بسم الله الرحمن الرحيم
الأنشودة الثامنة عشر 🎼 💗
جاء خُذلانك ليهدِم كُل أحلامي الوردية ويلوث أشيائي الثمينة ومن بينهم قلبي، قلبي الذي كان بالود عامرًا، والآن بات البُغض والقهر مسكنه، فلا تتساءل أين ذهب غلاك ؟ ،
فقد تساقط من قلبي كعقدٍ من اللؤلؤ انفرطت حباته مع كل دمعة ذرفتها روحي وهي تنعي جرح رجل أحببته بقدر السماء وقتلني بقدر ما أحببت.
نورهان العشري ✍️
🍁🍁🍁🍁🍁🍁🍁🍁
تجمدت الدماء بـ أوردتها حين شاهدت تلك اللقطات الفوتوغرافية التي تجمعها بـ «ياسين» تملأ حوائط القاعه !
ماذا حدث ؟ و كيف حدث و جمعوا كل تلك اللقطات ؟ ليضعوها نُصب عينها التي التقمت نظرات الشماتة من أعين الكثيرين ممن لم يُتِح لها المجال حتى لمعرفتهم .
تزاحمت الأنفاس بصدرها و أهتزت جفونها مُعلنه عن عدم قدرتها لاحتمال كل هذه العبرات التي تُهدِد بالانفجار في أي لحظة و خاصةً حين أتاها ذلك الصوت الخبيث المُتشف
_ مفاجأة مش كدا ؟ متخيلتيش ان في يوم الكل هـ يعرف حقيقتك ؟
تحرك رأسها بآليه لـ تنظر إلى تلك الفتاة« أروى» بصدمة من حديثها الذي يقطر حقدًا و نظراتها المُحتقرة فلم تستطِع سوى الاستفهام بخفوت
_ عرفتي منين ؟
عودة إلى وقتٍ سابق
_ مالك يا أروى مش على بعضك ليه ؟
«أروى» بحنق و الشرر يتطاير من عينيها
_ اقطع دراعي أن ما كانت البت السهتانه دي على علاقة بالدكتور ياسين !
_ ليه بتقولي كدا ؟ دا باين عليها محترمه و في حالها
استنكرت« أروى» الحديث و تشدقت ساخرة
_ محترمة ! هي مين دي اللي محترمه ؟ معذورة اصلك مشوفتيش شكلهم لما طبيت عليهم اول امبارح في المكتب . دول كانوا زي اللي عاملين عمله و بيحاولوا يداروها عني بس على مين ؟ هو انا عبيطة ! و كمان يوم الواد اللي راح يقعد جنبها و هو نفخه . لا دا في حوار كبير و كبير اوي كمان .
_ ولو بينهم و بين بعض حاجه أنتِ دخلك ايه ؟ كبري دماغك .
صاحت« أروى» باهتياج
_ أنتِ عبيطة يا بت أنتِ ولا شكلك كدا ؟ انا اللي اعجبت بيه الأول و بعدين فيها ايه البت دي عشان يفضلها عليا .
لون الحقد معالمها وهي تُضيف بحنق
_ ابن التيت بعد ما وعدني أنه هيحضر الحفله خلع وقال ايه مالوش في الكلام دا ! طب وحياة أمي دا باين عليه ملاوع و ليه في كل حاجه .
زفرت الفتاة بملل وهي تقول بنفاذ صبر
_ بقولك ايه مش ناقصين مشاكل ، ولو كان بينهم حاجه دا شيء ميخصناش كبري دماغك .
«أروى» بانفعال
_ لا دا يخصنا و يخصنا و يخصنا . انا لازم اعرف وراهم ايه واكشفهم قدام الجامعه كلها
أنت تقرأ
في قبضة الأقدار (سلسلة الأقدار )
Romanceفي قلب كلًا منا غرفه مغلقه نحاول عدم طرق بابها حتي لا نبكي ... نورهان العشري ✍️ في قبضة الأقدار ج١ بين غياهب الأقدار ج٢ أنشودة الأقدار ج٣
