(Unicode)
"ဦးသားထူးကြီး ကျန်းမာပါစေ ပြောင်းဖူးတွေကြီးထွားပါစေ"
.
.
.
.
အဖူး ဂွန်းနု အဖေကြီးဦးသာထူးတို့ကိုင်းထဲက ပြောင်းဖူးတွေခိုးချိုးလာပြီး လွယ်အိတ်ထဲထည့်လွယ်ကာ..ဘဲလေးငါးကောင်းကိုအနောက်ကနေမောင်းပြီး အိမ်ဝိုင်းထဲသို့ပြန်လာလေသည်။
အရစ်တို့ကို နှုတ်ဆက်ပြီး...သူတို့ကတော့ထန်ူတောသို့ဦးတည်သွာယပေမယ့် အဖူးကတော့အိမ်သို့သာတန်းပြန်ခဲ့သည်။ဘဲလေးတွေကို ဇာဝိုင်းထဲသို့မောင်းသွင်းပြီး..အဖူးကတော့အိမ်နောက်ဘေးရှိမီးဖိုထဲတွင့် ထိုင်ကာချိုးလာသောပြောင်းဖူးများကို ထုတ်ကာ မီးကင်စားနေလေသည်။နှစ်ဖူးလောက်စားပြီး..အမေ့အတွက်ပါကြောင်အိမ်ထဲတွင်ထည့်ထားလိုက်သည်။
"သားရေ..အဖူး...အဖူးရေ!"
"......."
"ဟဲ့...ပေဖူးလွှာ...အိမ်မှာမရှိဘူးလား ဒီကောင်လေးနှယ်"
" ဂျာ...!!"
ပြောင်းဖူးကိုပလုတ်ပလောင်းစားနေခြင်းကြောင့် 'ဗျာ'လို့ထူးတာတောင်မပီပဲ ' ဂျာ'လို့ထွက်လေသည်။
"အိမ်ရှေ့ခဏထွက်ခဲ့စမ်းပါဦးအေ"
အမေခေါ်နေတာကြောင့် အဖူးလဲ ပေရေနေတဲ့လက်ကို ဝတ်ထားတဲ့ဖျင်ကြမ်းကရင် အကျီလေးနှင့်ပွတ်သုပ်လိုက်လေသည်။
ဝတ်နေကျ ပုံသံမဟုတ်ပေမယ့် ဒီလိုပေတီပေစုတ်ပုံလေးနှင့်လည်းအဖူးဟာချစ်ဖို့ကောင်းနေပြန်သည်။"ကျုပ်ကိုဘာခိုင်းစရာရှိလို့လဲ အမေ"
"ဆရာတော် ခေါ်နေတယ် သွားလိုက်ဦးဘာခိုင်းမလို့လဲမသိဘူး"
"အင်း..အင်းကျုပ်သွားလိုက်မယ် ကြောင်အိမ်ထဲမှာပြောင်ဖူးမီးဖုတ်ထားတယ်အမေစားလိုက်ဦးနော်"
"ဟဲ့...ပြောင်းဖူးကဘယ်ကရတာတုန်း"
"ဦးသားထူးတို့ကိုင်းထဲက ခိုးချိုးလာတာ"
"ဟယ်...ဒီကောင်လေးနှယ် ကိုသာထူးကိုမျက်နှာပူစရာတွေဖြစ်ကုန်ပါပြီဟယ်...တကယ်ကိုပြောမရဆိုမရနဲ့ ကိုရင်မောင်ရေ..ရှင်သားကိုလာကြည့်လှည့်ပါဦးတော့"
YOU ARE READING
ရိုးသားကြိုးစားကတွယ်သား(Complete)
Romanceကျုပ်ဘဝမှာအမေပြီးရင် ခင်ဗျားကိုအချစ်ဆုံး..