Mr. Billionaire's Proposal

CHAPTER 38

Nakarinig ako ng busina mula sa labas tanda na narito na si Clint. Tinapos ko muna ang ginagawa rito sa kusina bago ako tumungo sa sala.

"Where's your mom?" rinig kong tanong ni Clint sa mga bata na ngayon ay may pinagkukumpulan na hindi ko malaman kung ano.

"Sa kitchen po," sagot ni Tala.

Nang makita ako ni Clint ay agad akong sinalubong ng yakap at hinalikan sa noo. Amoy pawis pa naman ako kaya bahagya akong kumalas sa yakap. Pagkatapos ko kasing magluto ng hapunan ay
naglinis ako sa kusina kaya namamawis ako ngayon.

"Ano'ng dala mo at bakit tuwang-tuwa ang dalawang bata?" tanong ko kay Clint at tinungo ang pwesto nina Toff at Tala.

"I bought donuts and brownies."

Nakasunod si Clint sa likod ko. Hinarap ko ulit siya dahil sa narinig na sagot.

"Kakain na ng dinner, dapat hindi mo na muna pinakita. 'Pag nabusog ang mga 'yan, hindi na naman makakakain ng dinner."

"My bad, I'm sorry. Mukhang hindi ko na rin mababawi sa kanila. But wait, I'll try my best to convince them." Nilapitan ni Clint ang mga anak.

"Thanks, Daddy, for these," ani Tala sabay kagat sa hawak na donut.

"You're welcome, my sweetie. But... ahm, can I take it back?"

Agad na niyakap ni Toff ang dalawang box nang marinig ang sinabi ng daddy nila. "No, Daddy!"

"Wala nang bawian, Dad," dugtong ni Tala.

Napakamot si Clint sa noo. "Mapapagalitan kasi tayo, kids. Your mommy will get mad."

Sabay-sabay silang napatingin sa'kin.

"We will have our dinner na po, baka hindi na naman kayo makakain. Akin na ang mga 'yan." Nilahad ko sa kanila ang aking kamay.

Napilitan si Toff na i-surrender sa'kin ang dalawang box na yakap-yakap niya kanina. Tinulungan pa ito ni Tala.

"What about this, My?" tukoy ni Tala sa hawak na donut na nangangalahati na.

Natatawa ako kay Toff dahil akmang isusubo niya na ang last bite ng donut na hawak nang mapatigil ito.

"Sige na, ubusin n'yo na 'yan. Pero kakain kayo ng dinner, okay?"

Sabay na tumango ang dalawa at sinubo ang tirang donut na nasa mga kamay nila.

"Mow--mmy, c-can we eat bwownies aftew dinnew?" Si Toff habang may nginunguya pa sa bibig kaya nagkandabulol-bulol pa ito.

"No. Hindi pwede. Bukas na. Sainyo naman 'to lahat, but no sweets at night, remember? Para no toothache din."

Wala nang nagawa ang dalawa kundi tumango sa sinabi ko.

Binalingan ko si Tala. "Are you done with your homework, Ate?"

"Done na po, My."

"Okay, very good. Ligpitin mo na 'yang mga gamit mo. Toff, help mo na si Ate Tala."

Nagsimula nang kumilos ang dalawa.

"Mas takot na sila sa'yo," bulong ni Clint na nasa tabi ko. "Actually, we are. That's why we don't want you to be mad."

"Mukha na ba akong multo para katakutan?"

"Ang ganda mo namang multo, sweetheart."

"Tama na ang pambobola, love. Umakyat ka na rin sa kwarto mo at magbihis dahil kakain na tayo. Ilalagay ko lang 'to sa fridge," tukoy ko sa dalawang box na hawak. "Maghahain na ako. Sumunod na lang kayo kusina."