Lost you Forever《长相思》ဘာသာပြန်

အခန်း [ ၄ ](၃)

ရှန်းလျို့က " မင်းရဲ့ ဝိညာဉ်စွမ်းအားက ဘာလို့ ဒီလောက်နိမ့်နေရတာလဲ? "

" အဲဒီမြေခွေးစုတ်က ငါ့ရဲ့ဝိညာဉ်စွမ်းအားကို မသုံးရအောင် ဆေးတိုက်ပြီး ဒုက္ခိတဖြစ်အောင် လုပ်ခဲ့တယ်၊ ပြီး‌တော့တဖြည်းဖြည်း ငါ့စွမ်းအင်တွေကို သွေးထဲ ပြန်ထည့်ခဲ့တယ် အဲဒါမှငါ့ကို စားရင် ပိုအရသာကောင်းအောင်ပေါ့ "

ရှန်းလျို့ ပြုံးပြီးပြောသည် " နတ်စွမ်းအားကို အစုပ်ခံရတာက အရိုးတွေကို ချိုးနေသလို၊ ခြင်ဆီတွေကို ကိုယ်ထဲက စုပ်ယူသွားသလို နာကျင်တယ်လို့ ပြောကြတယ်။ ကြည့်ရတာ ငါရဲ့ ကြာပွတ် အချက် လေးဆယ်က မင်းအတွက် အရမ်းသက်သာလွန်းနေတယ်။ နောက်ပိုင်း မင်းကို အပြစ်ပေးဖို့ နည်းလမ်းအသစ်‌တွေ ရှာရတော့မှာပဲ "

ရှောင်လျို့ရဲ့မျက်နှာသည် ဖြူဖျော့သွားကာ " သီချင်းဆိုနေသလိုမျိုး၊ ပိုလေ့ကျင့်လေ ပိုကောင်းလေမလား? အရင်တုန်းက ကြုံဖူးတဲ့ဝေဒနာက အရမ်းနာကျင်ရလို့ အခုဆို သူများတွေထပ်ပိုပြီးတော့ နာကျင်ရမှာကို ငါကြောက်တယ်! "

ရှန်းလျို့သည် စီးတော်ယာဉ်ကိုလက်ဖြင့် ပုတ်လိုက်ပြီး မင်းသူနဲ့ ကစားမနေနဲ့ ကောင်းကောင်းပျံ လို့ ပြောလိုက်ရာ လင်းယုန်ငှက်မှာ ရွှင်မြူးခြင်းမရှိတော့ဘဲ စည်းစနစ်တကျ ပျံသန်းတော့သည်။ ရှောင်လျို့လည်း သက်ပြင်းတစ်ချက်ချကာ ဂရုတစိုက်ထိုင်လိုက်သည်။ လင်းယုန်သည် တည်တည်ငြိမ်ငြိမ်နဲ့ ဖြေးညှင်းစွာပျံသန်းနေပြီး ရှန်းလျို့ကမူ မိုးကုတ်စက်ဝိုင်းကိုစိုက်ကြည့်ရင်း သူ့မျက်နှာသည် ရေကဲ့သို့ တည်ငြိမ်နေပြီး ခံစားချက်မရှိချေ။ ရှောင်လျို့က " မင်း စိတ်ဆိုးနေတာလား? "

‌ရှန်းလျို့က ငြင်ငြင်သာသာဖြင့် " မင်း လှောင်အိမ်ထဲမှာပိတ်လှောင်ပြီး နေခဲ့ရတဲ့ နှစ်ပေါင်း သုံးဆယ်အတွင်းမှာ မင်း ဘယ်လိုဖြတ်သန်းခဲ့တာလဲ? "

" အစတုန်းကတော့ လွတ်အောင် ကြိုးစားခဲ့တယ်၊ သူနဲ့ ရန်ဖြစ်လိုက်၊ ဆဲဆိုကြိမ်းမောင်းလိုက်နဲ့ သူစိတ်‌ဆိုးအောင်လုပ်တယ်။ နောက်တော့ ငါရပ်လိုက်ပြီး တိတ်တိတ်ဆိတ်ဆိတ်နေရင်းနဲ့ပဲ သူနဲ့ပူးပေါင်းပေးဖို့ကို ငြင်းဆန်ခဲ့တယ်၊ ငါကိုယ့်ကိုယ်ကိုယ် သတ်သေဖို့ ကြိုးစားခဲ့ပေမဲ့ အကြိမ်ကြိမ် မအောင်မြင်ခဲ့ဘူး၊ နောက်ပိုင်းမှာတော့ ကံတရားလို့လက်ခံလိုက်ပြီး ဒီလိုအခြေအနေမျိုးမှာပဲ ပျော်ရွှင်မှုကိုရှာကြည့်လိုက်တယ်၊ မြေခွေးကငါ့ကို ဘယ်လို ရွံရှာစရာတွေ ကျွေးမလဲ မှန်းဆပြီး ကိုယ့်ကိုယ်ကိုယ် လောင်းကြေးထပ်တာတို့လုပ်တယ်။ ငါသူ့ကိုအသွေးအသားထဲကနေတောင် စက်ဆုပ်မုန်းတီးတယ်၊ အဲဒါနဲ့ ငါအသုံးဝင်မဲ့ပစ္စည်းတွေ စုဆောင်းပြီး၊ မြေခွေးငါ့ကို စားချင်တဲ့အခါ ငါ့ကိုစားပြီး သူပါသေအောင် ငါအဆိပ်ကို ဖန်တီးချင်ခဲ့တာ။ "