unicode
အပိုင်း(၁၀၄)(လက်စားချေနေသောဆရာတူညီလေး၏ ဖိအားပေးအချစ် ၄.၁)
နာကျင်ကိုက်ခဲမှုများနှင့်အတူ ပိုင်ယွီ နိုးထလာခဲ့သည်။ သူ့ထံ၌မတ်တပ်ရပ်ရန် အားမရှိတော့သလိုပင်။
ခြေထောက်ကိုဆန့်၍ ကြမ်းပေါ်အသာနင်းလိုက်သည်။ နဂိုကမတ်တပ်ရပ်ချင်ခဲ့သော်လဲ သူ၏ကိုယ်ခန္ဓာမှာ မတ်တပ်ရပ်ရန်ပင် အင်အားမရှိဟု မထင်ထားမိပေ။
လူတစ်ကိုယ်လုံးမှာ အားအင်ချိနဲ့စွာဖြင့် ကြမ်းပေါ်လဲပြိုကျသွားသည်။
ပိုင်ယွီ ခက်ခဲပင်ပန်းစွာ ပင့်သက်ရှိုက်မိသည်။
ရှောင်မီဟူရောက်လာစဉ်က သူ့အား အထူးကောင်းမွန်သောခန္ဓာကိုယ်ပေးမည်ဟု သဘောတူခဲ့သည်။
သို့သော် ယခုအခါတွင် သူ၏ခန္ဓာကိုယ်မှာ လွန်ခဲ့သောကမ္ဘာမှ အမှိုက်ကောင်လေးထက်ပင် ဆိုးရွားနေခဲ့သည်။
သူ၏ဒန်ထျန်းက ဖျက်ဆီးခံထားရပြီး အတွင်းအားလဲလုံးဝမရှိတော့သလို ခြေလက်များတွင်လဲ ဒဏ်ရာပြင်းစွာရထားသေးသည်။
မတ်တပ်မရပ်နိုင်ခင် ပိုင်ယွီသည် သူ၏ခြေထောက်များကို ပြင်းထန်စွာပွတ်သပ်နေခဲ့သည်။
အဝတ်အစားများကို ဝတ်ပြီးသွားချိန်တွင် သူသည် လန်ယွမ်၏အဆောင်ထဲ၌သာရှိသေးသည်။
တံခါးဆီသို့ လျှောက်သွားပြီးနောက် တွန်းဖွင့်ကာ အပြင်သို့ထွက်လာခဲ့သည်။
ဤနေရာသည် နန်းတော်နှင့်ပင်ဆင်တူပြီး အရှေ့ဘက်ခန်းမဆီမှ ကွမ်ကျုးဂီတသံက ပျံ့လွှင့်လာသည်။
ပိုင်ယွီသည်လဲ သိချင်စိတ်ကြောင့် အသံ၏လားရာအတိုင်း လျှောက်သွားခဲ့သည်။
တံခါးတွန်းဖွင့်လိုက်သောအခါ ပင်မခန်းမတွင် တစ်စုံတစ်ယောက်အားဖက်၍ ခန့်ညားစွာထိုင်နေသည့်လန်ယွမ်အား တွေ့လိုက်ရသည်။
ထိုသူ၏မျက်နှာမှာ ပြုံးရွှင်နေပြီး လက်အောက်ငယ်သားများနှင့်အတူ ပျော်စရာတစ်ခုခုကို မျှဝေနေပုံပင်။
လန်ယွမ်ကမူ စကားပြောနေရင်း နံဘေးမှကောင်လေးအား နမ်းလိုက်သည်။
YOU ARE READING
ဗီလိန်ကငါ့ကိုအရမ်းချစ်တယ်(Arc 5 to 8)
Fantasyဗီလိန်ကငါ့ကိုအရမ်းချစ်တယ် ရဲ့ book 2ပါနော်