UNICODE
လျန်ရှန့်သည် မကြာသေးမီက အနည်းငယ် စိတ်အနှောင့်အယှက်ဖြစ်နေခဲ့သည်။မကြာသေးမီက ကျောင်းပြောင်းလာခဲ့သော ကျောင်းသူအသစ်ကို သူမုန်းနေခဲ့သည်။
စင်မြင့်ပေါ်၌ သူမကိုယ်သူမ မိတ်ဆက်နေသော ထန်ထန် ကိုကြည့်ရင်း သူ့မျက်နှာသေးသေးလေးသည် ကြမ်းပြင်ပေါ်သို့ ကျလုနီးပါးဖြစ်သွားခဲ့သည်။
ထန်ထန် သည် မကြာခဏ TV တွင် ပါလာတတ်သည်။ မကြာသေးမီက လူကြိုက်များသော ဒိုင်နိုဆော ကြော်ငြာတွင် မင်းသမီးလေးအဖြစ် သရုပ်ဆောင်ထားခဲ့သည်။ဒီအရွယ်ကလေးတွေဟာ ဒိုင်နိုဆောအရုပ်လေးတွေနဲ့ ဘာဂါတွေကိုသာ ကြိုက်နှစ်သက်ကြပြီး သူမကို ဘယ်သူမှ မသိကြပေ။
ပျော်ရွှင်မှုများကြားတွင် လျန်ရှန့်၏ မျက်နှာလေးကသာ စိတ်ပျက်စရာများနှင့် ပြည့်နှက်နေခဲ့သည်။
"ထန်ထန် သမီး ကျိုးဟောင်ဘေးမှာ ထိုင်လို့ရတယ်"
အတန်းထဲတွင် လစ်လပ်နေရာနှစ်ခုသာ ကျန်နေပြီး၊ အလယ်တန်းမှာတစ်ခုနှင့် နောက်ဆုံးတွင် တစ်ခုဖြစ်သည်။လျန်ရှန့် သည် အသက်အရွယ်တူ ယောက်ျားလေးများထက် အရပ်ပို၍ရှည်သောကြောင့် နောက်ဆုံးတွင်သာထိုင်ရသည်။
ထန်ထန်သည် ခြေဖျားလေးထောက်ပြီး ပတ်ပတ်လည်ကိုကြည့်လိုက်သည်။သူမ လက်ညှိုးလေးက လျန်ရှန့်ကို ညွှန်ပြလိုက်ပြီး
"လောင်ရှီး(ဆရာ)သမီး အဲ့မှာ ထိုင်ချင်တယ်"
လျန်ရှန့်ရဲ့ နှလုံးသားလေးဟာ နစ်မြှုပ်သွားခဲ့သည်။
အတန်းပိုင်ဆရာက အနည်းငယ် ချီတုံချတုံ ဖြစ်နေပြီး
"အဲ့နေရာက အရမ်းဝေးတယ်လေ"
ထန်ထန်က ဝပေမယ့် အရပ်မရှည်ပါဘူး၊ သူမသာနောက်မှာ ထိုင်ရင် ကျောက်သင်ပုန်းကို မြင်ဖို့ ခက်ခဲသွားလိမ့်မည်။
ထန်ထန် က ခေါင်းခါလိုက်ပြီး
"အဆင်ပြေပါတယ်၊ သမီးအဲ့မှာပဲ ထိုင်မယ်"
ပြောပြီးတာနှင့် သူမသည် သူမ၏ ကျောင်းလွယ်အိတ်ကိုယူကာ လျန်ရှန့် ဘေးရှိ စားပွဲခုံဆီသို့ လျှောက်လာခဲ့သည်။
သူ့ဘေးနားမှာထိုင်လိုက်သော ကလေးမလေးအား ကြည့်ရင်း လျန်ရှန့် ၏ မျက်လုံးများ ပြူးကျယ်သွားကာ တစ်ကိုယ်လုံး နေလို့မကောင်းတော့ပေ။
YOU ARE READING
မြတ်နိုးရသူ ဗီလိန်၏ ချစ်ဇနီး Completed✓
Romanceဒီ Novel လေးက တော့ တော်တော်များများ ဖတ်ဖူးပြီးဖြစ်လောက်မှာပါ ထွေထွေထူးထူးတော့မပြောတော့ပါဘူး ကိုယ်က 112 to completed ထိကို ဆက်ဘာသာပြန်ပြီး တင်ပေးသွားမှာပါ 1 to 111 ကိုကတော့ Pure__Taro ဆိုတဲ့ acc မှာ သွားရှာဖတ်လို့ရပါတယ် Start Date - 13 Sep,2022 End...
