြန်..ပြန်လက်ထပ်လိုက်ပြီ??ငါ့ကောင်မလေးက တစ်ယောက်ယောက်နဲ့ ပြန်လက်ထပ်လိုက်ပြီလား?]
".........."
ဒုတိယအကြိမ်ပြန်လက်ထပ်ပြီးသော်လည်း လင်းဆွေ့ကျိုးသည် အိပ်မက်မက်နေဆဲအခြေအနေတွင်ရှိနေကာ အနီရောင်စာအုပ်ကို စိုက်ကြည့်နေပြီး သူ့နှလုံးသားဟာ မသေချာသလိုခံစားနေရပြီး အိပ်မက်တစ်ခုလိုဆန်းကြယ်နေပေသည်။သူ့အမေသေဆုံးမှုက သူ့ကိုအကြီးကြီးထိခိုက်သွားတာလား ဒါကြောင့်....သူသွေးလေခြောက်ခြားနေတာလား?
လင်းဆွေ့ကျိုးသည် သူ့မျက်နှာသူ ဆွဲဆိတ်ကြည့်တဲ့အခါမှာ ဒါကအရမ်းနာလွန်းတယ် အိပ်မက်မဟုတ်ဘူး။
သူသက်ပြင်းချလိုက်ပြီး ရှဟိုင်ရွန်ကို WeChat ကနေ ဆက်သွယ်လိုက်သည်။
[ငါ့မိန်းမနဲ့ ငါက လက်ထပ်ပြီးပြီ : ရှဟိုင်ရွန်]
[သူက အခုထိစင်ဂယ် ဒေါ့တစ်ကောင်ပဲ : ? မင်းရဲ့ ID က ဘယ်လိုတောင်လဲ?]
YOU ARE READING
မြတ်နိုးရသူ ဗီလိန်၏ ချစ်ဇနီး Completed✓
Romanceဒီ Novel လေးက တော့ တော်တော်များများ ဖတ်ဖူးပြီးဖြစ်လောက်မှာပါ ထွေထွေထူးထူးတော့မပြောတော့ပါဘူး ကိုယ်က 112 to completed ထိကို ဆက်ဘာသာပြန်ပြီး တင်ပေးသွားမှာပါ 1 to 111 ကိုကတော့ Pure__Taro ဆိုတဲ့ acc မှာ သွားရှာဖတ်လို့ရပါတယ် Start Date - 13 Sep,2022 End...
