Vanilla Sky (Lesbian Love Story)

18

Daphne's POV

Sabado ngayon ng umaga at wala akong pasok pero sina Mama at Kuya ay meron kaya heto ako yung nag aayos ng umagahan ni Roi. Wala daw syang pasok pero kakasabi lang ng Mommy nya sakin kahapon na may meeting silang dadaluhan ngayon sa Cebu. Napakatigas ng ulo.

Nakatitig sya sa basong nilapag ko at parang naninibago sya sa nakikita nya.

"Taho ang tawag dyan..." sabi ko at pinaglagyan ko sya ng fried rice sa plato nya.

"Ito pala yung kinukwento ni Ishan sakin nung nag date sila ni Ully sa Baguio...." kwento nya. Lihim ako napangiti. Napakainosente nya talaga sa mga ganito.

Kinuha ko yung baso ng taho at kumutsara ako bago ko nilapit sa bibig nya.

"Tikman mo dali..." nakangiting saad ko at walang alinlangan nya itong sinubo. Napataas ang isang kilay nya at halatang nasarapan sya sa natikman nya.

"Akala ko OA lang yung kwento ni Ishan regarding dito." saad nya at nagpasubo pa sya ulit.

"Napakabisyo...." kunwaring reklamo ko at napatawa sya.

"Gusto mo matutong magdrive? Turuan kita" tanong nya.

"Ayaw..." sabi ko.

"Bakit naman? Para palitan tayo kapag naglong drive tayo... Lugi ako kapag ako lang driver..." saad nya bago inubos yung taho. Talagang sya lang yung umubos.

"Baka maibangga ko yung kotse mo..."pagdadahilan ko. " Saka ayos ka tatlong buwan palang tayo ganyan ka na.... Sa mga nababasa ko grabe nila pagsilbihan yung mga jowa nila pero ikaw tingnan mo kakasabi ko lang kanina hati tayo sa taho pero ano ginawa mo? " reklamo ko. Napakahayop at scammer!

Natawa sya.

" Sa libro lang yun.... Saka partner tayo, kaya dapat sa lahat ng bagay magkasama at iisa ang paghihirap at saya natin.... " saad nya. Napakatalino talaga!

" Gago ka! Napakadami mo pangako sakin nung sinagot kita, na pagsisilbihan kita.... charot charot lang pala! Scammer! Target mo lang na gawin na personal driver mo." reklamo ko at tawang tawa sya habang minamasahe na yung isang kamay ko.

"Wag kang pacute di mo pa din ako madadaan sa ganyan...magdadrive ka pa din...." di talaga sya natitinag sa reklamo ko.

.....

Ang ending?

Nandito kami sa loob ng Santillan Residency.... tinuturuan nya ko magdrive. Ninerbyos ako baka mamaya
makabangga ako ng mga gate dito. Halatang mas mahal pa ito sa tinitirhan namin ngayon.

"Roi! Ayoko na talaga....baka mamaya maibangga ko itong kotse mo." reklamo ko.

"Okey lang yan ano ka ba...." kalmadong saad nya na syang kinahilo ko.

"Anong okey? Mahal pa sa bahay namin yang gate ng mga bahay dito..." reklamo ko pero natatawa lang sya.

Sinenyasan nya ko na iparada ko sa gilid yung sasakyan kaya dahan dahan ko itong pinaandar.

"Para tayong hinihila ng pagong...." natatawang saad nya.

"Wala akong pake!" kesa maibangga ko ito. Nakakahiya.

Pagkababa nya ay pumunta sya sa gawi ko at pinagbuksan ako. Promise sobrang tense ko dahil sports car nya 'to jusko. Kahit abutin ako ng 60years sa trabaho hindi ko mababayaran ito kapag nasira ko.

"Magbiyahe na lang tayo... madami naman bus sa Pilipinas." sabi ko na lalo nya kinatawa.

"Napaka abnormal mag isip. Mahirap yun." sabi nya ng makababa ako.