ဗီလိန်ကငါ့ကိုအရမ်းချစ်တယ်(Arc 5 to 8)

Arc 5.1(1)

unicode

အပိုင်း(၁၀၁)(လက်စားချေနေသောဆရာတူညီလေး၏ ဖိအားပေးအချစ် ၁.၁)

ပင်မကမ္ဘာ၌ ပိုင်ယွီသည် သူ၏ခါးကို အသဲအသန်ပွတ်နေသည်။ အဆုံးသတ်၌ ထိုကမ္ဘာအတွက်မစ်ရှင်လဲ ပြီးမြောက်သွားပြီဖြစ်သည်။

ဗီလိန်သည် အမှန်တကယ်ကိုပင် ဆိုးပြီးရင်းဆိုးလာခဲ့သည်။ ကျောင်းသားအရွယ်သာရှိသေးသော်လဲ ဗန်ပိုင်းယားထက် ပိုကြမ်းတမ်းဆိုးရွားနေခဲ့သည်။

ကံကောင်းထောက်မစွာဖြင့် အဆုံးသတ်၌ တာဝန်သည်လဲ အောင်မြင်စွာပြီးမြောက်သွားပြီဖြစ်၍ ပိုင်ယွီတစ်ယောက် အလွန်အမင်းပျော်ရွှင်နေမိသည်။

"ရှောင်မီဟူ storeထဲက ရုပ်ပိုင်းဆိုင်ရာကြံ့ခိုင်မှုတိုးတက်စေမဲ့ itemမျိုး မြန်မြန်ပြပေးစမ်းပါ"

ရှောင်မီဟူကမူ သူ၏အမြီးဖွာဖွာလေးကိုခါရမ်းနေပြီး

[ဘာလို့အရမ်းစိတ်ဝင်စားနေရတာလဲ Hostမတတ်နိုင်ပါဘူးဆို]

"ငါမတတ်နိုင်ပေမဲ့လဲ ဈေးနှုန်းလေးကိုပဲ ကြည့်ကြတာပေါ့"

[အဲ့မှာကြည့်...ကြည့်]

ရှောင်မီဟူသည် အပြောနှင့်အလုပ်ညီစွာပင် storeထဲခေါ်သွားလိုက်သည်။

item၏ အောက်တွင်ရေးထားသော ၁၀၀၀၀၀၀၀၀မှတ် ဆိုသောစာတန်းကို ကြည့်လိုက်ချိန်တွင် ပိုင်ယွီခေါင်းကိုက်လာခဲ့သည်။

သူ့ဘဝ၌ ထိုitemမျိုးကို တတ်နိုင်မည့်နေ့ရောက်လာမလားကိုပင် မသိသေးပေ။ သို့သော် လက်ရှိတွင် ၎င်းပစ္စည်းအား အမှန်တကယ်လိုအပ်ပါသည်။

[Host စိတ်မပျက်သွားပါနဲ့ နောက်ကမ္ဘာကျ ခန္ဓာကိုယ်က အရမ်းသန်မာနေမှာမို့ ဒါမျိုးတွေမလိုတော့ဘူး]

"တကယ်လား"

ပိုင်ယွီ၏မျက်လုံးများက ချက်ချင်းပြူးကျယ်သွားသည်။

လွန်ခဲ့သောကမ္ဘာ၌ သူသည် အားနည်းသလို အသုံးလဲမကျပေ။ ယခုကဲ့သို့ သန်မာသောကိုယ်ခန္ဓာအား ရရှိမည်ဟုဆိုသောအခါ မယုံကြည်နိုင်ခဲ့ပေ။

"ဘယ်လောက်ထိသန်မာမှာလဲ"

ပိုင်ယွီတစ်ယောက် အလွန်အမင်းစိတ်လှုပ်ရှားနေလေသည်။