unicode
အပိုင်း(၁၀၇)(လက်စားချေနေသောဆရာတူညီလေး၏ ဖိအားပေးအချစ် ၇.၁)
ရှောင်မီဟူသည် သူ၏Hostအပေါ် အလွန်လေးစားနေခဲ့သည်။
အခြားSystemတို့၏ Hostများသည် ပစ်မှတ်ကိုအမိဖမ်းနိုင်ရန် အကောင်းဆုံးကြိုးစားနေချိန်၌ သူ၏Hostကမူ ဘာမှလုပ်စရာမလိုဘဲ နှစ်သက်မှုတို့က ဆက်တိုက်တိုးလာနေသည်။
[Host ထပ်တက်လာပြန်ပြီ အရမ်းကောင်းတာပဲ အပေါင်းဘက်ဆီရောက်လာပြီ]
ပိုင်ယွီကမူ အေးတိအေးစက်နှင့် ရွှင်မြူးမှုကင်းမဲ့နေဆဲဖြစ်ပြီး ခပ်ပေါ့ပေါ့သာဖြေလိုက်သည်။
"အိုး"
[Host ဘာလို့များ ဒီလောက်တောင်တိတ်ဆိတ်နေရတာလဲ]
ရှောင်မီဟူ၏စိတ်ထဲ၌ သံမဏိမဖြစ်လာသော သံကိုမုန်းတီးနေသည့် ခံစားချက်ရှိသည်။
ဤကမ္ဘာမှဗီလိန်သည် နည်းဗျူဟာအရာ၌ ထက်မြက်လွန်းသည်။ ပိုင်ယွီက ငြိမ်နေလျှင်ပင် နှစ်သက်မှုက တက်လာနေလိမ့်မည်။
ဤသည်က သူ၏Hostမှ ဗီလိန်ကိုဆွဲဆောင်နေခြင်းမဟုတ် ဗီလိန်ကသာ သူ၏Hostအား ဆွဲဆောင်နေခြင်းသာဖြစ်သည်။
တကယ်တမ်းတွင် သူတို့Hostအတွက် အနည်းငယ်ခက်ခဲသောအလုပ်တိုင်းတွင် ဗီလိန်၏နှစ်သက်မှုတို့က တိုးတက်မှုမြန်ဆန်သည်ကို ရှောင်မီဟူတွေ့ဖူးသည်။
သို့ပါသော်လဲ ပိုင်ယွီကမူ ရှောင်မီဟူအား ဘာမှပြန်မပြောဘဲ ခေါင်းကိုလက်ထောက်ကာ ပြတင်းပေါက်အပြင်ဘက်ကိုသာ ငေးကြည့်နေလေသည်။
အဘယ်ကြောင့်မတက်ကြွရပါသနည်း။
အဘယ့်ကြောင့်ဆိုသော် လန်ယွမ်လိုချင်သမျှက လိင်ဆက်ဆံခြင်းနှင့် သူ၏ခန္ဓာကိုယ်သာဖြစ်သည်။
လန်ယွမ်ပြောခဲ့သည့်စကားကို ပိုင်ယွီလုံးဝမမေ့လိမ့်မည်မဟုတ်ပေ။
'ကျွန်တော်က ဆရာတူအစ်ကိုရဲ့ခန္ဓာကိုယ်ကို သဘောကျတာ...'
တကယ်တမ်းတွင် ထိုသို့သောစိတ်ကူးများနှင့် သူ့အနားချည်းကပ်လာသည်ကို သိထားပါသော်ငြား တစ်ဖက်လူ၏လှည့်ကွက်များကြား၌ အမြဲလိုလိုမျောပါသွားတတ်သော သူ့ကိုယ်သူလဲ မုန်းတီးမိသည်။
YOU ARE READING
ဗီလိန်ကငါ့ကိုအရမ်းချစ်တယ်(Arc 5 to 8)
Fantasyဗီလိန်ကငါ့ကိုအရမ်းချစ်တယ် ရဲ့ book 2ပါနော်