First Love , Perfect Love (Completed)

19

" အသီးလာစား​လေ "

ခင်မီ​ဇော်က ​ခေါ်လိုက်​တော့ ​ရေချိုးပြီး အိမ်​ပေါ်က ဆင်းလာတဲ့ ကာရံညီညာက ဧည့်ခန်း​​မှာ ထိုင်​နေတဲ့ ခင်မီ​ဇော့်​ဘေး လာထိုင်သည်။​ဘေးမှာက မိဘနှစ်ဦးက အသီးပွဲရုံမှ စာရင်း​တွေ တွက်ချက်​နေကြသည်။

" အသီးက သိပ်မချိုဘူး​နော်။ "

" အင်း "

သခွား​မွှေးသီးက အစိမ်းဘက် နည်းနည်း​ရောက်​တော့ အချို​ပေါ့သည်။ အတုံးကြီးကြီး လှီးဖြတ်ထားတဲ့ သခွား​မွှေးသီးကို ကာရံညီညာက ​ကော်ခက်ရင်းနှင့် ထိုးစိုက်ကာ တို့တိတို့တိ​လေး စား​နေသည်။

" Facebook​ပေါ်မှာ တက်လာတာ တကယ်လား​တော့ မသိဘူး။ ​ယောကျ်ား​လေးချင်း မင်္ဂလာ​ဆောင်တာတဲ့။ "

ဦးမြတ်သာက စာရင်း​​တွေပြီးသွား​တော့ ဖုန်းကြည့်ရင်းမှ ​ပြောလာသည်။များ​​သောအားဖြင့် စီးပွား​ရေး သတင်း​တွေ၊နိုင်ငံ​ရေး သတင်း​Page​တွေသာ Likeလုပ်ထားပြီး Friendလည်း မရှိတဲ့ Accountမှာ လတ်တ​လောနာမည်ကြီး​နေတဲ့ သတင်းက ကျလာသည်။

" ဟုတ်လို့လား ... ထူးထူးဆန်းဆန်း​တော် "

​ဒေါ်ခင်ချိုကပါ စာအုပ်​တွေ သိမ်း​နေရာမှ ရပ်လိုက်ပြီး လာကြည့်သည်။​ဦးမြတ်သာ ​ပြောသလို ​ကောင်​လေး​နှစ်​ယောက်က အ​နောက်တိုင်းပုံစံ တကယ်ကို မင်္ဂလာ​ဆောင်ထားတာ ဖြစ်သည်။

" အဟမ်း!!! ဒီဘက်​ခေတ်မှာ အဲ့ဒါမျိုး​တွေ ရှိကြတယ် အ​ဖေနဲ့အ​မေရဲ့။ သမီးတို့​ကျောင်းမှာလည်း ရှိတယ်။ တစ်ဘဝလုံး လက်တွဲသွားမယ့် လူနှစ်​ယောက် အချင်းချင်း ချစ်ပြီးနားလည်​ဖေးမဖို့က အ​ရေးကြီးတယ်မလား။ ​ယောကျ်ား​လေး၊မိန်းက​လေး အ​ရေးမကြီးဘူး​လေ ဟုတ်တယ်မလား။ "

ခင်မီ​​​ဇော်က ကာရံညီညာ့ကို တစ်ချက်ကြည့်လိုက်ပြီးမှ မိဘ​တွေကို စကားနဲ့ တီး​ခေါက်ကြည့်သည်။ ဦးမြတ်သာက အနက်​ရောင် မျက်မှန်ကိုင်းကို ပင့်တင်လိုက်ပြီးမှ ဖုန်းကိုကြည့်​နေရင်း ​ဖြေလာသည်။

" ဒါမျိုးကို ဗရုတ်ကျတာလို့ပဲမြင်တယ်။​တော်​သေးတယ် ... ငါ့သား၊သမီးထဲ အဲ့ဒီလို ဟိုမ​ရောက်ဒီမ​ရောက်​တွေမရှိလို့။ ဒီလိုပုံစံသာရှိကြည့် ... အချိုးကိုရ​​အောင်ပြင်မှာ။ပြင်မရရင် ​သေခန်းပြတ်ပဲ။ "