Unicode
ကြယ်တာရာခေတ် စားဖိုမှူး ကလေးတစ်ဦးကို ပြုစုပျိုးထောင်ခြင်း
အပိုင်း ၂၀
အဖြူသန့်သန့် ယုန်လေးဖြစ်သည်။
လျိုဝေဝေ နိုးလာတဲ့အခါ သူက သူ့နောက်ခြေထောက်ကို ကန်လိုက်ပြီး သူမလက်ထဲ သူ့ကိုယ်ကို ပစ်ချလိုက်သည်။ ပန်းနုရောင်နဲ့ နူးညံ့တဲ့ နှာတံလေးက သူမလက်နဲ့ နီးကပ်လာပြီး ရှူရှိုက်လိုက်သည်။
"ဝူး" အိပ်ခန်းထဲ နူးညံ့သိမ်မွေ့တဲ့ အသံတစ်ခု ထွက်ပေါ်လာသည်။ ယုန်ရဲ့မျက်နှာပေါ်က အနက်ရောင်မျက်လုံးဝိုင်းဝိုင်းလေးက လျိုဝေဝေကို စိုက်ကြည့်နေသည်။ သူမလှုပ်မရှားဖြစ်သွားသလို ခံစားလိုက်ရတဲ့အတွက် နူးညံ့တဲ့ခြေသည်းကို ဆန့်ထုတ်လိုက်ပြီး သူမရဲ့လက်မောင်းပေါ် တင်လိုက်သည်။ အမွေးထူထူလေးက နူးညံ့ပြီး အရမ်းချစ်စရာကောင်းသည်။
"ကောင်လေး၊ မင်းဘယ်ကလာတာလဲ။" စနစ်က ပေးတဲ့အလုပ်တွေက လျိုဝေဝေ ခေါင်းနောက် ချက်ခြင်းရောက်သွားခဲ့သည်။ အဆုံး၌ သူမထက်မြင့်သည့် ယုန်ကြီးနှင့်ယှဥ်ပါက ဤအကောင်သေးသေးလေးက သိသာထင်ရှားလှသည်။ "တခြားအဆောင်တွေကနေ ရောက်လာတာလား။" ဒီနေ့ခေတ်မှာ တစ်ချို့ လူတွေက မျိုးရိုးဗီဇ အနည်းငယ်သာရှိသည့် သားရဲများကို ထိန်းသိမ်းထားကြသည်။ ဒါမှမဟုတ် အိမ်မွေးသားရဲလို အားနည်းပြီး လိမ္မာရေးခြားရှိတဲ့ သားရဲတချို့တောင် ရှိသည်။ နှစ်ထောင်ပေါင်းများစွာကြာသည့်တိုင် အိပ်ဆောင်မှာ ယုန်မွေးတာက မိန်းကလေးတွေ တိတ်တဆိတ် လုပ်ဆောင်သည့်အရာဖြစ်သည်။
လျိုဝေဝေက ယုန်ခေါင်းလေးကို သတိထားပြီး ထိလိုက်တာနဲ့ သေးငယ်တဲ့အရာလေးက စိတ်ဆိုးတာ ဒါမှမဟုတ် ကြောက်လန့်တာမရှိကြောင်း တွေ့ရှိခဲ့ကာ သူမ အဒေါ်ကြီး တစ်ယောက်လိုပြုံးလိုက်သည်။ နားရွက်ရှည် ယုန်လေးက နားရွက်နောက်ဘက်တွင် ရွှေရောင်အမွှေးများစွာပါရှိပြီး ဖြူဖွေးသော သားမွှေးများဖြင့် ရောနှောထားသည်။
လျိုဝေဝေက သူမလက်ထဲ ကိုင်ထားတော့မှာဖြစ်ပေမယ့် အကောင်လေးက ပါးစပ်ဖွင့်ကာ သူမ လက်နောက်ဘက်ကို နမ်းလိုက်သည်။"ဟမ် ပေါင်ပေ့၊ မင်း ဗိုက်ဆာနေပြီလား"ယုန်တွေက ဘာစားလဲ။ အဲဒါက ယုန်အစာပဲ။ ယုန်အစာမရှိတဲ့အခါ မြက်ခြောက် ဒါမှမဟုတ် အသီးအရွက်အနည်းငယ်သာ စားလို့ရသည်။
YOU ARE READING
ကြယ်တာရာခေတ် စားဖိုမှူး ကလေးတစ်ဦးကို ပြုစုပျိုးထောင်ခြင်း (Trans )
RomanceName - Interstellar Chef Raising a Baby Type - Web nobel (CN) Author(s)- Salted Lobster 盐焗大龙虾 Myanmar trans - Khat, Karry phyo Status in COO - 257 Chapters ( Complete ) Cr...
