Hawakan mong mahigpit ang kamay ko, subukin natin ang hangganan nito.
Hindi ako mapapagod sa pagtakbo, sapagka't kamay mo na ang hawak ko.
Kung kamatayan man ang kapalit nito, mamamatay akong may masayang puso.
Sapagka't sa kanila'y hindi kita isinuko,
bagkus ay lumaban at hindi huminto.
Huwag kang mabahala sa akin, ni mabalisa.
Hindi makadadagdag ng pag-asa ang pagkabalisa.
Panghawakan natin ang isa't-isa,
At kahit na mahirap magbigay ng sigla,
Huwag tayong pagapo sa dusa.
Ang pagmamahal natin sa isa't-isa
ay magpapatunay na kahit mahirap ay maaaring magkaisa.
Sapagka't tapat ang ating pagsinta, maging ang ating mga salita,
na palaging may kaakibat na gawa.
Kung kamatayan man ang kapalit nito,
Nakahanda ang aking puso.
Hinding-hindi kita isusuko,
upang mapatunayan ko sa iyo ang tapat na pagmamahal nitong aking puso.
BINABASA MO ANG
Love's Tapestry: Weaving Words of Romance
PoetryThis is a collection of poems written by Jcena Mortiff that revolves around various forms of love. These words long to break free, the letters yearn for liberation, all gathered from the depths of the author's heart and mind. They are assembled here...
