ဗီလိန်ကငါ့ကိုအရမ်းချစ်တယ်(Arc 5 to 8)

Arc 5.6(2)

unicode

အပိုင်း(၁၀၇)(လက်စားချေနေသောဆရာတူညီလေး၏ ဖိအားပေးအချစ် ၆.၂)

လန်ယွမ်၏မျက်လုံးများက တဖြည်းဖြည်းနှင့် အေးစက်လာသည်။

ဆရာတူအစ်ကို၏လက်အား ကိုင်ထားခဲ့သောသူ့လက်ကို ပြန်ကြည့်လိုက်ချိန်တွင် ယခင်ကနွေးထွေးနေခဲ့သောလက်သည်လဲ အေးစက်နေလေသည်။

ပိုင်ယွီက သူ၏လက်ကို ဖယ်လိုက်ပြီဖြစ်သည်။

ထိုသို့ထပ်တွေးမိလေလေ လန်ယွမ်၏မျက်လုံးများက စတင်မှောင်မိုက်လာလေလေပင်။

ဆတ်ခနဲထရပ်လိုက်ပြီးနောက် ပိုင်ယွီ၏လက်အား သူ၏လက်ဝါးထဲ၌ တင်းတင်းဆုပ်ကိုင်ထားလိုက်သည်။ ပိုင်ယွီက ထိုလက်ကိုဖယ်လိုက်ချင်နေလျှင်ပင် လန်ယွမ်က လွှတ်ပေးရန်ငြင်းဆန်လိုက်သည်။

သူ့မျက်လုံးများထဲ၌ ဆုံးဖြတ်ချက်တို့ ပိုမိုခိုင်မာလာသည်။

' ဆရာတူအစ်ကိုက သူ့ကိုမထိချင်လဲဘာဖြစ်လဲ သူကတော့ထိချင်တယ်'

သူသည် ကိုယ်ခံပညာမဟာမိတ်အဖွဲ့၏ခေါင်းဆောင်ကိုလဲ ပြန်ပေးဆွဲနိုင်သည်။ များစွာသောလူတို့ကိုလဲ အနိုင်ယူကျော်ဖြတ်နိုင်သည်။

ယခုအချိန်၌ ထိုသူ၏ခန္ဓာကိုယ်အရေပြား တစ်လက်မစီတိုင်းကို သူထိတွေ့ခဲ့ပြီးနှင့်ပြီဖြစ်သည်။

မည်သို့ပင်ဖြစ်စေ ကနဦးတည်းမှစ၍ ဆရာတူအစ်ကိုအား ဖမ်းဆီးရမိပြီးချိန်တွင် ထိုသူ၏နှလုံးသားကိုအနိုင်ရရန် စိတ်ကူးမရှိဖူးပေ။

သူလုပ်ချင်သမျှက ပိုင်ယွီအား သင်ခန်းစာပေးရန်ပင်။

လန်ယွမ်၏လက်ချောင်းများက ပိုင်ယွီ၏မေးစေ့အား ဖိညှစ်နေသည်။

ခုခံမှုမှန်သမျှအား မေ့ပစ်ထားပြီး ပိုင်ယွီ၏နှုတ်ခမ်းတို့အား ကြမ်းတမ်းစွာနမ်းရှိုက်ပြန်သည်။

ပိုင်ယွီ၏ကိုယ်လေးပေါ်၌ သူ၏ခန္ဓာကိုယ်တစ်ခုလုံးဖြင့် ဖိထားသေးသည်။

"ဆရာတူအစ်ကိုက ကျွန်တော့်ကိုသဘောမကျလဲ ကိစ္စမရှိပါဘူး ကျွန်တော်လိုချင်တာက ခင်ဗျားရဲ့နှစ်သက်မှုမဟုတ်ဘူး ခင်ဗျားရဲ့ခန္ဓာကိုယ်ပဲ ခင်ဗျားကိုဖိနှိပ်နိုင်နေသရွေ့ ခင်ဗျားနဲ့အတူတူ ဒီလိုကိစ္စတွေလုပ်ရတာကို သဘောကျတယ် ဆရာတူအစ်ကို ခင်ဗျားလဲသဘောကျမှာပါ"