ظُلمات فى الماضى

البارت التانى♥

ياريت يا شباب نعمل فوت وكومنت هكون شاكرة لدعمكم جداااا♥وياريت نتفاعل مع الرواية وتدونى ارائكم فى الكومنت وتوقعاتكم♥
**********

و لقاء الأحباب ما هو الا فرحة عارمة تملئ القلوب،
لكن ماذا اذا غير الزمن احبابنا؟!!
ماذا اذا كان احبابنا هم من يأذونا؟
انظر للحياة يا صديقى فاليوم ليس هو الغد.
فى المساء
دخلت والدتها على صوت بكائها ككل ليلة فقالت«رودى مالك يا وردتى لى كل الدموع والحزن ده»
فارتمت فى احضان والدتها قائلة"مامى لو سمحتى تقولى لبابى يدور على حمزة انا واثقة انه يقدر يعرف هو فين"
«رودى ممكن كفاية بقا انسى يا حببتى حمزة لو كان عايز يرجع كان رجع من زمان»
"لا يا مامى متقوليش كده حمزة هيرجع انا حاسة بيه"
بصى بقا انا اتكلمت مع ابوكى وقلب الدنيا واحنا مش قدو يابنتى عشان خاطري طلعيه من عقلك بقا
"خلاص انا هروح دلوقتي اكلم بابى هو بيحبنى واكيد هيفهمنى"
لا يا رودى متعمليش كده رودى استنى انا جاية معاكى.
ذهبت الى مكتب والدها قائله"بابى عايزة اتكلم مع حضرتك فى موضوع "
«رودى حببتى كنت لسة هندهلك دلوقتي انا كمان عايزك فى موضوع مهم»
"اتفضل يا بابى حضرتك الاول"
لا لا يا حببتى انا حابب اسمعك الاول.
"بابى انا بطلب من حضرتك تدورلى على حمزة انا محتاجاه جدا ارجوك تشوفوا فين انا واثقة انك قادر تلاقيه"
فصفعها والدها قائلا بغضب شديد «اخرسى خالص انا قولت مليون مرة مش عايز اسمع اسم الواد الصايع ده انتى فاهمة ولا لا»
انهارت باكية فحضنتها والدتها فقالت"صايع؟!! مين قالك يا بابى كده اكيد انت فاهم غلط وبعدين انت بتكره كده ليه عملك اى عشان ده كله"
وفاء سكتى بنتك بدل ما اقتلها دلوقتي، اسمعى يابت اسم الواد ده متجبهوش على لسانك تانى ودكتور خالد زميلك اتقدملك ونا وافقت وانتى كمان هتوافقى غصبن عنك انتى فاهمة ولا لا خلص النقاش.
فقالت بانهيار بعد ان ذهب والدها"لا يا بابى لا انا مش هتجوز غير حمزة يا مامى اعملى حاجه ارجوكى انا تعبت بقا"
حاضر يا رودى حاضر هحاول اقنعوا يا حببتى كفاية بفا خديها يا رنا على اوضتها.
حاضر يا طنط يلا يا رودى وكل حاجه هتتحل متقلقيش.
****************
فى لندن:
«مايكل هيا اخبرنى اين هو هل عثرت على مكانه؟»
"سيدى لقد سافر مصر امس"
«فقال صارخا وقد سحب سلاحه عليه: ماذا قلت؟! سافر مصر، فوضع سلاحه فى نص جبين معاونه: سأقتلك يا مايكل انت بلا فائدة كيف يهرب منك هكذا؟!»
"ففزع قائلا سيدى ارجوك كنت ابحث عنه جيدا ولكن هو سبقنا بخطوة وسافر سريعا قبل ان اصل اليه ارجوك سيدى امهلنى فرصة ثانية سوف انزل مصر واحضرهوا اليك"
«حسنا مايكل هذه فرصتك الاخيرة ان لم تعد به فسأخذ روحك بدلا منه»
***************
فى مطار القاهرة:
اهلا اهلا بحمزة باشا نورت مصر والله.
فقال بابتسامه لصاحبه العزيز«الله يسلمك يا احمد بس انا عايز. افهم سبب انكو جبتونى هنا»
فى ايه يا جدع انا داخل على السنة ماشوفتكش انت مش عايز تشوفنى ولا ايه.
"بقولك اى يا احمد ادخل فى الموضوع على طول"
طيب طيب يلا نروح وهقولك على كل حاجه.
***************
دخلت رنا المطبخ عند عمتها وقالت"على فكرة يا طنط اللى بيعملوا جوزك ده مش صح البت هتموت منكوا انا بقول اهو"
جوزك!!«اسمها عمو او اونكل حسنى اسلوبك ده مش اسلوب بنت High Class خالص»
فقالت بتأفف" حاضر يا طنط هبقى هاى كلاث حلو كده، خلينا فى بنتك بقا"
فتابعت قائلة: انا بجد مش فاهمة ازاى حددتو معاد الخطوبة والبت فوق مقطعة نفسها عياط اصلا ورافضة جدا فكرة الخطوبة مينفعش كده.
تحدثت عمتها بحزن«وانا فى ايدى ايه اعملوا ياعنى انتى مشوفتيش اللى حصل ابوها مش راضى يسمع من حد خالص ونا تعبت من الكلام معاه وهو مصمم جدا على دكتور خالد ده»
يا طنط هو فاكر انه كده هينسيها حمزة وده مش صح هى مش هتنساه لو كانت عايزة تنساه كانت نسيتو من زمان.
فقالت عمتها بنبرة باكية«انا صعبان عليا حالها مش قادرة اشوفها كدة عارفة انا بتمنى ان حمزة يرجع عشان اشوف البسمة على وشها تانى بس»
اهدى يا طنط ان شاء الله هيرجع وكل حاجة هتتحل انا هروح اهديها واشوف اقدر اعمل ايه.
****************
فى المدرية
داخل مكتب العميد:
اهلا اهلا سيادة المقدم حمزة ليك وحشة والله كده برضوا تغيب عننا الغيبة الطويلة دى.
فقال بابتسامة فطالما يعاملوه هذا الرجل وكأنه ابنه"انا مبسوط انى شوفت سيادتك يا فندم بس عايز اعرف اى المهمة الخطيرة اللى نزلتونى عشانها مصر"
«اسمعنى يا حمزة فى قضية مهمة جدا انا مقدرش اسلمها لاى حد غيرك انت لانك ظابط كفء وقدها ونا واثق من ده»
ابتسم حمزة قائلا"ونا هاكون عند حسن ظن سيادتك بس اى هى القضية"
********************
دخل حمزة الى منزله فوجد صديقه المقرب فقال مازحا"اى ده هو انت معندكش اهل يابنى ولا ايه "فتابع احمد بتأثر «اه شوفت انا مليش حد غير يا باشا خلينى فى بيتك احسن كلاب السكك مش هيرحمونى»
فضحك حمزة بسخرية قائلا" لا وانت الصادق احنا بنلمك انت من على الكلاب"
«طب ليه الاهانة طب،  اسمع بس الخبر ده وبعد كده تقعد تحكيلى عن القضية وسيادة العميد قالك ايه.
"اخلص وقول اللى عندك كده كده هقولك عشان انت معايا فى القضية"
فقفز احمد بسعادة قائلا«احلف لا بجد انا هبقى معاك مش مصدق نفسى والله»
فضحك على صديقه الذى لطالما اعتبره شقيقا له. فتابع"اخلص يا احمد عندك ايه قولوا"
مفيش يا سيدى السوشيال ميديا كلها بتتكلم عن خبر خطوبة بنت حامد ثروت والصحافة كلها هتبقى موجوده والكل بيقول انها هتبقى حفلة كبيرة اوووى.
لم ينتبه الى ماقاله صديقه غير جملة واحدة"بنت حامد ثروت" فشرد فى ذكريات ماضية
Flash Back
ترقرقت عيناها وهى قائله"انت عمرك ما هتسبنى صح؟" فمسح دموعها بحنية وقال«عمرى ما هسيبك ابدا ولما نكبر هاخدك معايا ونعيش سوا فى بيت جميل وهتبقى احلى وردة فى حياتى.
Back 
حمزة، حمزة انت روحت فين يابنى انت تعرف الراجل ده.
فتابع وعيناه تكسوها الحمرة من كتر الغضب وتابع بشراسة «اكيد طبعا اعرفه والاكيد برضو انى لازم اقابله قريب، قريب اووى»
"حمزة اوعى يكون ده نفسو ابو رودينا"
فنظر الى صديقه نظرة حزن لن يفهمها سوا صديقه هعلم انها هى نفس الفتاة فقال"انت لسة بتحبها يا حمزة"
فصرخ به قائلا«احمد لو عايز تبقى على العيش والملح اللى بينا يبقى متجبش السيرة دى تانى فاهم»
يعنى عايزنى اشوفك متعذب كده واسكت دى خطوبتها بكرة لو لسة باقى عليها روحلها.
تابع بغضب قائلا«انا كده كده كنت هروح لابوها لازم افكره بيا ما هو وقت الحساب جه خلاص، انا مبفكرش دلوقتي فى اى حاجه غير انى اخد حقى واصفى حسابى غير كده مبفكرش، بس مدام بنتو العزيزة خطوبتها بكرة يبقى ده احسن وقت اعرفه بيا فيه»
فقال احمد بقلق على صديقه"انت ناوى على ايه حمزة نظرتك دى وراها مصايب"
هتعرف احمد الوقت جاى وهيبين كل حاجة مستخبية.
****************
يوم الخطوبة
قام مهندسين الديكور باعداد الحفلة على اعلى مستوى وحضر كل الصحافة ورجال الاعمال والشخصيات المهمة فكانت حفلة مزينة بطريقة تخطف القلوب.
فى غرفة رودى
دخلت والدتها قائلة بفزع"يا نهارى رودى انتى لسة ملبستيش يابنتى ابوكى لو شم خبر هنتبهدل كلنا وانتى عارفه ابوكى بقا عشان خاطرى قومى وبلاش فضايح." فقالت بانهيار«بس بس بقا كفايه انتو ميهمكمش غير الشكليات وانكوا هتتفضحوا لكن انا بنتكوا اولع مش مهم صح»
يابنتى عدى الليلة دى بس ونا هتكلم مع ابوكى وادى رنا جات اهيه "رنا جهزيها بسرعة يابنتى ابوها فى اى وقت هيطلع ياخدها"
حاضر يا طنط اتفضلى انتى  ونا هجهزها.
قالت بانهيار انا مش هجهز لحاجة سامعين
فأسكتتها رنا بيدها قائلا«رودى ابوس ايدك عدى الليلة ابوكى هيبهدل الدنيا وعد منى انى هدورلك حمزة وهعمل اللى اقدر عليه بس ارجوكى اجهزى بسرعة»
كان تأثير كلماتها واضح عليها فقامت معها وبدات فى تجهيز نفسها.
*************
فى الحفلة كان والدها يرحب بالضيوف وبأهل العريس قائلا: اهلا اهلا اتفضلوا، فقال خالد بفرحة "لو سمحت يا عمى اومال فين رودى" فأجاب قائلا«هطلع حالا واجبها»
فى الاعلى
رودى افرضى وشك شوية ابوكى زمانو طالع، فى نفس اللحظة دخل والدها قائلا"اى الجمال ده يا حبيبة بابى مفيش بنت اجمل منك انهارده انا مبسووط اووى انى بنت الوحيدة كبرت وهتبقى عروسة قمر"
فنظرت اليه بأعين دامعة فتجاهل نظراتها وقال"يلا بقا عشان منتأخرش على عريسك"
نزل بها الى الاسفل وتوجه خالد اليه وسحب يدها منه وفى هذه اللحظة سحبت يدها بعنف من يده قائله: خلى ايدك جمبك يا دكتور.
فقال بابتسامة خبيثة تحوى الكثير"لى بس كلها دقايق وتبقى خطبتى رسمى لى بقا كل التحفظات دى"
لم تعيره اى انتباه وفى هذه اللحظة انطفت كل الاضوية وسلطت فقط على من دخل وكان مفاجأة الحفل توجهت جميع الانظار اليه والكل يتساءل من هذا الرجل الوسيم فتوجه فى نصف القاعة والقى بقنبلته امام الجميع« ازيك حامد باشا معقول مش فاكرنى طب افكرك بقا معاك حمزة الانصارى»

يا ترى حمزة هيعمل اى؟
واى رد فعل رودى وابوها؟
*متنسوش الفوت والكومنت يا شباب♥