في قبضة الأقدار (سلسلة الأقدار )

اقتباس ♥️

" أجازتك أتمضت خلاص تقدري تبدأيها من النهاردة!"

لا تعلم كيف تناولت الورقه من بين يديه و لكنها شعرت بأن العالم يدور من حولها حين تأكدت من صدق حديثه فرفعت رأسها تطالعه بزهول تجلي في نبرتها حين قالت
" أنت عملت كدا إزاي ؟ "

سالم ببراءه مزيفه
" عملت إيه ؟ قصدك عالاجازة يعني ! عادي صاحب الشركه في بينا بزنس كتير و مامنعش لما طلبت منه دا !"

كان عقلها في مكان آخر حيث قالت علي نفس لهجتها
" إحنا متكلمين في الموضوع دا إمبارح بالليل و النهاردة الجمعه و الشركه إجازة الورقه دي أتمضت إزاي و أتوافق عليها أمتا ؟"

وصل إلي مركز إنفجار البركان فأرجع ظهره إلي الخلف مستندًا علي مقعده الجلدي و هو يقول بهدوء جليدي
" أتمضت إمبارح الصبح !"

برقت عيناها و هبت من مقعدها تناظره بصدمه تحولت لغضب كبير تجلي في نبرتها حين قالت
" يعني قبل حتي ما تفاتحني في الموضوع ! أنت مقرر موافقتي من قبل ما أعرف ؟ إزاي تجيلك الجرأة تعمل كدا ؟"

علت نبرتها قليلًا فتصاعدت الأدخنة إلي رأسه و قال بلهجه جافه محذرة
" زي ما أختك جتلها الجرأة تفكر تتخلص من إبن أخويا من غير ما تعرفنا حتي أنه موجود و أنتي طاوعتيها و روحتي معاها !"

فرح بسخط
" قولتلك مكنتش أعرف ! "
سالم بفظاظه
" مش موضوعي ! كل إلي يهمني إني أحمي الحاجه الوحيدة إلي باقيه من حازم الله يرحمه "

دارت حول نفسها وقد بدأت الرؤيه تتوضح لها شيئًا فشيئًا و هنا توقفت لتقول بزهول و إستنكار
" آه قول كدا بقي ! أنت كنت عارف كل حاجه و خططت كويس عشان توقعنا في الغلط بالرغم من إنك عارف بالحمل من أوله لكن سبتنا عشان أكيد كنت متوقع تصرف جنة "

سالم بهدوء لم يفارقه
" حاجه زي كدا !"

رمقته بنظرات الخسه قبل أن تقول بإحتقار ممزوج بالغضب
" بس دي طرق ملتويه و أساليب حقيرة !"

قست ملامحه قليلًا و قال بفظاظه و جفاء
" هعمل حساب لصدمتك و مش هحاسبك علي كلامك دا ! "
شعرت بغصه مؤلمه داخل حلقها جعلتها تقول بمرارة

" بعد موقف سليم لما قولتلي لو ليكي حق هتاخديه مني شخصيًا حسيت إني واقفه قدام راجل واضح و صريح لكن دلوقتي .."

لا يعلم لما شعر بالغضب الممزوج بالألم في تلك اللحظه فقاطعها قائلًا بهدوء
" كل شئ مُباح في الحب ! و الحرب !"

ها قولولي رأيكوا بقي و بليز كثفوا التفاعل شويه ♥️
و متنسوش تعملوا (فوت+كومنت+فولو ليا ❤️)