ချစ်ယောမြေမှ မောင့်အမောပြေ (ခ်စ္ေယာေျမမွ ေမာင့္အေမာေျပ )

Part 3

​(3)

"သူပန်ထားတဲ့ ပန်းနီနီ
နေရာခဏလဲချင်သည်
ကြင်နာသူလေးလှဖို့အစွမ်းကုန်ကြိုးစားမည်..
ရင်မှာ ဒီလောက်ချစ်ပါသည်
သူပျော်တာအမြဲတွေ့ချင်သည်..
သူ့အရိပ်အဖြစ် အမြဲရှိနေတတ်ပြီ...."

ကနေ့ည..ဓာတုဆရာ ပါကြီး ကြာဦးမရှိမှန်းသေချာသည်မို့ လေးယောက်သား မာန်ဖီကာ အမျိုးသားဆောင်ဖက်ဝယ် ​တပ်စွဲရတော့သည်..ဒီနေ့ညတော့ အိမ်မခေါ်ဘဲ ချစ်ကြောင်းလေးတွေဖွင့်ပြောချင်နေ၍ လိုက်ဖက်မည့်သီချင်းကို ဆိုရလေသည်..

သူဆင်မြန်းတဲ့ ဖိနပ်နီနီ
နေရာခဏလဲချင်သည်~~
ကြင်နာသူလေးခလုတ်မထိဖို့ ကိုယ်ကြိုးစားမည်
ရင်မှာဒီလောက်ချစ်ပါသည်~~
ဘာမဆို ကိုယ်အဆုံးရှုံးခံမည်
အလှမ်းဝေးတဲ့ ပန်းကလေး
မြနှင်းဆီ~~

ဆိုနေရင်း ချစ်သူလေးရှိရာ အခန်းဆီမျှော်ကြည့်တော့ မီးရောင်ထိန်ထိန်က ဝင်းနေဆဲမို့ ပီတိဖြစ်ရသည်..ချစ်ရသူက မအိပ်သေးဘူးမို့ နားထောင်နေမှန်းသေချာသည်..ဒီလောက်နဲ့တင် တင်းတိမ်ပါရဲ့...

ဟိုကောင်တွေကြည့်တော့လဲ ဖီးလ် အပြည့်နဲ့မို့ လင်းယုန်အားတက်သွားကာ ချစ်သူရှိရာဆီ မျှော်တွေးရင်း ခံစားချက်နဲ့သက်ဆိုင်သော သီချင်းကို သာယာနာပျော်ဖွယ်ဆိုညီးလေသည်..

ကျောင်းသွားကျောင်းပြန်
အချိန်မှန် အမြဲစောင့်လို့ကြည့်သည်
သူ့မျက်ဝန်းနဲ့ဆုံရင် ရင်ခုန်သည်
သူ့အပြုံးလေးများမြင်ရင်
အပျော်လွန်ပြီး အိပ်မရတော့ပြီ~~
သိပ်ချစ်တဲ့အကြောင်းကို
ကဗျာတွေရေးမည်~~
ရင်မှာ ဒီလောက်ချစ်ပါသည်
ဒါကိုသူလဲသိနေပြီ
တစ်နေ့နေ့တော့ချစ်၍လာလိမ့်မည်~~
သူပန်ထားတဲ့ ပန်းနီနီ
ကျွန်တော်ခဏဖြစ်ချင်သည်
တစ်နေ့နေ့တော့ချစ်၍လာ...လိမ့်..မည်~~

သီချင်းအစမှ အဆုံးထိ ဖီးလ်ဝင်နေခဲ့သော လေးယောက်သားမှာ အဆုံးထိ ရင်တသသနဲ့..အရင်နေ့ညက ဝိုင်းလှောင်ကြသော ကော်ရစ်တာမှ လူများကလဲ ဒီနေ့ကျ တိတ်ဆိတ်လို့...
မောင့်ဝေဟင်သာကြားရင်လဲ မောင့်အချစ်တွေကိုခံစားမိမယ်ထင်ပါ့...

"ဟေ့ကောင် ငှက်ကြီးရေ...ဒီညတော့မိုက်ပြီ"

ခန့်ထည်ရဲ့ ချီးကျူးစကားကြောင့် ဝမ်းသာသွားသော်ငြား ငှက်ကြီးဟူသော အသုံးကိုသိပ်ဘဝင်မကျလှ...ငှက်ကြီးဟူသော နာမည်သည်..လင်းယုန်၏နာမည်ပြောင်ပင်...လင်းယုန်ဆိုတာ ငှက်ကြီးမို့ အခုလိုနာမည်ပြောင်ပေးထားသည်တဲ့...