Sa iyong malumbay na mga mata,
kabiguan ng puso ang nakikita.
Marahil pagod kana, kaya halika't magpahinga muna.
Maaari kang sumandal sa akin kung walang nakasunod sa iyo.
Hayaan mong pahirin ko ang mga luha mo.
Alam kong nabibigatan ang loob mo, kaya naman tutulungan kita para kahit papaano ay gumaan ito. Hangad ko ang panunumbalik ng saya't sigla mo.
Kung minsan ay nakakapagod ang mundo,
ngunit sa minsan na iyon ay huwag kang sumuko.
Patatagin mo ang loob mo, sapagkat hindi ito mananatili katulad ng bagyo.
Hindi ako ang Dios na magbibigay sa iyo ng tiyak na kapayapaan,
at magpapagaan sa lahat mong pasan. Ngunit nais kong maging kasangkapan, upang ang iyong kalumbayan ay tuluyang mawakasan.
BINABASA MO ANG
Love's Tapestry: Weaving Words of Romance
PoetryThis is a collection of poems written by Jcena Mortiff that revolves around various forms of love. These words long to break free, the letters yearn for liberation, all gathered from the depths of the author's heart and mind. They are assembled here...
