ظُلمات فى الماضى

البارت الرابع♥

مننساش الفوت والكومنت يا قمرات♥
أخبرنى أنت...
ماذا أفعل بتفاصيلك المحفورة على صخرة ذاكرتى؟!
كيف أمضى فى حال سبيلى و أقدامى عالقة فى أرضك؟!!
لو أن الحب قرار.... ما أحببتك!

استيقظ أحمد فوجد حمزة يحاول ارتداء ملابسه "انت بتعمل ايه، انت لسة تعبان يا حمزة مينفعش كده"  فأجاب مقتضبا«تعالى ساعدنى بدل مانت بترغى بس، بعدين مانت سمعت مراد وهو بيقول ان الجرح سطحى ويومين وهبقى كويس ايه لزمت بقا قعدة السرير!» "براحتك يا حمزة"
تذكر حمزة شيئا فقال«على فكرة والدتك اتصلت بيا الصبح وقلقانة عليك جدا بطل ندالة بقا وروحلها»
قال بغضب شديد"مش رايح فى زفت يا حمزة وياريت متفتحش الموضوع ده المفروض انك عارف الحكاية من اولها" ضربوا حمزة فى كتفه قائلا«هو انت معندكش دم ليه بقولك امك قلقانة عليك يابنى ادم، لو كرهت الدنيا كلها متكرهش امك، اخر كلام يا احمد هتروحلها وانهاردة سمعت ولا اسمعك بطريقتى» انهى كلامه بابتسامة خبيثة يعلمها احمد جيدا فقال"خلاص أمرى لله بس لو فتحوا الموضوع انا مش مسئول عن تصرفاتى "أنهى كلامه وسحب عليه الغطاء.
**************
فى المستشفى
كانت رودى تقف مع زملائها يهنئوها على خطوبتها، تقدم خالد منهم فهنئوه هو الاخر وذهبوا وبقى رودى وخالد فقال مازحا" ايه عروستى الحلوة مكشرة ليه كده، وبعدين كنت عايزة اسأل عن الراجل اللى جه امبارح ده وابوكى وشو اتخطف اول ما شافه ليه"
أجابت باقتضاب«اولا انا مش عروسة وليا اسم ممكن تنده بيه، ثانيا ياريت متدخلش فى اللى ملكش فيه ومتفرحش اووى كدا بالخطوبه عشان قريب كل واحد هيروح لحاله» انهت كلماتها بابتسامة باردة وقبل ان ترحل مسك يدها بعنف وقال"انت فاكرة نفسك مين عشان تكلمينى كده، لا فوقى لنفسك واتكلمى عدل بدل ما اعدلك" سحبت يدها بعنف وصفعته قائلة بعنف مماثل«انا ابقى مين انا رودى ثروت يعنى بإشارة منى امحيك واوديك ورا الشمس احذر منى يا خالد واياك تنسى نفسك وتعمل راجل عليا وبحذرك لاخر مرة لو مسكت ايدى تانى تصرفى مش هيعجبك ابدا» انهت كلماتها ورحلت الى مكتبها.
ظل مصدوما وهو يتحسس خده قائلا بخبث"اظاهر انى غلطت لما قولت انك بسكوته، طلعتى مش سهلة، بس انا بقا هعرفك مين هو خالد عزمى كويس اوى" انهى كلماته وهو يفكر  كيف يندمها على مافعلت.
فى مكتب رودى اتصلت بها رنا"الو، رودى ايه أخبارك هتروحى الشركة انهاردة"
«ايوة يا رنا لسة كنت بلم حاجتى وهمشى على طول، زى ماقولتلك اوعى تقولى لحد ولا حتى ماما» أجابت رنا بمرح"ماما!! هو رودى ثروت اللى معايا صح!  اجابت رودى بضحك«فى ايه يا رنا منا من كتر مابعقد معاكى نسيت كل حاجه» اجابت رنا"انا برضوا اللى نستك ولا حبيب القلب" اجابت رودى بنبرة حزينة«حبيب القلب مش  حاسس بيا اصلا، بقولك ايه سلام ولما ارجع نبقى نرغى عشان متأخرش، باى»
انهت رودى مكالمتها ونهضت وهى متجهة الى الشركة وقلبها ينبض بشدة.
***************
فى ڤيلا حسام الهلالى
دخل أحمد فرحبت والدته بشدة" احمد اخييرا يا حبيبى جيت هو انا موحشتكش ولا ايه "
اجاب وهو يحاول الابتسام«طبعا وحشتينى جدا» "احمد هو انت ليه مش بتسأل عليا ليه مش بتيجى تبات فى بيتك"  اجاب ببرود«بلاش اجابة السؤال ده مش هيعجبك ونا كده مرتاح» فى هذه اللحظة سمع صوتا يكرهه بشدة "أهلا أهلا يابن الهلالى  أخيرا عرفت ان ليك اهل ولازم تسأل عليهم"
ضم يده بعصبية وحاول يتحكم فى أعصابه«اه يا عمتى عرفت ان ليا اهل دلوقتي بس لو مش مرحب بيا زى مانتى مش مرحب بيكى بالظبط تقدرى تخرجى برة» انهى كلامه بابتسامة باردة. فذهبت الى غرفتها.
نظر الى والدته قائلا باحترام«بعد اذنك يا ألفت هانم هطلع ارتاح» ذهب ونظرت الى أثره فى حزن شديد.
دخل الى غرفته وارتمى على سريره واغمض عيونه بألم شديد، وشرد فى ذكرياته الأليمة..
Flash Back
كان فى غرفته يقرأ كتابا ما  فاقتحمت عليه غرفته واحتضنته بشدة لدرجة انه سقطت أرضا فقالت بمرح وفرحة شديدة"انا نجحت يا أحمد نجحت مش مصدقة نفسي اخيرا اتخرجت بقا "
كان مازال على الارض فوقف وسحبها فى عناق طويل وقال بحب«انا أسعد انسان فى الدنيا دلوقتي اخيرا قلبى الصغنن نجح لا وكمان خلاص كده اتخرج كتير على قلبى والله»
ابتعدت عنه وابتسمت بحب"انا كمان فرحانه اوى واللى مفرحنى اكتر انك اول واحد عرف انا جيت من الجامعة عليك على طول" تركها وفتح درج المكتب واخذ منه شيئا وقال"غمضى عينك يا نيرو " قالت بفرح وهى بتتنطط كانها طفلة "انت جبتلى هدية صح"
غمضى عينك بقا، ذهب اليها والبسها هذه السلسة المحتوية على اول حرف من اسمها ومن اسمه وطبع قبلة رقيقة على رقبتها وقال فى أذنها« متقلعهاش أبدا، انا بعشقك»  ابتعدت بخجل شديد وقالت" انت احلى حاجه حصلت فى حياتى ونفسى نفضل سوا دايما"
Back
سقطت دموعه حزنا ولم يحتمل البقاء فى الغرفة فخرج متوجها الى الخارج فأوقفه صوت والده " خير يا سيادة المقدم هتمشى من غير ما تسلم على ابوك ولا كمان ده نسيتوا زى مانسيت والدتك"
ذهب الى والده وارتمى فى حضنه قائلا بنبرة باكية«ليه ماسبوهاش ليه انا مكنتش عايز حاجه غيرها» احتضنه والده وقال بحنو"انسى بقا يا احمد انسى عشان تعرف تعيش، اخرجه من حضنه ومسح دموعه بيده وقال لازم تنسى ولازم تفهم ان دى امك مينفعش تفضل طول الوقت ده متعرفش عنك حاجه انا عارف انها غلطت بس ده كله قدر ومكتوب مش هقولك غير ربنا يصبرك ويرزقك ببنت الحلال اللى تعوضك بجد"
قال احمد بحب الى والده «ربنا يباركلى فيك يا بابا انا مليش غيرك بجد، انا همشى دلوقتى وصدقنى من وقت للتانى هاجى متقلقش» قبل يد والده ورحل الى المكان الذى يشعره بالراحة ولكنه ليس إلا هلاكه.
*****************
ذهبت الى مقر الشركة فسألت عن مكتب المدير وأرشدوها اليه.
فى مكتب السكرتيرة" لو سمحتى انا عايزة ادخل للأستاذ حمزة"
نظرت اليها السكرتيرة وقالت«حضرتك عندك معاد!»  أجابت ببرود"لا، بس انا عايزة اقابلوا دلوقتي ضرورى، ادخلى قوليلو رودى ثروت"
فتحت عين السكرتيرة بصدمة فهذه بنت رجل الأعمال حامد ثروت والتى كانت حفلة خطوبتها خيالية والكل يتحدث عن جمالها الى الان، قالت باحترام"انا بتأسف يا فندم بس حمزة باشا منبه عليا مدخلش حد ونا بعتذر لحضرتك مرة تانية بس انا مش حمل غضب حمزة باشا ارجوكى تفهمى وضعى"
نظرت الى السكرتيرة بنظرة حزينة هى لايمكنها ان تعود تريد مقابلته وبشدة حزمت امرها وقررت الدخول «انا كمان اسفة ليكى بس انا مش هينفع امشى قبل ما اقابله تركتها ودخلت مقتحمة مكتبه والسكرتيرة تناديها" مينفعش كدة يا فندم يا رودى هانم" اوقفها بإشارة بمعنى أن تذهب.
دخلت رودى ونظرت له بعيون دامعة، حاول ان يخفى صدمته فهو يعلم ان مقابلته بها محتومة ولكن لم يريدها الان، قطع الصمت وقال"عايزة ايه"
نستعد بقا عشان من البارت الجاى هندخل فى أحداث الرواية أكتر♥
ياريت نتفاعل ومننساش الفوت♥♥
وانتظروا مفاجأة العيد🥳♥