" စိုင်းစွမ်း "
ဦးစွမ်းထက်သူ၏ ဆောက်လုပ်ရေး ကုမ္ပဏီက မန်နေဂျာ၏ ရုံးခန်းတံခါးကို ကာရံညီညာက နှစ်ချက်လောက်ခေါက်ကာ အသံပြုပြီး တန်းဝင်လာလိုက်သည်။ဆုံလည်ထိုင်ခုံမှာ စိုင်းစွမ်းထက်ပိုင်က ထိုင်နေရင်း လေးထပ်အမြင့်ရှိတဲ့ Hotel၏ ပုံကြမ်းကို စားပွဲပေါ်မှာ တင်ကာ ကြည့်နေသည်။ စိုင်းစွမ်းထက်ပိုင်၏ ဘေးမှာ လင်းဖြာဦးက ခါးကိုင်းလျက် အနေအထားနှင့် ရှိနေသည်။ကာရံညီညာ့ကို မြင်မှ လင်းဖြာဦးက ခါးကိုပိုနှိမ့်ချလိုက်ပြီး စိုင်းစွမ်းထက်ပိုင်နဲ့ ပါးချင်းနီးကပ်သွားသည်။
" လူကြီးလေး "
စိုင်းစွမ်းထက်ပိုင်က အံ့သြသွားပြီးမှ ဝမ်းသာစွာဖြင့် ခေါ်လာသည်။လူကလည်း ထိုင်ခုံမှ ထ,လာကာ ကာရံညီညာ့အနားရောက်လာသည်။
" ဘယ်လိုရောက်လာတာလဲ။ အကြောင်းမကြားဘဲ ... "
" ကျောင်းက Major Welcomeရှိလို့ နေ့လယ်ပိုင်း အတန်းချိန်မရှိဘူးလေ။ ဦးလေးက အန်တီ့ကို Hair Saloonက သွားကြိုရင်း ဒီဘက်က သွားရမှာမို့ လိုက်ခဲ့မလားမေးလို့ လိုက်လာတာ။ကျောင်းကပြန်ရောက်ရောက််ချင်း လိုက်လာတာ။ "
စိုင်းစွမ်းထက်ပိုင်က ပါးချိုင့်လေး တစ်ဖက်ထင်းနေအောင် ပြုံးလိုက်ပြီး ကာရံညီညာ့၏ လက်ဖျားလေးကို ဆွဲကာ ခုံမှာ ထိုင်စေသည်။
" ပင်ပန်းသွားမှာပဲ။ အအေးသောက်မလား။ မှာပေးမယ်။ "
ကာရံညီညာက မျက်စံဝိုင်းဝိုင်းနက်နက်လေးကို အပေါ်မော့ကာ စဥ်းစားသလိုလေး လုပ်ပြီးမှ ဖြေသည်။
" ငချိပ်ဒိန်ချဥ်သောက်မယ်။အရင်တစ်ခါ မင်းဝယ်လာတာ သောက်လို့ ကောင်းတယ်။ "
" ကိုယ်မှာပေးမယ်နော်။ လင်းဖြာဦးရော... ဘာသောက်မလဲ။ "
စိုင်းစွမ်းထက်ပိုင်က ကာရံညီညာ့ကို ပြောရင်း မတ်တပ်ရပ်နေတဲ့ လင်းဖြာဦးကိုပါ မေးလာသည်။
" ဟိုအစ်ကို့လိုပဲ မှာပေးလေ။ "
" အိုကေ "
YOU ARE READING
First Love , Perfect Love (Completed)
RandomMyanmar×OC အချစ်ဦး၊အချစ်ဆုံး၊လက်တွဲဖော်ဟာ တစ်ထပ်တည်းကျသောအခါဝယ် 8.2.2023 ___ 8.4.2023