Chapter 27
October 02, 2023
Chapter 27ချီရှင်းချန် ကျိုးယွီကိုတောင်းပန်ကာလက်ဆောင်ပေးချင်သည့်အချိန်တွင် ချီယွီကျီးမှာ အနီးအနားသို့ရောက်နေပြီဖြစ်သည်။
ဤသည်မှာ သူမ၏ငယ်ရွယ်စဉ်ကလေးဘဝတည်းကပင် အရိုးထဲကပင် အလိုလိုက်ခဲ့ရသောမောင်ငယ်လေးဖြစ်သော်လည်း အဘယ့်ကြောင့် ချီရှင်းချန်မှာအခြားသူအပေါ် ထိုမျှဝပ်တွားခယနေရသည်နည်း။ ပို၍ဆိုးသည်မှာ ထိုသူက သူ၏တောင်းပန်မှုကို တကယ်ကြီးလက်မခံခဲ့ချေ။ ချီယွီကျီး ဒေါသများဆူပွက်ရလွန်းသဖြင့် သူမဝတ်ထားသောဒေါက်ဖိနပ်နှင့်ပင် တက်နင်းမလိုဖြစ်နေရသည်။
ရွံစရာအကောင်းဆုံးအချက်မှာ ဤခွေးကောင်ကျိုးက သူမမောင်ငယ်လေးပေးသည့်လက်ဆောင်ကိုသာလက်ခံပြီး အတုဝယ်လာသည်ဟုပင် မေးခွန်းပြန်ထုတ်လိုက်သေးသည်။
ထို့နောက် သူမ၏မောင်ငယ်လေးကို တကယ်ကိုပဲ ရိုက်နှက်ရဲခဲ့လေသည်။
ယခုလိုအချိန်မှာတောင် သူမ၏မောင်ငယ်လေးကို လက်ပါရဲလေရာ လက်ထပ်ပြီးပါက မည်သို့ရှိနေမည်နည်း။ ချီယွီကျီး သူမ၏မောင်ငယ်လေးကို အနိုင်ကျင့်သူအား အမှန်တကယ်ပင် မိသားစုတွင်းသို့ခေါ်လာရန် မဖြစ်နိုင်ပေ။
ချီရှင်းချန်၏နှာခေါင်းမှဒဏ်ရာကိုကြည့်လေလေ သူမဒေါသထွက်လာလေလေဖြစ်ကာ ချီယွီကျီးသက်တော်စောင့်များကို စေခိုင်းလိုက်သည် " မြန်မြန် သွားပြီးဆွဲချွတ်ပစ်လိုက်ကြတော့…"
သက်တော်စောင့်နှစ်ဦးမှာ အမိန့်ကိုနာခံကာ ကျိုးယွီ၏အနားသို့ အပြေးလာခဲ့ကြသည်။
ဘေးမှရပ်ကြည့်နေမိသောလောင်ကျန်းသည်လည်း သူယခင်အချိန်များတွင် ပေါင်းသင်းဆက်ဆံခဲ့ဖူးသောကြင်နာပုံရသည့်လူငယ်လေးမှာ ထိုမျှယုတ်မာမည်ဟုမထင်မိထားသဖြင့် အမျက်ချောင်းချောင်းထွက်လာကာ အင်္ကျီလက်ကိုခေါက်တင်ကာ သက်တော်စောင့်များနှင့်အတူတကွ ကျိုးယွီကိုပညာပေးရန်အတွက် လိုက်ပါလာခဲ့သည်။
ကျိုးယွီ၏မျက်လုံးများမှာ ငရုတ်သီးဆော့စ်များဖြင့် ပေကျံနေသည့်အတွက် မည်သည့်အရာကိုမှ ရှင်းရှင်းလင်းလင်းမမြင်နိုင်ဖြစ်နေရသော်လည်း ချီယွီကျီး၏အသံကိုကြားလိုက်ရချိန်၌ ပြာပြာသလဲလဲတောင်းပန်လာခဲ့သည်
YOU ARE READING
ကူးပြောင်းပြီးနောက်အမြောက်စာမိသားစုကိုငါရလိုက်တယ်
Historical FictionTitle - After Transmigrated into a Book, I've Gained an Entire Family of Cannon Fodder Description ...