ဗီလိန်ကငါ့ကိုအရမ်းချစ်တယ်(Arc 5 to 8)

Arc 5.8(2)

unicode

အပိုင်း(၁၀၉)(လက်စားချေနေသောဆရာတူညီလေး၏ ဖိအားပေးအချစ် ၈.၂)

လန်ယွမ်သည် ထိုသို့ပြောပြီးနောက် ပိုင်ယွီအား လုံးဝလှည့်မကြည့်တော့ဘဲ ကျောခိုင်းထွက်သွားလေသည်။

အခန်းလေးထဲ၌ ပိုင်ယွီတစ်ယောက်ထဲကိုသာ ချန်ရစ်ထားခဲ့သည်။

ပိုင်ယွီသည် ကြမ်းပေါ်၌ကျကွဲနေသော ပန်းကန်လုံးကိုကြည့်၍ ဖြေးညှင်းစွာထိုင်ချလိုက်ပြီးနောက် ကြွေထည်အကွဲစများကို တစ်ခုချင်းစီ ကောက်နေခဲ့သည်။

ကြွေပြားအပိုင်းအစများက လက်ချောင်းထိပ်များကို ပြတ်ရှသွားပြီးနောက် အနီရင့်ရောင်သွေးများ စီးကျလာခဲ့သည်။

သို့သော် ပိုင်ယွီသည် နာကျင်မှုကို လုံးဝမခံစားရပေ။

ရှောင်မီဟူကပင် သူ့အတွက် စာနာပေးပြီး နာကျင်မှုဒိုင်းကာအား ဖွင့်ထားပေးသည့်နှယ်။

သို့ပါသော်ငြား ထိုသို့မဟုတ်ပါကြောင်း ပိုင်ယွီသာသိသည်။

သူ့နှလုံးသားထဲမှ နာကျင်မှုတို့က ကြီးစိုးနေသောကြောင့် လက်ချောင်းများမှနာကျင်မှုတို့ကိုလဲ မခံစားနိုင်တော့ပေ။

မျက်လုံးများထဲ၌ ရေခိုးရေငွေ့တစ်လွှာက လွှမ်းခြုံထားသည်။

ဤအချိန်ဤ နာကျင်မှုဒိုင်းကာအား ဖွင့်ထားပေးလျှင်ပင် အသုံးမဝင်တော့ပေ။ အဘယ့်ကြောင့်ဆိုသော သူ့နှလုံးသားထဲမှ နာကျင်နေရသောကြောင့်ပင်။

[Host ဗီလိန်က အဲ့လိုတွေးမှာမဟုတ်ပါဘူး...]

"အင်း ငါသိပါတယ် ငါကသာ သူ့ဆီကပန်းကန်ကို အရင်တွန်းထုတ်လိုက်တာလေ ဒါကြောင့် သူဒေါသထွက်သွားတာက သဘာဝကျပါတယ်"

ပိုင်ယွီ၏စကားသံတို့က အလျင်မလိုနေခဲ့ချေ။ အသေးအဖွဲအဖြစ်ဆုံး ကိစ္စလေးတစ်ခုအား ပြောနေရသည့်နှယ် သူ၏လေသံမှာ အလွန်ငြိမ်သက်ပျော့ပျောင်းနေခဲ့သည်။

သို့သော် ဤအခေါက်၌ ဗီလိန် အမှန်တကယ်ကြီးတရားလွန်နေမှန်း ရှောင်မီဟူသိသည်။ အရာအားလုံးအား ကယ်တင်ရန်လမ်းစလေးတစ်ခု ရှိနေခဲ့ပါသော်လဲ ယခုအချိန်တွင်မူ သူ၏Hostသည် လုံးလုံးလျားလျား စိတ်ထောင်းကိုယ်ကြေဖြစ်နေရပြီဖြစ်သည်။