ပြန်လည်မွေးဖွားလာသော အမြှောက်စာဇာတ်ကောင်လေး

ငယ်သူငယ်ချင်း

[Unicode]
ပြန်လည်မွေးဖွားလာသော အမြှောက်စာဇာတ်ကောင်လေး
အပိုင်း ၀၂၃ ။ ငယ်သူငယ်ချင်း

ဘာကိုဆိုလိုတာလဲ?
လုံထျန်းအောက်သည် အလိုလိုနေရင်း ချန်းပေါင်သုန့်သည် သူ့အကြောင်းပြောနေမှန်း သိလိုက်သည်။ သူသည် မပျော်မရွှင်ဖြင့် နှာမှုတ်ကာ တစ်ဖက်လူကို ပြန်ပြောဖို့ပြင်လိုက်ချိန်မှာပဲ သူ့ဘေးနားမှ တစ်ဖွဲ့လုံး တည့်တည့်မတ်တပ်ရပ်ကာ အကျင့်စာရိတ္တကောင်းမွန်စွာဖြင့် ဖျော်ဖြေရေးအဝိုင်းမှ စီနီယာများအား နှုတ်ခွန်းဆက်လိုက်လေသည်။
ထိုအသိုင်းအဝိုင်း၏တစ်စိတ်တစ်ပိုင်းဖြစ်ရန် လုံးဝအာရုံမရှိသော ရှန်းယွီက သူ့လက်ကိုင်ဖုန်းဖြင့် အဖွဲ့လိုက်ဓာတ်ပုံရိုက်ခိုင်းသည် "..... ယွမ်ကော၊ ယွမ်ကော၊ငါတို့နှစ်ယောက်နဲ့ ဓာတ်ပုံရိုက်ရအောင်။ ငါကမင်းရဲ့ပရိတ်သတ်ပါ။"
ဝမ်ပေါ်ယွမ်သည် ရှန်းယွီကို ယခင်ကမမြင်ဖူးသော်လည်း ရှန်းယွီသည် ရှန်းလုပ်ငန်းစု၏ အငယ်ဆုံးသားဖြစ်သည်ကိုသိရှိခြင်းမှ မတားဆီးနိုင်ခဲ့ပေ။ ပြောရလျှင် ဝမ်ပေါ်ယွမ်သည် ယခုနှစ်အစပိုင်းတွင် ရရှိခဲ့သော ဇိမ်ခံထောက်ခံချက်အချို့ကို ရှန်းလုပ်ငန်းစုမှပိုင်ဆိုင်သည်။ သူ့အလုပ်ရှင်၏မျက်နှာကိုအခြေခံ၍ ဝမ်ပေါ်ယွမ်သည် ရှန်းမိသားစု၏သခင်ငယ်ကို ငြင်းဆန်မည်မဟုတ်ပေ။
ရှန်းယွီက ဦးဆောင်ပြီး တခြားလူတွေကလည်း ဓာတ်ပုံရိုက်ဖို့ အပြေးလာကြတော့သည်။ ‘ကျန်းဟူဆီသို့’ ၏အမျိုးသားနှင့် အမျိုးသမီး ဇာတ်လိုက်များသည် ပြည်တွင်း A-စာရင်းတွင် စူပါစတားများဖြစ်သည်။ မင်းသမီး ကောယန်နဉ်သည် အကောင်းဆုံးမင်းသမီးဆုများကို အကြိမ်များစွာ ဆုံးရှုံးခဲ့ရသော်လည်း သူမ၏ Box Office စွမ်းဆောင်ရည်မှာ အလွန်ဖမ်းစားခဲ့ပြီး ထုတ်လုပ်သူများ၏ ဇာတ်ကားသစ်များတွင် ပူးပေါင်းလုပ်ဆောင်ရန် အမြဲတမ်း ပစ်မှတ်ထားခဲ့သည်။ ထို့အတွက်ကြောင့် သူမကို မိဖုရားကြီးအဖြစ် မီဒီယာများက ချီးကျူးခဲ့ကြသည်။ ဇာတ်ပို့ဇာတ်ဆောင်များနှင့် မင်းသမီးများသည် အသိုင်းအဝိုင်းအတွင်းရှိ နာမည်ကြီး ဝါရင့်သရုပ်ဆောင်များနှင့် မင်းသမီးများဖြစ်သည်။ သူတို့၏ ရှေ့မျိုးဆက်များကို လေးစားမှုကြောင့် ရှန်းယွီနှင့်အခြား သူများသည် အဖွဲ့လိုက် ဓာတ်ပုံရိုက်ရန် အမြန်ပြေးသွားကြသည်။ အဖွဲ့သားတွေဟာ ချက်ချင်းဆိုသလို တက်ကြွလာကြတော့သည်။
ချန်းပေါင်သုန့်သည် ဧည့်သည်များ၏ ဆူညံသံကို မူလက အဖွဲ့သားများ၏ ရိုက်ကူးရေးကို အဟန့်အတားဖြစ်စေသည်ဟုခံစားမိသော်လည်း လူအုပ်ထဲတွင် ရွှင်လန်းနေသော ရှန်းယွီကို မြင်လိုက်ရသောအခါတွင် သူဘာမျှ မပြောတော့ပေ။ တည်ငြိမ်သော မျက်နှာထားဖြင့် ထောင်မုကိုသာ ရိုက်ကွင်းထဲဝင်ဖို့ပြောလိုက်သည်။
အမှုထမ်းတွေ အလုပ်စလုပ်တဲ့အခါ ရှန်းယွီနဲ့ တခြားသူတွေ ငြိမ်သက်သွားပြီး နာခံမှုရှိတဲ့ အနားမှာ ရပ်လိုက်ကြသည်။
လက်ရှိဇာတ်ကွက်သည်  အလယ်ပိုင်းလွင်ပြင်ထဲဝင်လာချိန် ကိုယ်ခံပညာရှင် ကျန်းဟူမိန်းကလေးအဖြစ် အသွင်ပြောင်းထားတဲ့ မင်းသမီးလေးနဲ့ မြင်မြင်ချင်း ချစ်မိသွားတဲ့ ချောင်ယွမ်ခဲ့ဟန် အကြောင်းပင်။ အဲဒီနောက် ချောင်ယွမ်ခဲ့ဟန်က မင်းသမီးလေးကို ဖမ်းပြီး မင်းသမီးကို လက်ထပ်ဖို့ အတင်းအကြပ်ကြိုးစားပြီး ရန်သူစခန်းကို ပြန်ခေါ်သွားခဲ့သည်။ မင်းသမီး မထွက်ပြေးနိုင်စေရန်အတွက်လည်း မင်းသမီး၏အတွင်းအားကို လျော့ကျစေမည့်ဆေးသုံးခဲ့သည်။ အမျိုးသားဇာတ်လိုက်သည် ၎င်း၏ကိုယ်ပိုင်လက္ခဏာကို ဖုံးကွယ်ကာ ဂီတပညာရှင်တစ်ဦးအဖြစ် ရန်သူ့စခန်းသို့ ပထမဆုံးဝင်ရောက်ခဲ့သည်။ ထို့နောက် ပွဲ၌ သူ၏ အထောက်အထားကို တိုက်ရိုက်ထုတ်ဖော်ပြသခဲ့ပြီး တိုက်ပွဲများ ဆက်တိုက်ဖြစ်ပွားပြီးနောက် မင်းသမီးလေးကို အောင်မြင်စွာကယ်ဆယ်နိုင်ခဲ့သည်။
၎င်းသည် ဟာသဇာတ်ကားဖြစ်သောကြောင့်၊ အမျိုးသားဇာတ်ဆောင်က ပြဿနာတစ်ခုနှင့် ရင်ဆိုင်ခဲ့ရသည့် အကအဖွဲ့တွင် ဇာတ်ကွက်၏နောက်ထပ်အပိုင်းတစ်ခု ရှိသေးသည်။ ၎င်းတို့၏ အဓိကအကသမားသည် တစ်စုံတစ်ဦးနှင့် ခိုးပြေးသွားသောကြောင့် အကအဖွဲ့ပိုင်ရှင်က အမျိုးသားဇာတ်လိုက်ကို အကသမားအဖြစ် စင်ပေါ်၌ ဖျော်ဖြေခိုင်းသည်။ ထို့ကြောင့် ဇာတ်လိုက်သည် ပွဲ၌ ယပ်တောင်အကဖြင့် ဖျော်ဖြေခဲ့သည်။ ထို့နောက် ချောင်ယွမ်ခဲ့ဟန်သည် ဇာတ်လိုက်၏ကပြဖျော်ဖြေမှုအပေါ် အလွန်စွဲလမ်းသွားပြီး ဇာတ်လိုက်ကို အတင်းဆွဲထားကာ Ehuangနှင့် Nuying တို့၏ဥပမာအတိုင်း မင်းသမီးနှင့်အတူ ဇာတ်လိုက်ကိုပါ သူနှင့်လက်ထပ်ဖို့ရန် အတင်းအကြပ်ဖိအားပေးတော့သည်။ (TN- ရှေးခေတ်တရုတ်ပြည်၏ ဂန္ထဝင်ခေါင်းဆောင် ဧကရာဇ် Shun နှင့် လက်ထပ်ခဲ့သောညီအစ်မနှစ်ယောက်) ရလဒ်အနေဖြင့် Ehuangသည် Nuying ကို ကယ်တင်ပြီး ထွက်ပြေးသွားကာ ချောင်ယွမ်ခဲ့ဟန်ကို မှင်တက်နေသော အမူအရာဖြင့် ချန်ထားခဲ့လေသည်။
ထောင်မုသည် ဤဟာသဇာတ်ညွှန်းကို မည်ကဲ့သို့ပုံဖော်သင့်မှန်း မသိသော်လည်း ဇာတ်လိုက်၏လူစားထိုးဖြစ်တာကြောင့် သူသည် အမျိုးသမီးကဲ့သို့ ၀တ်ဆင်ကာ ယပ်တောင်နှင့် ကပြရမည်ဖြစ်ပြီး၊ ထို့နောက် ယပ်တောင်ကို လက်နက်အဖြစ်အသုံးပြုကာ ချောင်ယွမ်ခဲ့ဟန်ကို တိုက်ခိုက်ရမည်ပင်။ ရိုက်ကွင်း၏ ရှုပ်ထွေးမှုကြောင့်ဒါရိုက်တာချန်းသည် ရိုက်ကွင်းကို ဆယ်ရက်အတွင်း အပြီးသတ်ရန် စီစဉ်ခဲ့သည်။ ဒီနေ့မှာတော့ ထောင်မုဟာ ဇာတ်လိုက်ကာ ယောကျ်ားလေးဝတ်စုံပြန်လဲပြီးနောက် မင်းသမီးနှင့်အတူ ရန်သူ့စခန်းထဲမှ ထွက်ပြေးတဲ့ ဇာတ်ဝင်ခန်းကိုရိုက်ကူးသွားမှာဖြစ်သည်။
တိုက်ကွက်အရေအတွက် အများဆုံးရှိသည့် ရုပ်ရှင်တစ်ခုလုံး၏ မီးမောင်းထိုးပြမှုလည်း ဖြစ်ခဲ့သည်။
ဒါရိုက်တာချန်းသည် ပြီးပြည့်စုံအောင် ကြိုးပမ်းခဲ့ပြီး မြက်ခင်းပြင်စစ်သားများအဖြစ်သရုပ်ဆောင်ရန် လူအယောက်တစ်ရာကျော်ကိုပင် စုဆောင်းခဲ့သည်။
ကံမကောင်းစွာပင် ဒီဇာတ်ဝင်ခန်းရဲ့ ရိုက်ကူးမှုက အရမ်းမချောမွေ့ခဲ့ပေ။ ဤနေရာတွင် ပြဿနာရှိနေသည်မှာ ထောင်မု မဟုတ်ဘဲ အပိုလူများဖြစ်သည်။ တစ်ချက်မှာ ထောင်မုနှင့် ယှဉ်ပြိုင်ရိုက်ကူးသည့် ကိုယ်ခံပညာ ပါ၀င်သူများသည် သူနှင့် ကောင်းစွာ ပူးပေါင်းဆောင်ရွက်ခြင်း မရှိပေ။ လုပ်ဆောင်ချက်သည် စောလွန်းသည် သို့မဟုတ် နောက်ကျလွန်းသည်။ တခါတရံ ထောင်မု မရိုက်ဘဲနဲ့တောင်မှ မြေပေါ်သို့ လဲကျသွားပေလိမ့်မည်။ လျော်ကြေးတောင်းဖို့အတွက်လမ်းတွေပေါ်မှာ လဲကျတဲ့သူတွေထက်တောင် အတုအယောင်တွေ ပိုမြင်လာရသည်။ တစ်ဖက်တွင် ကင်မရာမှန်ဘီလူးထဲ ထည့်သွင်းရန် လိုအပ်သော အပိုဇာတ်ကောင်များစွာရှိသည်။ ဤအပိုင်းကို တာဝန်ယူတဲ့ လက်ထောက်ညွှန်ကြားရေးမှူးက လူတွေကို အလုံးစုံ စီစဉ်ပေးလို့ မရပေ။ ရလဒ်မှာ ရာနှင့်ချီသော လူများသည်ရုန်းရင်းဆန်ခတ်ဖြစ်နေသည့် လူအုပ်တစ်ခုလို ဖြစ်နေကြပြီး ၎င်းတို့၏ လှုပ်ရှားမှုတိုင်းသည်ဖရိုဖရဲနှင့် ကမောက်ကမ ဖြစ်နေကြသည်။ ဒါရိုက်တာချန်း၏ စိတ်ကူးပုံဖော်ထားသည့် အကျိုးသက်ရောက်မှုသည် "ရန်သူစစ်တပ်၏ တိုက်ပွဲဖွဲ့စည်းမှုကိုအထင်ကြီးစွာ ဖြတ်ကျော်ပြီး လူတိုင်းကို အနိုင်ယူနိုင်သော သူရဲကောင်း" ၏ စိတ်ကူးကို လုံးဝထင်ဟပ်ခြင်းမရှိပေ။
ချန်းပေါင်သုန့် ဒေါသထွက်ပြီး လက်ထောက်ဒါရိုက်တာကို ဆူပူကြိမ်းမောင်းကာ အပိုဆောင်းအဖွဲ့များကို နာရီဝက်အတွင်း စံနှုန်းအထိ လေ့ကျင့်ရန် အမိန့်ပေးခဲ့သည်။ ထို့နောက် ထောင်မုအား နာရီဝက်ခန့် အနားယူခိုင်းသည်။
ဇာတ်ရံအဖွဲ့မှ ထောင်မုကို ၎င်း၏ ဝိုင်ယာကြိုးဝတ်စုံထုတ်ယူခဲ့သည်။ ဇာတ်လိုက်မင်းသမီးနေရာတွင် လူစားထိုးရသည့် မိန်းကလေး၏ကိုယ်ကို တစ်ချိန်လုံးလက်မောင်းထဲတွင် ပွေ့ထားရသည်။ ကောင်မလေးသည် နီမြန်းနေသော ပါးပြင်များနှင့် မှိုတက်နေသော မျက်လုံးများဖြင့် ထောင်မုကို ငုံ့ကြည့်ကာ သူမ၏ ချီးမွမ်းခြင်းကို မဖုံးကွယ်ဘဲ ပြောနေသည်။ "ထောင်မု၊ မင်းက အံ့သြစရာကောင်းတယ်။ ပြကွက်တွေ အများကြီးပြပြီးရင် ငါ အရမ်းပင်ပန်းနေပြီ၊ ဒါပေမယ့် မင်း တည်ငြိမ်ပြီး တည်ငြိမ်နေတုန်းပဲ။ ဒါရိုက်တာချန်းနဲ့ ယွမ်ကောက မင်း ဒီထမင်းပန်းကန်ကို စားဖို့ မွေးလာတယ်လို့ပြော အံ့သြစရာ မရှိတော့ဘူး"
ထောင်မုသည် ချီရန်မဖြစ်နိုင်ဆုံးသော နာကျင်နေသောလက်မောင်းကို ညှစ်လိုက်ပြီး "မင်းရဲ့ ချီးကျူးစကားကြောင့် အများကြီး သက်သာစေတယ်" လို့ နွေးထွေးတဲ့အပြုံးနဲ့ ပြောလိုက်သည်။
သူလိမ်ညာ‌ပြောခဲ့သည်သာဖြစ်သည်။ ငယ်ရွယ်နုပျိုသော လူစားထိုးမိန်းကလေးသည် ပေါ့ပါးသော်လည်း ထောင်မုသည် သူမအား တင်းကြပ်စွာမကိုင်တွယ်ခြင်းကဲ့သို့သော ရိုက်ကူးရေးအတွင်း ၎င်း၏အပြုအမူများကို အာရုံစိုက်နေရမည်ဖြစ်သည်။ သူ့လက်များကို သဘာဝအတိုင်း ထိန်းထားရချိန် တစ်လျှောက်လုံး ဆင်းလာသောအခါ ခါတိုင်းထက်ပို၍ မောပန်းနေပါသည်။
လူစားထိုးမိန်းကလေးသည်ဒါကိုလည်းသိပြီး တခြားသူတွေက ဂရုမစိုက်ကြပေမယ့် “တကယ်တော့မင်းက ဒီလိုဖြစ်စရာ မလိုပါဘူး။ ဒါအကုန်လုံးက ရုပ်ရှင်ရိုက်ဖို့ဆိုတော့ နားလည်နိုင်တယ်လေ။ ငါ့ကို ထိန်းထားလို့ရတယ်။ ဝိုင်ယာကြိုးပေါ်မှာတင်းတင်းကြပ်ကြပ် ဖက်ထားပေးတာကိုက မင်းက လူကြီးလူကောင်း ဖြစ်နေပါပြီ။
မိန်းကလေးတွေကို အခွင့်ကောင်းယူပြီး ရုပ်ရှင်ရိုက်တဲ့အခါခံစားရတဲ့ခံစားချက်ကို ဖြေဖျောက်တဲ့ အမျိုးသားသရုပ်ဆောင်တချို့ ဒါမှမဟုတ် အမျိုးသား ဇာတ်ရံတွေရဲ့ လက်တွေဟာ နေရာတိုင်းမှာ လှုပ်ရှားနေတတ်သည်။
ထောင်မုနှင့် စတင်ရိုက်ကူးစဉ်ကပင် ငယ်ရွယ်သော လူစားထိုးအမျိုးသမီးငယ်သည် စိတ်ပူခဲ့ရသည်ဟု ဆိုရမည်ဖြစ်သည်။ ထောင်မုသည် ရုပ်ချောသော်လည်း သူမသည် ထိုကဲ့သို့ပေါ့ပေါ့ပါးပါးလူမဟုတ်ပေ။ ဒါပေမယ့် ဒီမနက်မှာတော့ ထောင်မုက သူမကို မတော်မလျော်မထိရုံသာမကပြဿနာမှန်သမျှကို ရှောင်ရှားဖို့အတွက် မလိုအပ်တဲ့ခွန်အားတွေ အများကြီးသုံးစွဲခဲ့သည်။ လူတို့၏နှလုံးသားများအားလုံးကို အသွေးအသားဖြင့်ပြုလုပ်ထားပြီး ငယ်ရွယ်နုပျိုသော လူစားထိုးမိန်းကလေးသည် ထောင်မု၏လက်များ နာကျင်စွာခံစားခဲ့ရသောကြောင့် ထောင်မု၏အရှက်ကိုကာကွယ်ရန်အတွက် သူမက အရင်စပြောပေးလိုက်သည်။
ထောင်မုက ခေါင်းငုံ့ကာ ရယ်မောပြီး "မင်းနားလည်ပေးလို့ ကျေးဇူးတင်ပါတယ်"
နေ့အလင်းရောင်သည် နွေးထွေးနေပြီး နေရောင်အောက်တွင် ထောင်မု၏ ပြုံးနေသော မျက်နှာသည် သူမအား နီရဲသွားစေသည်၊ ထောင်မုသည် အမှန်တကယ် ချောမောလွန်းသည်ဟု သူမခေါင်းထဲတွင် တစ်ခုတည်းသော အတွေးတစ်ခု ပေါ်လာသည်။
ဒါကိုမြင်တော့ စောစောက စကားစမြည်ပြောဖို့ အစပျိုးနေသည့် ယဲ့ယောင်နှင့် အမျိုးသမီးဇာတ်ဆောင် နှစ်ယောက်စလုံး အပြေးရောက်လာကြကာ "မင်းဘာတွေပြောနေတာလဲ?"
လူစားထိုးမိန်းကလေးသည် ယဲ့ယောင်နှင့် အမျိုးသမီးဇာတ်ဆောင်ကို ကြည့်လိုက်သည်။ တစ်ယောက်မှာ မကြာသေးမီက နာမည်ကြီး အိုင်ဒေါတစ်ဦးဖြစ်ပြီး နောက်တစ်ယောက်မှာ တက္ကသိုလ်ဘွဲ့ရပြီးနောက် ဒါရိုက်တာချန်း၏ဇာတ်ကားတွင် ပါဝင်သရုပ်ဆောင်နိုင်သည့်အမျိုးသမီးအသစ်ဖြစ်သည်။ သူတို့ရဲ့ အသွင်အပြင်နဲ့ အစပြုတဲ့ အမှတ်တွေက သူမထက် အများကြီးပိုမြင့်ပေသည်။ဆန့်ကျင်ဘက်အားဖြင့်သူမသည် နာမည်ကောင်း သို့မဟုတ် နောက်ခံမရှိသော လူစားထိုးသရုပ်ဆောင်မျှသာဖြစ်သည်။ ထောင်မုနဲ့ ချိန်းတွေ့ချင်နေရင်တောင် သူ့လိုလူကို ဘယ်တော့မှ စဉ်းစားမှာမဟုတ်‌ပေ။
ဤအချက်ကို တွေးကြည့်သောအခါ လူစားထိုးမိန်းကလေးသည် အနည်းငယ် ရှက်ရွံ့သိမ်ငယ်စိတ်ဖြင့် မကူညီနိုင်ပေ။
ယဲ့ယောင်က ဂုဏ်ယူစွာနဲ့ ရင်ဘတ်ကို ဖွဖွဖွရင်း “ထောင်မု ၊ ဒီည အလုပ်က ဘယ်နှနာရီ ပြီးမလဲ၊ ငါတို့ ကာရာအိုကေ သွားမလား?"
"စိတ်မဝင်စားဘူး။" တိုးတက်ဖို့ လိုအပ်တာကြောင့်ထောင်မုဟာ တစ်နေ့ကို အနည်းဆုံး ဆယ်နာရီရိုက်ကူးခဲ့ရသည်။ ဒီဆယ်နာရီလုံးနီးပါး ဝိုင်ယာကြိုးတွေချိတ်ဆွဲပြီး လှည့်ပတ်ပျံသန်းရပေသည်။ နွေရာသီတွင် Hမြို့ရှိအပူသည် လေးဆယ့်ရှစ်ဒီဂရီ သို့မဟုတ် လေးဆယ့်ကိုးဒီဂရီအထိ ရှိနိုင်သည်။ ထောင်မုသည် မီးဖိုးထဲက ဘဲကင်ကဲ့သို့ပင် ခံစားခဲ့ရသည်။ နောက်ဆုံးတော့ သူက ဒီနေ့မှာ အလုပ်စောစော ပြီးနိုင်တာမို့ အိုလံပစ်ပွဲကြည့်ဖို့ အိမ်ပြန်လို့ရပြီဖြစ်သည်။
ယဲ့ယောင်က နှုတ်ခမ်းကို ကောက်ကွေးလိုက်ပြီး "မင်းတကယ် ပျင်းဖို့ကောင်းတာပဲ။"
စကားပြောနေစဉ်တွင် အချိန်အကြာကြီးစောင့်ဆိုင်းနေသော တမောက်နှင့် ရှောင်ဖန်းက “မုကော၊ မုကော၊ ငါတို့ရဲ့စတော့ရှယ်ယာတွေက ပြန်တက်လာပြီး နှစ်ယောက်စလုံးက နေ့စဉ်ကန့်သတ်ချက်ပြည့်သွားပါပြီ။ မင်းက အံ့သြစရာကောင်းလွန်းတယ်!"
ထောင်မုမှ မတုံ့ပြန်ခင် ရှောင်ဖန်းက "ငါအရင်ကပြောဖူးတယ်၊ မုကောက မျက်စိကောင်းတယ်၊ မင်းရွေးချယ်တဲ့စတော့တွေက ငွေရမှာသေချာတယ်။ ဒါပေမယ့် မင်းကိုယ်တိုင်က ငါတို့ကို ရုပ်သိမ်းဖို့ အတင်းအကြပ်မခိုင်းဖူးဆိုရင် အမြတ်က ထပ်တိုးလာမှာ။ အခုတော့ ရလဒ်က အောင်ပွဲခံရတာ စိတ်လှုပ်ရှားစရာနည်းပါးသွားပြီ။"
တမောက်ကလည်း “ဟုတ်တယ်၊ ဘဏ်မှာငွေထည့်ရင် ဘယ်လောက်ဝင်ငွေရနိုင်လဲ? လောလောဆယ်မှာ စတော့ရှယ်ယာတွေ အရမ်းတက်လာတယ်၊ ငါတို့ငွေက စတော့ဈေးကွက်မှာ ဆက်ရှိနေရင် နှစ်ဆတိုးနိုင်တယ်ဆိုတာ သေချာသိတယ်။ အခုက ဘယ်လောက်ပဲ အမြတ်ရနေပါစေ အရှုံးပေါ်နေသလိုခံစားရတယ်။"
တမောက်နဲ့ ရှောင်ဖန်းတို့ဟာ ဆုံးရှုံးသွားတဲ့ပိုက်ဆံအတွက် တကယ်ကို စိတ်မကောင်းဖြစ်မိတာကြောင့်သူတို့ရဲ့ အတွေးတွေကို ပြောတဲ့အခါ အလွန်ရိုးသားကြသည်။ ထောင်မု သည် သူတို့ ငယ်စဉ်ကတည်းကပင် ဤနှစ်ယောက်နှင့် တွဲနေခဲ့တဲ့အတွက် သူတို့နှစ်ယောက် မကောင်းတာ တခုခုလုပ်ခဲ့သည်ဆိုတာကိုလည်း အလိုလိုသိနိုင်သည်။ ချက်ချင်းပင် မျက်မှောင်ကြုတ်ကာ “မင်းတို့နှစ်ယောက်…”
သူစကားမဆုံးခင်မှာ ဝမ်ပေါ်ယွမ်က ရုတ်တရက် ပြုံးပြုံးရွှင်ရွှင်နဲ့ မေးခဲ့သည်။
"ထောင်မု၊ မင်းက စတော့ကစားနည်းသိလား?"
"ခန့်မှန်းတွက်ချက်ပြီး မုန့်ဖိုးနည်းနည်းလောက်ရှာလိုက်ရုံပါပဲ။" ထောင်မုက နှိမ့်ချသော အပြုံးဖြင့် ပြောသည်။ သူလည်း မလိမ်ဘူးလေ။ သူ၏ လက်ရှိအရင်းအနှီးဖြင့် စတော့ဈေးကွက်တွင် သူမည်မျှ ပြောင်မြောက်သောလှုပ်ရှားမှုများ ပြုလုပ်ခဲ့ပါစေ၊ သူသည် နောက်ဆုံးတွင် အိတ်စိုက်ငွေကိုသာ ရှာခဲ့သည်။ အမှန်တကယ်စတင်တည်ထောင်သည့် အရင်းအနှီးသည် အိုလံပစ် အားကစားပွဲမှ ဖြစ်သည်။
ကံကောင်းထောက်မစွာ အိုလံပစ်အားကစားပြိုင်ပွဲစတင်ရန် အသင့်ဖြစ်နေပါပြီ။ သူသည် ဖွင့်ပွဲအခမ်းအနားမစမီအချိန်၌ သူ၏ရန်ပုံငွေများကိုထုတ်ယူပြီး သူ၏အမှတ်တရတွင် ဆုတံဆိပ်ပိုင်ဆိုင်မှုအလိုက် အလောင်းအစားများထည့်ခဲ့သည်။ ထောင်မုသည် ၎င်းကို လျှို့ဝှက်ထားရန်အတွက်တစ်လခွဲခန့် ကြိုတင်စီစဉ်မှုများ ပြုလုပ်ခဲ့သည်။ သူသည် လောင်းကစားပလပ်ဖောင်းသို့ ဝင်ရောက်ရန် ကမ္ဘာတစ်ဝှမ်းရှိ ပရောက်စီအိုင်ပီ၊စာရင်းသွင်းအကောင့်များကို အသုံးပြုကာ စတော့စျေးကွက်မှ ရရှိသော ယွမ်တစ်သန်းကျော်အား အိုလံပစ်ပြိုင်ပွဲများ တိုးတက်လာသည်နှင့်အမျှ အဓိကအရံလောင်းကစားပလပ်ဖောင်းများထဲသို့ စတင်ထည့်သွင်းခဲ့သည်။ အကောင့်များစွာကို အသုံးပြု၍ငွေအားလုံးကို သေးငယ်သောပမာဏအဖြစ် ပိုင်းခြားထားသည်။
ထို့အပြင်၊ မတူညီသော လောင်းကစားပလပ်ဖောင်းများသည် မတူညီသော အရာများအပေါ်တွင် မတူညီသော အပေါက်များကို သတ်မှတ်ပေးသောကြောင့် ဖြစ်သည်။ မွေးဖွားပြီးနောက် ထောင်မုသည် ၎င်း၏မှတ်ဉာဏ်ကောင်းမွန်မှုကြောင့် ဆုတံဆိပ်အများစုနှင့် အားကစားသမားအနည်းစု၏ ရမှတ်များကို အတိအကျမှတ်မိနိုင်ပြီဖြစ်သည်။ ထို့ကြောင့် သူသည် မလုံလောက်သော ငွေကြေးများကို ပစ္စည်းများပေါ်တွင် ထားခဲ့သည်။
ဟုတ်ပါတယ်၊ ပလက်ဖောင်းရဲ့ အာရုံစိုက်မှုကို မဆွဲဆောင်ဖို့၊ ထောင်မုရဲ့လောင်းကြေးပမာဏတစ်ခုစီတိုင်းဟာ သိပ်မြင့်မားမှာမဟုတ်ပါဘူး။ ဒေါ်လာ၊ ယူရိုနှင့် အခြားငွေကြေးများအဖြစ် ပြောင်းလဲထားသော တရုတ်ငွေကြေး နှစ်သန်းအောက်ကို အရံပလက်ဖောင်းတစ်ဒါဇင်ကျော်တွင် ပျံ့နှံ့ပြီး မတူညီသော အရာများကို လောင်းကြေးထပ်သည်။ ရလဒ်အနေဖြင့် လောင်းကြေးတစ်ခုစီတွင်ထည့်သည့်ပမာဏသည် သောင်းအနည်းငယ်မျှသာဖြစ်ပြီး အမြင့်ဆုံးဖြစ်သော $20,000 ထက်မပိုပါ။ ထောင်မုသည် အချို့သော အရာများအတွက် မှားယွင်းစွာ လောင်းကြေးထပ်ခဲ့သည်။ အတိုချုပ်အားဖြင့်၊ သူ၏ လုပ်ရပ်များသည် မည်သည့်အရာကိုမဆို ရရှိရန်အတွက် အနစ်နာခံမှုများရှိရမည်ဟူသော ယုံကြည်ချက်နှင့် အလွန်အကျွံဂရုပြုခြင်းသည် မရှိသည်ထက် ပိုကောင်းသည်ဟူသောယုံကြည်ချက်ကို လိုက်နာခဲ့သည်။ သံသယတွေကို ဖော်ထုတ်ဖို့ဘယ်သူ့ကိုမှ အခွင့်အရေးမပေးဘဲ သူ့ရဲ့လျှို့ဝှက်ချက်တွေကို တူးဆွဖို့ အစီအစဉ်မရှိပေ။
ဤချဉ်းကပ်မှုသည် ထောင်မု၏အမြတ်အစွန်းတစ်စိတ်တစ်ပိုင်းကို ဆုံးရှုံးစေမည်ဖြစ်သည်။ သို့သော်ယေဘုယျအားဖြင့် ဤအရံလောင်းကြေးသည်
ထောင်မု တစ်ယောက်အား အိုလံပစ်ပွဲတော်အတွင်း $ 2 သန်း ရရှိစေနိုင်ပြီး လဲလှယ်သောအခါတွင် တရုတ်ငွေ 10 သန်းကျော်ရှိမည်ဖြစ်သည်။
ချမ်းသာသောအုပ်စုများနှင့် လုပ်ငန်းစုကြီးများ၏အမြင် သို့မဟုတ် ဝမ်ပေါ်ယွမ်နှင့် ကောယန်နဉ် ကဲ့သို့သော A-list ကုမ္ပဏီကြီးများ၏အမြင်တွင်ပင် ဤယွမ်ငွေ ဆယ်သန်းသည် ဘာမှမဟုတ်ပေ။ ဒါပေမယ့် အစကနေစခဲ့သည့် ထောင်မုအတွက်တော့ ဒါဟာ အမြတ်ထွက်တဲ့ ရွှေအိုးတစ်ခုပါပဲ။
ငွေလက်ခံရရှိပြီးနောက် ထောင်မုသည် ၎င်းအားလုံးကို အနာဂတ်ဈေးကွက်တွင် ရင်းနှီးမြှုပ်နှံရန် စီစဉ်ခဲ့ပြီး တိုတောင်းစွာရရှိခဲ့သည်။ နိုင်ငံတကာဘဏ္ဍာရေးဈေးကွက်၏ လက်ရှိအနေအထားအရ သူ၏ငွေများသည် အနာဂတ်ဈေးကွက်တွင် တစ်နှစ်ခွဲကြာပြီးနောက် ဘုရားသခင်ပင်လျှင် သူ၏ကုန်သွယ်မှုနှင့် ငွေကြေးဈေးကွက်အတွင်း အရောင်းအဝယ်အားလုံးကို ခြေရာခံနိုင်မည်မဟုတ်ပေ။ ထိုအချိန်တွင် သူသည် သူ၏ဖျော်ဖြေရေးအင်ပါယာကို တည်ဆောက်ရန် ငွေထုတ်နိုင်ပေမည်။
ပို၍အရေးကြီးသည်မှာ ၎င်းသည် သူ့အတွက် ငွေကြေးဆိုင်ရာပါရမီရှင်တစ်ဦးဖြစ်ခြင်း၏ ဂုဏ်သတင်းကိုလည်း ဖန်တီးပေးနိုင်သည်။
"ရင်းနှီးမြုပ်နှံမှု ပါရမီရှင်" ၏ အရိပ်အာဝါသကို အသုံးပြု၍ အသိုင်းအဝိုင်းအတွင်းရှိ ရင်းနှီးမြုပ်နှံသူများ၊ တခြားနယ်ပယ်များမှရင်းနှီးမြှုပ်နှံသူများနှင့် ဆက်သွယ်ရန်ဆိုလျှင် သူသည် ဖြူစင်သော သရုပ်ဆောင်တစ်ဦးဖြစ်ခြင်းထက် သူ၏အသက်မွေးဝမ်းကြောင်းအတွက် ပိုမိုလွယ်ကူလိမ့်မည်ဟု ထောင်မုက ယုံကြည်ခဲ့သည်။
ဤကိစ္စသည် ထောင်မု၏ ပြန်လည်မွေးဖွားခြင်း အရေးကြီးဆုံးလျှို့ဝှက်ချက်နှင့်သာ သက်ဆိုင်ပြီး ၎င်းအကြောင်းကို မည်သူမှ မသိနိုင်ပေ။ တမောက်နဲ့ ရှောင်ဖန်းတို့ကို‌တောင် သူ တင်းတင်းကြပ်ကြပ် နှုတ်ပိတ်နေရမည်။
ထို့ကြောင့် တမောက်နှင့် ရှောင်ဖန်းသည် သူ၏အရင်းအနှီးအများစုနှင့် သူ၏ကိုယ်ပိုင်ရန်ပုံငွေအများစုကို စတော့ရှယ်ယာဈေးကွက်တွင် ရုတ်တရက်ဆွဲထုတ်သွားကြောင်း တမောက်နှင့် ရှောင်ဖန်းက အတိအကျသိထားသော်လည်း။ ထောင်မုက ဘာလုပ်တော့မယ်ဆိုတာကို သူတို့နှစ်ယောက်လုံးလုံး မသိလိုက်ကြပေ။
သူတို့နှစ်ဦးသည် ထောင်မု ၏ ကြိုတင်တွက်ချက်မှုနှင့် အစီအမံများကို မသိကြသော်လည်း "ငွေသည် မိမိဆန္ဒကို လှုပ်ခတ်စေနိုင်သည်" ဟူသော အမှန်တရားကို နှစ်ယောက်လုံး သိခဲ့ကြသည်။ သူတို့နှစ်ဦးသည် ‘ကျန်းဟူဆီသို့’ ၏ ၀န်ထမ်းများထံသို့မရောက်မီ ကြိုတင်ကြားသိခဲ့ရသည်။
ဝမ်ပေါ်ယွမ်၏ စူးစမ်းလိုပုံရသော မေးခွန်းကို တုံ့ပြန်လိုက်သောအခါ သူတို့နှစ်ဦးလက်တွေ့ကျကျ မီးပွင့်လာကာ ထောင်မု လိုချင်သည်ဖြစ်စေ မလိုချင်သည်ဖြစ်စေ အားလုံးရှေ့မှာ ကြွားလုံးထုတ်လိုက်ကြသည် ".....ဝမ်ကော၊ ကျွန်တော်တို့ မုကောက ရဲ့နှိမ့်ချတဲ့စကားနားမထောင်နဲ့ ကျွန်တော်တို့မုကောက တကယ်ကို အံ့သြစရာကောင်းတယ်။ သူ့မှာမျက်လုံးကောင်းပြီး ပြတ်သားတယ်။ တစ်လခွဲလောက်ကြာရင် မုကောမှာ စတော့ဈေးကွက်ကနေ လက်ထပ်လို့ရတဲ့အထိတောင် ပိုက်ဆံအလုံအလောက်ရနေပြီ။"
ဒီစကားကြားတော့ ရှန်းယွီနဲ့ တခြားသူတွေ အားလုံး အတူတူ ကြည့်လိုက်ကြသည်။ ဘာမှ မပြောရသေးသော မုဟွားထင်က "မင်းငယ်ငယ်ရွယ်ရွယ်နဲ့ မိန်းမယူဖို့အကြောင်းတွေးနေတာ မင်းက တော်တော်ကြောက်ဖို့ကောင်းတာပဲ"
"ခင်ဗျားနဲ့ဘာဆိုင်လဲ!" တမောက်က မုဟွားထင်ကိုစိုက်ကြည့်ရင်း “ကျွန်တော့်အဖေက ကျွန်တော့်အတွက် မင်္ဂလာဆောင်အိမ်ကို ကျွန်တော်မမွေးခင် ဝယ်ထားတယ်။ ကြီးပြင်းလာပြီး ဇနီးတစ်ယောက်ကိုလက်ထပ်ဖို့ စောင့်မျှော်နေရုံပါပဲ။ ဘာဖြစ်သလဲ!"
အိမ်မှာ မိုင်းတွင်းရှိ ကျောက်မီးသွေး သူဌေးသည် ချမ်းသာပြီး တမင်တကာ လုပ်ပြနိုင်သည် ဒီတော့ လူငယ်သရုပ်ဆောင်က ဘာလုပ်စရာလိုလို့လဲ။
မုဟွားထင်သည် နှစ်ကြိမ် ရွဲ့စောင်း၍ရယ်မောပြီး တမောက်နှင့် ရှောင်ဖန်းတို့နှင့်ပြိုင်ဆိုင်မှုတစ်ခု ပြုလုပ်ခဲ့သည်။ သူ့မျက်လုံးထောင့်က ထုတ်ဖော်မပြသည့် ထောင်မုကို ကြည့်လိုက်တော့ ကြီးလေးတဲ့တာဝန်ကို ထမ်းဆောင်နေတုန်းပဲဆိုတာ သူနောက်ဆုံးသတိရသွားတယ်။ နောက်မှ ထောင်မုနဲ့ စကားပြောတဲ့အခါ တမောက်နဲ့ ရှောင်ဖန်းတို့က အနှောက်အယှက်ဖြစ်စေပြီး စိတ်အနှောင့်အယှက်မဖြစ်စေဖို့ မုဟွားထင်က သူ့ကိုယ်သူ ထိန်းပြီး ဘာမှမပြောတော့ပေ။
ယဲ့ယောင်က မျက်လုံးကိုမှိတ်ပြီး ထောင်မုကို မေးခဲ့သည်။ “သူတို့ ပြောပုံအရဆို အရမ်းမိုက်နေပြီပဲ။ စတော့ဈေးကွက်မှာပိုက်ဆံဘယ်လောက်ရှာခဲ့လဲ?။"
ထောင်မု အဖြေကို စောင့်မနေဘဲ တမောက်နှင့် ရှောင်ဖန်းတို့သည် ၎င်းတို့၏ ကိုယ်ပိုင် ပိုက်ဆံအိတ်ကိုယူပြီး ဂဏန်းများကို စိတ်အားထက်သန်စွာ ပြောကြသည်။ သူတို့၏ ဂုဏ်ယူမှုနှင့် ကျေနပ်မှုကို အားလုံးက လက်တွေ့ကျကျမြင်နိုင်ကြသည်။
"ဒါကနည်းနည်းပဲ! ကြော်ငြာတစ်ခုကို ထောက်ခံဖို့တောင်မလုံလောက်ဘူး။” ယဲ့ယောင်က စိတ်ပျက်လက်ပျက် မျက်မှောင်ကြုတ်ကာ သူမ၏ လေသံကို အလွန်အမင်း စွဲမှတ်သွားခဲ့သည်။
တမောက်က ထောင်မုကိုမကောင်းဘူးလို့ပြောတာကို ဘယ်သူ့ကိုမှ ခွင့်မပြုနိုင်ဘူး။ သူချက်ချင်းစိုးရိမ်တကြီးနဲ့ “မင်း ဘာမှ နားမလည်ဘူးလား? ငါတို့ ဝင်ငွေ ဘယ်လောက်ရလဲ ဆိုတာကြည့်ရုံနဲ့ မရဘူး။ ငါတို့ ဘယ်လောက် ကုန်ကျတယ်ဆိုတာ တွက်ချက်ပြီးမှ စုစုပေါင်းကို ခွဲပေးရမယ်။ ပြီးရင် ပြန်ရတဲ့နှုန်းကို ကြည့်ရမယ်။ ဥပမာ၊ ငါတို့မုကောက တစ်လခွဲအတွင်းမှာ ခုနစ်ဆ ဒါမှမဟုတ် ရှစ်ဆလောက် ရတယ်။ ပြန်ရတဲ့နှုန်းက ခုနစ်နှစ်ကနေ ရှစ်ရာ ရာခိုင်နှုန်းနီးပါးရှိတဲ့ ပြည်တွင်းက အကြီးစားတွေနဲ့ ယှဉ်နိုင်တယ်။ ရင်းနှီးမြုပ်နှံထားတဲ့ ကုမ္ပဏီတွေနဲ့ နာမည်ကြီး စတော့ပွဲစားတွေထက်အများကြီး ပိုကောင်းတယ်။”
ယဲ့ယောင် ရုတ်တရက် သဘောပေါက်သွားပြီး သူမမိုက်မဲစွာ တခစ်ခစ်ရယ်ကာ "အိုး၊ ဒီလိုဖြစ်ပုံရတယ်" သူမ ထိုသို့ပြောပြီး ထောင်မုကိုတစ်ချက်ကြည့်လိုက်ရုံအပြင် မတတ်နိုင်တော့။ သူ့ကိုပိုကြည့်လေ၊ ထောင်မု ဟာ သူမကြိုက်တဲ့လူဖြစ်ထိုက်တယ်လို့ ပိုခံစားရလေလေပါပဲ။ သေချာတာကတော့ သူက ချောမောပြီးထက်မြက်တယ်။
ဒီနှုန်းကို ဝမ်ပေါ်ယွမ် ကြားလိုက်တဲ့အခါ သူလည်းအံ့အားသင့်သွားခဲ့တယ်- "ဒါဟာ အံ့သြစရာကောင်းတယ်။ ရိုးရိုးသားသားပြောရရင်၊ ငါ စတော့ရှယ်ယာတွေကို ခဏခဏ အရောင်းအဝယ်လုပ်ရတာကို ကြိုက်တယ်။ မကြာသေးခင်ကမှ စျေးကွက်က နှေးကွေးသွားပြီး ငါ့ရဲ့စတော့ရှယ်ယာတွေက အဝယ် စတော့ဈေးကွက်ထဲမှာ အခြေခံအားဖြင့် ပိတ်မိနေတယ်။ ဒါကြောင့် အကြွေးဆပ်ဖို့အလုပ်ကို ကြိုးစားပြီး ကိုယ့်ကိုကိုယ် ရောင်းထုတ်ရတယ်"
တကယ်တော့ ထိုသို့ဖြစ်သည်မှာ ဝမ်ပေါ်ယွမ် တစ်ယောက်တည်းမဟုတ်ပေ။ လွန်ခဲ့သည့်ခြောက်လအတွင်း ပြည်တွင်းစတော့ဈေးကွက်သည် စီးပွားရေးအကျပ်အတည်းကြောင့် ထိခိုက်ခဲ့ပြီး စျေးကွက်ကျဆင်းခဲ့သည်။ စတော့ဈေးကွက်တွင်လူများနှင့် ငွေကြေးအဖွဲ့အစည်း မည်မျှပိတ်မိနေသည်မသိ။ ဒေဝါလီခံရမှုသည် နေရာတိုင်းတွင် ဖြစ်ပျက်နေသည်။
ဝမ်ပေါ်ယွမ်က ဒီလိုပြောပြီးနောက်မှာတော့ သူကပိုဝမ်းနည်းလာတယ် - "ကျွန်တော်မြင်တဲ့အတိုင်း ဒီစတော့ဈေးကွက်က သာမန်လူတွေအတွက် တကယ်ကို မတတ်နိုင်ပါဘူး။ ဒီနှစ်ရဲ့ ပထမနှစ်ဝက်မှာ အမြတ်တွေက တော်တော်လေးကောင်းပြီး ရှန်ဟိုင်းအညွှန်းကိန်းက အမှတ်6,000 ကိုတောင် ကျော်လွန်သွားတယ်။ ဒါပေမယ့်ဒီနှစ်ရဲ့ ဒုတိယနှစ်ဝက်မှာ ဒီလိုမျိုးကျလိမ့်မယ်လို့ မမျှော်လင့်ထားဘူး။ ဆုံးရှုံးလွန်းလို့ ကိုယ့်ကိုယ်ကိုယ် ပုံမှန်မဟုတ်သလိုတောင် ခံစားရတယ်။"
လူတိုင်းပြောနေကြတဲ့ စကားဝိုင်းကို စကားသိပ်မပြောတတ်တဲ့ ကောယန်နဉ်က "မဟုတ်လို့လား? ရှယ်ယာဈေးတွေ အရမ်းတက်နေတယ်ဆိုတာ ရှင်းပါတယ်။ ဒါပေမယ့် သတိပေးချက်တောင်မှ မပေးဘဲ ကျသွားတယ်။ စိတ်ကို ဘာမှပြင်ဆင်ချိန်တောင်မရလိုက်ဖူး။"
အခြားသော ဝါရင့်သရုပ်ဆောင် အများအပြားလည်း ဝမ်းနည်းပူဆွေးမှုအပြည့်ဖြင့် ခေါင်းညိတ်ကြသည်။ သူတို့အားလုံး စတော့ရှယ်ယာဈေးကွက်ထဲမှာ ပိတ်မိနေခဲ့ကြတာကို တွေ့နိုင်ပါသည်။
ထောင်မုသည် တစ်ချိန်ချိန်တွင် လူတိုင်းသူ့ပတ်ဝန်းကျင်တွင် စုဝေးနေကြတော့မည်ကို သိလိုက်ရသည်။
တမောက် နှင့် ရှောင်ဖန်း တို့သည် အလွန်အစွန်းရောက်သူများဖြစ်သည်။ လူများစွာပါဝင်တာကိုမြင်တော့ပိုဂုဏ်ယူဝမ်းမြောက်မိပါတယ်- "ဒါဆို ငါတို့မုကောက အရမ်းအံ့သြစရာကောင်းတယ်။ လူတော်တော်များများက ပိုက်ဆံဆုံးရှုံးသွားပေမယ့် မုကောကတော့ပိုက်ဆံအများကြီးရခဲ့တယ်။ အာမခံချက်က ခုနစ်ရာကနေ ရှစ်ရာရာခိုင်နှုန်းအထိရှိတယ်။ ပုံမှန်အချိန်တွေမှာတောင် အဲဒီငွေကြေးအဖွဲ့အစည်းကြီးတွေနဲ့ ရင်းနှီးမြုပ်နှံမှုဆိုင်ရာ အကြံပေးပုဂ္ဂိုလ်တွေက မလုပ်နိုင်ကြဘူးမလား?"
ထောင်မုက တမောက်ရဲ့ ခေါင်းကို ပုတ်ပြီး နှိမ့်ချစွာ ပြုံးလိုက်ပြီး "ကျွန်တော့်အတန်းဖော်က ချဲ့ကား ပြောရတာကို ကြိုက်တယ်။ အမှန်တော့ ကျွန်တော်တို့ရတဲ့ မုန့်ဖိုးက ဘာမှ မဟုတ်ပါဘူး၊ ရုပ်ရှင်တစ်ကားအတွက်ရတဲ့ လစာနဲ့တောင် ယှဉ်လို့မရပါဘူး။"
ထူးချွန်ပြောင်မြောက်သော သရုပ်ဆောင်စွမ်းရည်ရှိသော်လည်း စျေးနှုန်းသက်သာသော ဝါရင့်သရုပ်ဆောင်ဟောင်းများစွာသည် အဆိုပါစကားများကိုကြားရပြီး ကျယ်လောင်စွာ ရယ်မောကြသည်- "မင်းပြောနေတာက ပေါ်ယွမ်နဲ့ ယန်နျဉ်တို့လို A-list စူပါစတားတွေအကြောင်း ပြောနေတာ။ ငါတို့လို လူဟောင်းတွေကအများကြီးမရဘူး။"
ဝမ်ပေါ်ယွမ်နှင့် ကောယန်နဉ်တို့ကပြုံးပြီး ခေါင်းခါကြသည် " မင်းအဲလို ရေတွက်လို့ မရဘူး။ ဒါပေမယ့် ရှောင်မု၊ မင်းဟာရုပ်ချောရုံသာမက ကိုယ်ခံပညာလည်း ကျွမ်းကျင်တယ်၊ မင်းငွေကြေးစတော့လည်း ကျွမ်းကျင်လိမ့််မယ်လို့ ငါမမျှော်လင့်ထားဘူး။"
ဝမ်မေ့ဟုန်က နောက်ဆုံးမှာ အခွင့်အရေးတစ်ခုကို မြင်ပြီး ပြောသည်။ "မှန်တယ် အသိုင်းအဝိုင်းထဲမှာ ပညာတတ်တွေ အများကြီးရှိတယ်။ ဒါ‌ပေမယ့်လည်း ထောင်မုလို ငွေကြေးစတော့ရှယ်ယာမှာ အရည်အချင်းရှိသူဖြစ်ဖို့ ရှားပါးတယ်။ ထောင်မု ဒီလိုသာ ဆက်လုပ်နေရင် မင်းက တကယ့်ဘဝရဲ့လွှမ်းမိုးချုပ်ကိုင်မှုရှိတဲ့ CEO ဖြစ်လာလိမ့်မယ်ထင်တယ်။"
တမောက်နှင့် ရှောင်ဖန်းတို့က လေးနက်စွာ သဘောတူခဲ့ကြသည်။
"မှန်တယ်။ ငါတို့မုကောကို ကြီးစိုးတဲ့ CEO ဖြစ်ဖို့ ဖန်ဆင်းထားတာ။ သူစတော့ရှယ်ယာ အရောင်းအဝယ်လုပ်တဲ့ အချိန်မှာ သူဘယ်လောက်ခန့်လဲ မပြောနဲ့၊ အခု စျေးကွက်အခြေအနေက အရမ်းဆိုးနေတော့ မုကောကငွေရှာနိုင်မယ်လို့ ဘယ်တုန်းကမှမမျှော်လင့်ထားဘူး။ မုကော အကောင့်ဖွင့်တာ ပထမဆုံးတွေ့တော့ သူအရာရာ ဆုံးရှုံးသွားမှာကို စိုးရိမ်နေခဲ့တာ။ ဒါပေမယ့် ရလဒ်က ထောင်မုကို မနာလိုတောင်ဖြစ်ရတဲ့အထိဖြစ်သွားတယ်။"
ရှောင်ဖန်းက နောက်ဆက်တွဲအနေနဲ့ "တကယ်တော့ ငါတို့နှစ်ယောက် စတော့ရှယ်ယာတွေ ဘယ်လိုရောင်းဝယ်ရမှန်းမသိဘူး။ မုကောက ပိုက်ဆံရှာနေတာတွေ့တော့ ငါတို့က သူ့အိတ်ကပ်ထဲ ပိုက်ဆံကို ပေးလိုက်ပြီး ငါတို့အတွက်ရင်းနှီးမြှပ်နှံခွင့်ပေးလိုက်တာ။ ငါတကယ်မမျှော်လင့်ထားဘူး။ မုကောက အရမ်းတော်တာပဲ"
တမောက်က သက်ပြင်းချရင်း “မုကောကို ပိုက်ဆံပေးတုန်းက စတော့ဈေးကွက်ကအန္တရာယ်များတယ်လို့ အဖေက သတိပေးတယ်၊ ဒါကြောင့် ထိန်းထိန်းသိမ်းသိမ်းနဲ့ ရင်းနှီးမြုပ်နှံသင့်တယ်ပေါ့။ အရမ်းရှုံးရင် ဒုတိယနှစ်ဝက်မှာ မုန့်ဖိုးအဖြတ်ခံရနိုင်တယ်။တစ်နှစ်တာလုံး ရှုံးတာမဟုတ်ပဲ အများကြီရခဲ့မယ်လို့ ဘယ်သူသိမလဲ? ဒီလို တိုးမြင့်လာတဲ့နှုန်းထားက အဖေ့ကို မနာလိုဖြစ်စေတယ်။ စတော့ဈေးကွက်အကြောင်းမေးဖို့ ညတိုင်းကို ဖုန်းဆက်တော့တာပဲ။သူ့ပုဂ္ဂလိကငွေတွေကို မုကောကိုလွှဲပေးပြီး ရင်းနှီးမြုပ်နှံမှု အကြံပေးအဖြစ်တောင် လုပ်ခိုင်းနေတယ်။"
တမောက် နှင့် ရှောင်ဖန်း တို့၏ ရည်ရွယ်ချက်များကို အားလုံးလက်တွေ့မြင်နေရသည်။ ဒီစကားကိုကြားတော့ ထောင်မုက မျက်မှောင်ကြုတ်ပြီး ရှေ့ကအကြောင်းအရာကို အေးအေးဆေးဆေးပြန်ပြောတယ် "တကယ်တော့ ငါလည်း အရမ်းစိတ်ပူတယ်။ အဲဒါနဲ့ လုံလောက်အောင် လုပ်ပြီးရင် ငါသူတို့ကို ပြန်ထုတ်ခိုင်းတယ်။ ကျန်ငွေက အမြတ်ရနိုင်ရင် ဒါကကောင်းတယ် မဟုတ်ရင် ငါစိတ်ပူနေရတာ။ ဒါက ကျူရှင်ပြနေရသလိုပါပဲ။
ဝမ်ပေါ်ယွမ်က ကြေကွဲစွာပြုံးလိုက်ပြီး "မင်းရဲ့ တွေးခေါ်ပုံက အရမ်းဆင်ခြင်တုံတရားရှိပဲ" အကယ်၍ သူသာ ဆင်ခြင်တုံတရားရှိနိုင်လျှင် ယခုနှစ်ပထမနှစ်ဝက်တွင် စျေးကွက်ကောင်းနေသေးသည့် စတော့များကို ရောင်းချပြီးနောက် ယခုပင် ပြန်ထိုင်ပြီးအနားယူနိုင်မည်ဖြစ်သည်။
ရှောင်ဖန်းက "ဘယ်လိုစိတ်ထားမျိုးလဲ!၊ ငါတို့မုကောက ပိုက်ဆံရှာနိုင်တဲ့ အရည်အချင်းရှိတယ်။ ငါမြင်တဲ့အတိုင်းဆို မုကောမှာဒီလိုအရည်အချင်းတွေရှိလို့ ဘာလို့ သရုပ်ဆောင်ဖြစ်သေးတာလဲ? လူတွေကို စတော့မှာ ငွေရှာနိုင်အောင် ကူညီလိုက်ရုံပါပဲ။ ပြီးတာနဲ့ မင်းသူဠေးဖြစ်ပြီပဲ။"
ထောင်မုသည် စကားပြန်မပြောနိုင်။ ငွေအမြောက်အများရှိသော မိုက်မဲသည့် တူဖြစ်သူလည်း လိုက်ပါလာကာ “ဒါက အဓိပ္ပာယ်ရှိမယ်ထင်တယ်။ ငါ့မုန့်ဖိုးကို ထောင်မု မင်းကို ငါဘယ်လိုပေးရမလဲ? မင်းငါ့ကို ရင်းနှီးမြုပ်နှံဖို့ ကူညီပေးပါလား?"
တယောက်ပြီး တယောက် ကွန်မြူနစ် လုပ်ရိုးလုပ်စဉ်လုပ်နေကြသလား?။
လူအုပ်ကြီး၏ ရွှင်မြူးနေသော မျက်လုံးများအောက်တွင် ထောင်မုသည် သူ့မျက်လုံးများကိုကောင်းကင်သို့ လျှောက်ကြည့်ချင်နေသည်။
ဤအရှက်တရားသည် အများသူငှာ အရှက်ကွဲခြင်းထက် မနည်းလှပေ။
ထောင်မုက "မနက် 2 နာရီအထိ နေ့တိုင်းရိုက်ရမှာ M နိုင်ငံက မင်းစတော့တွေကို ရောင်းဝယ်ရာမှာ ကူညီဖို့ ဘယ်ကအချိန်ရမှာလဲ?"
တမောက်နှင့် ရှောင်ဖန်းတို့သည် ထောင်မု၏ ထပ်ခါတလဲလဲနှိမ့်ချမှုမှာ ရှက်ကြောက်ခြင်းကြောင့် မဟုတ်ကြောင်းသဘောပေါက်သွားပုံရသည်။
နှစ်ယောက်သား တစ်ယောက်ကို တစ်ယောက်ကြည့်ကာ နှာခေါင်းကို ပွတ်ကာ ပြုံးကာ ".....မင်းက အရမ်း အံ့သြဖို့ ကောင်းနေပါပြီ မုကော၊"
ကြည့်ရှုနေသော ရှန်းယွီသည် ထောင်မုကိုသဘောကျစွာ ကြည့်ပြီး "ကျွန်တော်လည်း ဒီလိုပဲ ခံစားရတယ်။ ထောင်ထောင် မင်းက တကယ်ကိုအံ့သြစရာကောင်းတယ်။ ငါ့အစ်ကိုက အရမ်းတော်နေပြီလို့ထင်ခဲ့တာ။ ဒါပေမယ့် သူ့အမြော်အမြင်က မင်းလောက်မတိကျသေးဘူး။ နှစ်ယောက်လုံး အတူတူရှိနေရင် ပြောစရာတွေ အများကြီးရှိမယ် ထင်ပါတယ်။”
ထောင်မုက ပြန်မဖြေ။ ဤဘဝတွင် ရှန်းမိသားစုနှင့် လုံးဝပြောစရာမရှိဟု စိတ်နှလုံးထဲမှခံစားမိသည်။
"အချိန်နီးနေပြီမဟုတ်လား?" ထောင်မုက ချန်းပေါင်သုန့်ကို လှည့်ကြည့်လိုက်တော့ "ဒါရိုက်တာချန်း၊ ဘယ်အချိန်ရိုက်ရမလဲ?"
"ဟင့်အင်း၊ ဒီစကားဝိုင်းက စိတ်ဝင်စားဖို့ကောင်းနေပြီ၊ မင်းဘာကို အလျင်လိုနေတာလဲ!" ချန်းပေါင်သုန့်သည် သူ့လက်ထဲတွင် ဇာတ်ညွှန်းကို တီးလျက် လှောင်ပြောင်သည်။ သူက မျက်ခုံးပင့်ပြီးမေးတယ် "အရမ်းအံ့သြစရာကောင်းတဲ့ ဘယ်စတော့တွေ ဝယ်ခဲ့တာလဲဆိုတာ ပြောပြပေးပါဦး၊ ငါတို့အားလုံးလည်း ကျယ်ကျယ်ပြန့်ပြန့် လုပ်ကြရအောင်။"
ဒီစကားကို သူပြောပြီးတာနဲ့ လူတိုင်းက ထူးဆန်းတဲ့စကားလုံးတွေကို ကြားလိုက်ရသည်။ တမောက်နဲ့ ရှောင်ဖန်းက ဘယ်လောက်ပဲ မိုက်မဲနေပါစေ သူတို့ဟာ ထောင်မု အတွက် ဒုက္ခရောက်အောင်လုပ်ထားပုံရတယ် ဆိုတာကိုလည်း သိလိုက်ပေပြီ။ချက်ခြင်းပင် သူတို့သည် ထောင်မုကို တစ်ချက်ကြည့်လိုက်ပြီး ဆုံးရှုံးသွားသလို ခံစားလိုက်ရသည်။
ထောင်မု နှစ်ယောက်ကို စိတ်ချလက်ချပြုံးကာ စတော့အနည်းငယ်၏အမည်များကို ပေါ့ပေါ့ဆဆပြောကာ "ဒါပေမယ့် စျေးကွက်က မတည်မငြိမ်ဖြစ်တာကြောင့်၊ ကျွန်တော်တို့အားလုံး ရေတိုထင်ကြေးပေးနေကြတာပါ။"
"ဟုတ် ဟုတ်ကဲ့ ဟုတ်ကဲ့" တမောက်နဲ့ ရှောင်ဖန်းက "စျေးကွက်က တကယ်မတည်ငြိမ်ပါဘူး။ လွန်ခဲ့တဲ့ နှစ်လလောက်က စတော့ရှယ်ယာတော်တော်များများကို ပြောင်းပြီးသွားပြီ။ ဒါပေမယ့် မုကောက တိကျတဲ့ မျက်လုံးရှိပြီး ပုံမှန်အားဖြင့် စတော့ဈေးမကျသွားခင် စတော့ကိုရောင်းထုတ်နိုင်တယ်။"
စကားပြောအပြီးတွင် သူတို့နှစ်ဦးသည် ခွေးကြီးနှစ်ကောင်ကဲ့သို့ တုန်တုန်ယင်ယင်ဖြင့် ထောင်မုကိုကြည့်ကာ ပိုင်ရှင်ကို စိတ်ကျေနပ်အောင် မည်သို့လုပ်ရမည်ကို မသိဘဲ ပိုင်ရှင်ကိုသက်တောင့်သက်သာရှိစေမည့် သားမွေးများလို ပြုမူရန်လိုအပ်သည်။
"ထောင်မု ငါတို့ကသူငယ်ချင်းတွေလား?" ဘေးမှာရပ်နေတဲ့ယဲ့ယောင်က ရုတ်တရက် မေးသည်။ မိန်းကလေးကမျက်တောင်ခတ်ပြီး တောက်ပြောင်တဲ့ မျက်လုံးကြီးတွေနဲ့ ထောင်မုကို ကြည့်ပြီး "လူတိုင်းက သူငယ်ချင်းဖြစ်ရင် ကူညီကြတာကို မင်းက ငါ့ကို စတော့တွေ ၀ယ်ဖို့ ဘာလို့မကူညီတာလဲ?။"
"ငါ့မှာ အချိန်သိပ်မရှိသေးဘူး၊ အခွင့်ရှိရင် နောက်မှပြောကြရအောင်။" ထောင်မုက မျက်ကွယ်ပြုကာ ပြောလိုက်သည်။
တမောက်နှင့် ရှောင်ဖန်းတို့၏ ချဉ်းကပ်မှုသည် ထောင်မု၏ အစီအစဉ်ကို လုံးဝ အနှောင့်အယှက်ဖြစ်စေသည်ဟု ဆိုရပေမည်။ အတွေ့အကြုံရှိပြီး ပျော့ပျောင်းသော ဤလူများ၏အမြင်တွင်၊ နက်နဲသော အကြံအစည်နှင့် လက်ငင်းအကျိုးအမြတ်ကို ရှာလိုသောစိတ်ရှိသူဟူသော ထောင်မု၏တံဆိပ်ကို မဖယ်ရှားနိုင်ဟု ခန့်မှန်းရသည်။ ထောင်မုသည် ဤလူများ၏ သဘောထားများကို ဂရုမစိုက်ခဲ့ပေ။ တမောက်နှင့် ရှောင်ဖန်းတို့က သူ့ကို မမေးဘဲ လွပ်လပ်စွာ ထုတ်ဖော်ခဲ့သောကြောင့်သူ့အား စိတ်အနှောက်အယှက်ဖြစ်စေကာ အချို့သော အရာများသည် အနာဂတ် အသွင်အပြင်များတွင် ပါ၀င်နေမည်ဖြစ်သည်။
ထောင်မု၏မူလအစီအစဉ်တွင် ရင်းနှီးမြှုပ်နှံမှုအတွက် သူ၏အရည်အချင်းကို ပိုမိုသဘာဝကျသောနည်းလမ်းဖြင့် ထုတ်ဖော်နိုင်မည်ဖြစ်သည်။ ဤကြီးမားသောအမွှေးအကြိုင်များဆီသို့ သူသည် ပို၍သိမ်မွေ့သောနည်းဖြင့် သူတို့ကို သွေးဆောင်ရန် အမြတ်ငွေကိုလည်း အသုံးပြုနိုင်သည်။ ဒါပေမယ့် ထောင်မုက တမောက်နဲ့ ရှောင်ဖန်းတို့ကို နားလည်ပေးနိုင်ပါသည်။ "သူရဲကောင်းတို့၏ဒဏ္ဍာရီ" တွင်ဖြစ်ပွားခဲ့သော အဖြစ်အပျက်အပြီးတွင် ကလေးနှစ်ဦးသည်ကြောက်လန့်နေမည်ဖြစ်သည်။ ထို့ကြောင့် ၎င်းတို့သည် "ကျန်းဟူဆီသို့" ဇာတ်ကားကြီးရှေ့တွင် သူ့ကို ပိုမိုချီးမြှောက်လိုကြပြီး ထောင်မုကို အာရုံစူးစိုက်ပြီး လူတိုင်းရှေ့တွင်တန်းတူညီမျှ ရပ်တည်မှုပါ ပိုမိုရရှိလာမည်ဟု မျှော်လင့်ကာ သူ၏တန်ဖိုးကို မြှင့်တင်လိုကြသည်။
ကံမကောင်းစွာပဲ အထက်တန်းကျောင်းပြီးတဲ့ ကလေးနှစ်ယောက်က နှစ်ပေါင်းများစွာအတက်အကျတွေကို မြင်ဖူးတဲ့ အတွေ့အကြုံရှိပြီးပါးနပ်တဲ့သူတွေကို ဘယ်လို ယှဉ်နိုင်မလဲ။ တမောက်နှင့် ရှောင်ဖန်း စကားပြောသည်နှင့် တပြိုင်နက် ဤလူအုပ်စုသည် သူတို့ ဘာပြောချင်သည်နှင့် သူတို့လုပ်ချင်တာကို သိပြီးသားဖြစ်နိုင်သည်။ သူတို့ နှစ်ယောက်ကို ထောင်မုက တမင်လှုံ့ဆော်တာလို့ ထင်နေသလားဆိုတာကိုတော့ ထောင်မု မသိပေ။ ဟုတ်ပါတယ် သူလည်း သိပ်ဂရုမစိုက်ပါဘူး။ ထောင်မုသည် လူတိုင်းအတွက် အကျိုးကျေးဇူးများစွာ ဆောင်ကြဉ်းပေးနိုင်သရွေ့ တမောက်နှင့် ရှောင်ဖန်း၏ နည်းလမ်းများ မည်မျှပင် ရိုးဖြောင့်ပုံ၊ သူတို့၏ စကားလုံးများ မည်မျှပင် ရိုးရှင်းပြီး သူတို့၏ ရည်ရွယ်ချက် မည်မျှပွင့်လင်းသည်ဖြစ်စေ ထိုလူများ အားလုံးကထောက်ထားစာနာကြလိမ့်မည်။ ထောင်မုကို သက်တောင့်သက်သာ လျှောက်လှမ်းနိုင်စေမယ့် ပြီးပြည့်စုံပြီး အသင့်တော်ဆုံးလှေခါးကို သူတို့ပေးလိမ့်မည်။
ထို့ကြောင့် ယခုအချိန်တွင် အရေးကြီးဆုံးအရာမှာ ထောင်မုအတွက် ဆိတ်ငြိမ်သောနေရာကိုရှာ၍ ရှက်ပြီး မျက်ရည်ကျလုနီးပါး ဖြစ်နေသော နှစ်ယောက်ကို အမြန်နှစ်သိမ့်ပေးရန်ပင်ဖြစ်သည်။
***