Unsolved Love - Student Series #3 ✓

35

Kitang-kita ko ang gulat sa mukha ni Cian pero hindi ko yun pinansin, nang matanggal ko na ang tali sa kamay niya ay lumayo na ako, hindi ko na siya pinansin at nagsuot na lang ng headphones.

Bahagya kong hininaan ang volume para marinih ang pinag-uusapan nila, pero wala akong narinig, tahimik lang sila.

Dahil na rin sa haba ng byahe namin ay hindi ko namalayan na nakatulog na pala ako.

Nang makarating kami sa resort ay namangha ako sa paligid, subrang ganda at maraming makukulay na mga bulaklak ang bumungad sa amin. Ang ganda din ng ambiance sa paligid, kaya pala maraming tao dito ngayon.

"I didn't know na may resort kayo, Azal," sabi ni Xiena habang naglalakad kami papunta sa counter. Agad naman kaming binati ng mga staff na nakakasalubong namin.

Kinuha ng ibang staff ang mga gamit namin at sila na daw ang maglalagay nun sa rooms namin.

"Anong room tayo?" Tanong ni Xiena.

"207, third floor," sagot naman ni Azal.

"Susunod na lang ako, maglalakad-lakad muna ako sa buhanginan," paalam ko sa kanila.

Hinayaan naman nila ako, pumunta ako sa tabing dagat kung saan humahampas ang alon sa buhangin.

"Wear this, mainit ang araw." Napatingin ako kay Cian ng ilagay niya sa ulo ko ang isang cup at sinuot sa akin ang jacket. Hindi ko na yun tinggihan dahil totoong mainit nga.

Hinubad ko ang tsinelas kong dala at naglakad papunta sa tubig.

"Be careful, baka may tinik diyan sa tubig," napairap ako sa inaasta ni Cian. Alam ko namang concern siya pero hindi pa kami ayos kaya wag siyang umasta na okay kami, kase we're not.

Hindi ko na lang siya pinansin at naglakad-lakad na lang sa tubig. Ang sarap sa feeling na tumatama ang tubig sa mga paa ko.

Hindi ko alam kung ilang minuto na akong naglalaro sa tubig kaya nagpasya na rin akong magpahinga muna sa room namin. Paglingon ko ay hindi ko na nakita si Cian.

Kahit kailan talaga.

Sumakay ako ng elevator para makarating sa room namin, tinatamad akong gumamit ng hagdan. Nang makarating ako sa room namin ay nakahiga na sila sa kaniya-kaniyang kama. May isa pang bakante doon at nando'n na din ang gamit ko kaya malamang na ito ang kama ko.

Magkaiba ang room ng mga boys at iba rin sa amin pero magkatabi lang. Matapos kong mag shower at tuyuin ang buhok ko ay nagpahinga na rin ako.

Nagising ako na madilim na sa paligid, wala na rin si Azal at Xiena sa kama nila, bumangon ako at pumunta sa veranda, bumungad sa akin ang maliwanag na buhanginan na kung saan maraming pailaw.

Ang payapa ng paligid, may nakikita pa akong mga bata na nagtatakbuhan sa buhangin at naglalaro.

Habang naghahanap ng jacket sa maleta ko ay nakita ko yung jacket ni Cian sa maleta ko.

Hindi ko pa pala ito nababalik sa kaniya, may jacket na naman siya sa akin kanina. Hindi naman ako ipunan ng jacket niya at hindi ko rin alam kung bakit nandito itong jacket na 'to.

Dahil tinatamad na akong maghanap ng iba ay yun na lang ang sinuot ko, bumaba ako ng first floor para maghanap ng pwedeng kainan dahil nagugutom na ako, hindi man lang ako ginising ng dalawa.

"Pamie!" Napatingin ako sa tumawag sa akin, nakita ko naman silang lahat na naka-upo sa isang restaurant dito sa resort. "Nag order na kami ng kakainin natin, mabuti na lang gumising kana, pupuntahan na sana kita," sabi ni Xiena ng makalapit ako sa kanila.

"Bakit kase hindi nyo ako ginising?" Inis kong tanong, naghanap ako ng pwede kong upuan pero ang bakante na lang ay ang katabi ni Azal na kung saan kaharap ko si Cian. Wala naman akong choice kaya umupo na lang din ako doon.