unicode
အပိုင်း(၁၀၈)(လက်စားချေနေသောဆရာတူညီလေး၏ ဖိအားပေးအချစ် ၈.၁)
ထိုသူသည် စကားပြောနေရင်းမှ ဆေးမှုန့်တစ်ထုပ်ကိုယူထုတ်ကာ ပိုင်ယွီ၏လက်ထဲ ထည့်ပေးလိုက်သည်။
"ဒီဆေးက အရောင်အဆင်းရော အနံ့ပါကင်းပါတယ် သူ့ကိုစားမိသွားတာနဲ့ ဘယ်လိုလူမျိုးပဲဖြစ်ဖြစ် မကြာခင်မှာပဲ အဆိပ်မိပြီးသေဆုံးရပါလိမ့်မယ် ဒါကြောင့် ပိုင်သခင်လေးလုပ်ရမှာက ဒီဆေးမှုန့်ကို မိစ္ဆာဂိုဏ်းချုပ်ရဲ့ စားစရာတွေထဲထည့်ပေးဖို့ပါပဲ တာဝန်ပြီးမြောက်သွားတာနဲ့ ကျွန်တော်တို့ဘက်က ပိုင်သခင်လေးအတွက် ဖြေဆေးပေးပါ့မယ်"
ပိုင်ယွီ အေးတိအေးစက်နှင့် နှာခေါင်းမှုတ်သံတစ်ချက်သာပြုလိုက်သည်။ ထိုသူများ၏အစီအစဉ်ကို သူနားလည်ခဲ့ပြီဖြစ်သည်။
ထိုသူများအား ကိုယ်ကျင့်တရားကောင်းမွန်ပြီး သမာသမတ်ရှိကြသော ပါရမီရှင်များဟု သတ်မှန်ခံထားရသော်လဲ မိစ္ဆာဂိုဏ်းကိုရှင်းလင်းရန်အတွက်မူ ထိုသို့အောင်တန်းကျသောနည်းလမ်းကို အသုံးပြုနေကြဆဲပင်။
အဆိုးရွားဆုံးအရာမှာ သူမပူးပေါင်းမည်ကိုပင် စိုးရိမ်ကြသောကြောင့် အဆိပ်ဆေးလုံးကို အရင်တိုက်ကြသည့်အထိပင်။
ဆေးမှုန့်ထုပ်အား ကမ်းယူနေပါသော ပိုင်ယွီ၏မျက်လုံးများထဲ၌ ဝမ်းနည်းမှုတို့ပြည့်နှက်နေသည်။
ဤကမ္ဘာ၌ ဗီလိန်အား အမှန်တကယ်ဒေါသထွက်ရပြီး နီးစပ်လိုစိတ်မရှိသဖြင့် နှစ်သက်မှုကိုရယူရန်ပင် စိတ်အားထက်သန်မှုကင်းမဲ့ပြီး ကိုယ့်ကိုယ်ကိုပျက်စီးရာပျက်စီးကြောင်းကြံနေသည်ဟု ရှောင်မီဟူထံမှ အပြောခံရသည်အထိပင်။
သို့ပါသော်လဲ မည်သို့ပင်ဆိုစေကာမူ ထိုသူမှာ သူ၏ဗီလိန်သာဖြစ်သည်။ အကြင်သူအား အဘယ်သို့များ နာကျင်ခံစားရအောင် လုပ်နိုင်ပါမည်နည်း။
"ငါနားလည်ပြီ"
တစ်ဖက်လူအား ပိုင်ယွီ ပြုံးပြုံးရွှင်ရွှင်နှင့်ပြောလိုက်သော်လဲ လန်ယွမ်အား ထိုဆေးမှုန့်များကိုထည့်ကျွေးရန် လုံးဝစိတ်ကူးမရှိပါပေ။
YOU ARE READING
ဗီလိန်ကငါ့ကိုအရမ်းချစ်တယ်(Arc 5 to 8)
Fantasyဗီလိန်ကငါ့ကိုအရမ်းချစ်တယ် ရဲ့ book 2ပါနော်