في قبضة الأقدار (سلسلة الأقدار )

توضيح

السلام عليكم ورحمه الله وبركاته
حبايبي عاملين ايه ؟ وحشتوني جدًا ♥️
كل سنة وأنتوا طيبين ♥️ عارفة أنها جاية متأخرة و المفروض اني كنت عيدت عليكوا بفصل زي ما وعدتكوا بس الحقيقة أنا ليلة العيد سمعت اسوأ خبر ممكن اسمعه في حياتي و هو أن ممتي عندها كانسر في الرحم 💔💔
لو قعدت اوصفلكوا قد ايه صدمتي و حزني مش هعرف والله بالرغم انكوا دايمًا تشهدولي اني بارعة في وصف المشاعر بس إلا مشاعري في الوقت دا 🥺🥺 شعور ربنا ما يكتبه على حد 💔
و من وقت ما عرفنا و احنا بنلف حوالين نفسنا و طبعًا كانت أجازة العيد و مش عارفين نروح فين كل الدكاترة و مراكز الأشعة قافلة و مطلوب مننا نعملها أشعة عشان نعرف مدى انتشاره ايه و طبعًا بعد عناء قدرنا نعملها و الحمد لله اطمنا شويه و مفروض ليها عملية كبيرة هنروح بكرة أن شاء الله أن نحدد ميعادها ..
طبعًا أنا كان مفروض وضحتلكوا دا من فترة بس والله ما كان عندي وقت ولا قدرة اني اكتب ولا احكي حتى امبارح طلعت لايف عالجروب اشرح للناس اللي حصل بالظبط عشان مكنتش قادرة اكتب ..
دعواتكوا لأمي تعمل العملية و تقوم بالسلامه و ربنا ميضرنيش فيها أبدًا 🥺🥺
و ان شاء الله بإذن الله اول بس ما اطمن عليها هنرجع من تاني ننزل فصول الأنشودة
مش عايزة اطول عليكوا بس محتاجه كل دعوة منكوا أن ربنا يشفيها و يعينا و يقوينا اختبار صعب بس الحمد لله على كل حاجه احنا و هي قبلنا راضيين و عندنا يقين بربنا كبير 🥺
حقكوا عليا اني اتأخرت في التنزيل و اني اتأخرت في التوضيح كمان 💔
شكرًا لكل الناس اللي حاولت تتواصل معايا و تكلمني بعتذر والله لو مردتش على حد انا مكنتش قادرة حتى ابص في الفون 💔💔
رجاءًا ادعوا لممتي بالشفاء العاجل 💔💔